YOSHUA 24:7 - Biblía Axweesantá Hhohho' ar Mungú 2004

⁷ Xoorór Israeli niwa amór AAKOÓ MUNGÚ wí /aa/ír, aníng giwti ngari tla/angwhúngí qaás nee múk Misri, ma'aá tlawi ngiri gawaaíní xoptís. Kuungá' ilahunge muruudá' naa tlehhiít ugwa aandé'.› «Aluuwo kureeraá yaariire tari baraá xaanxáy wa hoté'.

YOSHUA 24:7 Iomraidhean Croise

TI'INAANGW 14:10

Qoomár Farao iwa tseewúy didií alé nee múk Misriro, múk Israeli gari ár, múk Israeli iri amór AAKOÓ MUNGÚ i /aa/amín ar daér yaariir.

TI'INAANGW 14:20

Uhmoodá' iri sihhiít tla/ángw slaqwaruusér Misri nee xoorór Israeli. Uhmooduú huunki múk Misri guna giwís, ala múk Israeli xweeraawo guna i gwa/aát, gawaá adoorihe slaqwaruusér Misri múk Israeli gwa i tseewuuriiká xweera sleémeero.

TI'INAANGW 14:31

Múk Israeli gadiyeédá' ur ar AAKOÓ MUNGÚ aa dír múk Misrírí tleéhh kari ár. Naagáy inooín AAKOÓ MUNGÚ nguri ilaiwawa/iyé' nguri haratlintii'iyé', nee sagadiyusmoowós Mosewo.

DABE 1:46

Naagáy har afiqoomár yaariire tari meté' baraá Kadeshírí ale.»

DABE 2:14

Qoomaarihe kureeri mibeeri tám nee dakaát naa qaroó waarahhiyé', iimidá' tawa Kadesh-barnea wa tlawaán, ay qoomár yaaér Seredi kawa waarahhaan. Qoomaarihe qartidá' afiqoomár slaqwara eemuuwo hariim aa qaroó fák qatlooro, adoodá' aáng AAKOÓ MUNGÚ lo'o ngira /aáy.

DABE 29:2

Mose múk Israeli sleémeero guna dinkwárí ateét, guri báy, «Kuungá' ilaahunge aga aandé' adór AAKOÓ MUNGÚ aa tleéhh dír waawutmoó Misri, nee geeraharuuserose, nee sagadiyuuseerose, nee yaamuuwós sleémeero.

DABE 4:34

Xáy, kuungá' mungú taa axasé' i deéro oo mukós gwaa leehh baraá xoorór hatlá' i ale, adoodá' AAKOÓ MUNGÚ, Munguúhúng aa tleéhh ar loohír iiara'at, nee layu nee slaqsa'aá waa/oo/amo, ar slaqwara, laqaá ar /uuruuwós kudá' úr, muruú yaariír guri tleéhh, kudá' taa aandé' ilahunge baraá yaamaá Misriro.

Ebrania 3:17

Mungú múk aa i buhhabuúhh kureeraá mibeeraá tsiyahhe a ín heemá? A kudá' tlakweema gaa tleéhhiíke, kudá' aa qaatl baraá xaanxáy i alé.

YOSHUA 5:6

Asma xoorór Israeli ina baraá xaanxáy wa harweerariín kureeri mibeeri tsiyáhh, ay qoomár hhawaate sleémeero awa afiqoomár slaqwara ngaa aye', kudá' naa baraá yaamaá Misrír wa ti'iitiye' niwa hhané', as afór AAKOÓ MUNGÚ ngiwa iialooeesi'iiká. Asma AAKOÓ MUNGÚ lo'o gana /aáy daanduuine ar yaamuudá' aa dír baabi'ii'íní al'axweés, kudaá diihhooár ilwa nee dane, daxta ngiwa sangw baloó ariiaaká.