YOSHUA 24:8 - Biblía Axweesantá Hhohho' ar Mungú 2004

⁸ Aluuwo nuri huúw ay baraá yaamaá múk Amori, kudá' gayuú da/aáw oo yaaér Yordanír hoót. Inooín nina slaqwarár ayé' amorhúng. Aníng ngiri gawaá dabaahúngií qaás, ngiri hhaamiís. Kuungá' yaamuuín kiri hayoté'.

YOSHUA 24:8 Iomraidhean Croise

NEHEMIA 9:22

«Ina pa/aángwí hanís oo waawuti'iima nee xoorduwo kiwa arba/i, umuúqo bihhiiwo ina muruú yaariír i tléhh. Yaamaá Heshboni ngina arba/iyé' kudaá waawutmo Sihoni aa sawaawuti'ín. Sleeme yaamaá Bashani ngina arba/iyé' kudaá waawutmo Ogu aa sawaawuti'ín.

TI'INAANGW 23:23

Qoomár bar malaykamooeé' kuungá' naa geerahaár nuri hardahaás baraá yaamaaá xoorór Amori nee ar Hiti, nee ar Perisi, nee ar Kana'ani, nee ar Hifi, nee ar Yebusi, xoorduuká' ngiri hhaamiís.

AMOS 2:10

Aníng kuungá' nuna duúx baraá yaamaá Misrír wa ale, nuri geerahaár baraá xaanxaywo har qoomár kureeri mibeeri tsiyáhh, nuri dahaás baraá yaamaá múk Amori as kiwa ala'.

AMOS 2:9

«Tam adoorihe, aá muk'eé', aníng xoorór Amori ana hhaamiís geerahúng wa alé, inooín tam múk tlede adór sahhtár wa ale, nee tam i /uureemaá kona'a adór ti'ituú wa ale, eeít, aníng haleemiiwós nee dee/áruwose ina qororo'oós.

DABE 2:32

Naagáy, Sihoni niri ti'iít nee mukós sleémeero as tawa slaqwi nee atén bihhaá gixsár Yahasár wa ale.

YOSHUA 13:10

Gixsadu sleémeero awa Sihoni waawutmoó xoorór Amori, kudá' aa waawuti'in iimír Heshbonír wá ale ay digmuú xoorór Amori.