YOSHUA 24:32 - Biblía Axweesantá Hhohho' ar Mungú 2004

³² Fadaá slaqwtá Yosefu, kudá' aáng tinda huúw nee xoorór Israeli iimír yaamaá Misrír wa ale, kiri foól yaamaá Shekemu, dír yaamuudá' Yakobo aa tlaáxw dír daaqoó Hamórí wa ale baabuú Shekemu, ar parhheemaá muqslír peésa awa tsiiruú wák. Yaamuuká' aluuwo tari aalír xwaylár Yosefu.

YOSHUA 24:32 Iomraidhean Croise

IIMU/UUNGW 33:19

Didá' aa i tleehhiít gana tlaáxw dír múk Hamorír wa alé, baabuú Shekemu, ar peésár tsiiru.

IIMU/UUNGW 48:22

Aníng kuúng ugwa gurií baá/ ta hhaeewoge, xatstadá' hhoo' ar gwe'edaá tlooma ngaa haniís, tidá' naa hayóh dír múk Amori wa alé, ar paángar'eé' nee maheeri.»

IIMU/UUNGW 50:24

Yosefu hhaeewós giri báy, «Án hám gwa'arar'eé' naa hamát. Ala Mungú niqo hardah dirhúng i alé, as nuwa duuxi baraá yaamuká' Misriro ay dír yaamuudá' aa oó' dír Abrahamu nee Isaka nee Yakobo.»

IIMU/UUNGW 50:25

Yosefu daaqoó Israeli guri lo'ór /aymiís giri báy, «Mungú niqo dirhúngií hardah, kuungá' nuwa ba/amisár ay. Kuungá' daqaní tuuar'eé' ka Kana'anírí hubá'.»

TI'INAANGW 13:19

Mose fadaá Yosefu giri huúw sleeme, adoodá' Yosefu ngira alqadín qoomár iwa slafi, asma ina oó', «Mungú kuungá' nu qo tu/tá áy, ala faduueé' ar ti'iitaak.»

Yohana 4:5

Iri hardáh dír gixsár Samaria ar ta bay Sikari, bihhaá qaymoodá' Yakobo aa garmaawós Yosefú i haniís.

Tlehhema'aá ya/Abuuse 7:15

Yakobo iri aweér Misri, iri gwaá' baraadií alé, inós nee baabi'iirene.

Tlehhema'aá ya/Abuuse 7:16

Tu'uuín kiri huúw ay Shekemu, kiri foól baraá qaymoodá' Abrahamu aa tlaáxw ar peésa dír daaqoó Hamórí wa ale, tidár baraá Shekemu.

Ebrania 11:22

Tam Yosefu sleeme a heé haratlintaaór koóm. Qoomár gwa'araarós iwa naká/, inós kángw ti'inángw múk Israeli baraá yaamaá Misriro guri alki/iít, hara'aya gari oó' adór faduuwós ki laqi.