YOSHUA 24:23 - Biblía Axweesantá Hhohho' ar Mungú 2004

²³ Yoshua giri báy, «Gimsé', munguidaá /eetuuse amoosií kwahhaak, kudá' baraá tla/eerihúngií diriiá', daqaní faakisé' baraá munerhunge amór AAKOÓ MUNGÚ, Munguú Israeli.»

YOSHUA 24:23 Iomraidhean Croise

1 WAAWITÁ 8:57

AAKOÓ MUNGÚ, Munguúrén ta dinkwa nee atén, adoodá' ira dinku'umaamiís nee baabi'iirén, atén mitiwa máy, laqaá mitiwa gunqareés.

1 WAAWITÁ 8:58

Inós muneerén ngi amoorós xu'usi, as loohirós kawa eeharaan, nee hara'ayaarós kawa oohaan, nee kaahirose, nee axweesantose tidá' aa oó' dír baabi'iirén.

WARA'AMI 119:36

Sla'aarír ló' ar axweesantók baraeéní tleehhang, ta daqaari'iima ngiwa ilatleeruusa.

WARA'AMI 141:4

Muunaáeé' mu amór tlehhmuú tlaákw xu'usar, tlehhma'aá tlakw miwa intsaáhh, nee múk tlakweemaá tlehhahhiít mawa aldinku'usaán, tam muruú /aymar'ín kuduú gi'i muwa /aáy.

WARA'AMI 81:10

Aníng an AAKOÓ MUNGÚ, Munguúwók, kudá' ugwa tsa/aas baraá yaamaá Misrír wa ale. Kangw'eé' axaaseek, daqaní án kuúng u tsuúq.

TI'INAANGW 20:23

Slaqsi'iidaá munguaá hatlá' awa taa tleéhh ar peésa nee sahaábuwo mi koomara' dinkwa nee aníng.

AXWEESANOÓ SAGALOOA 2:2

bar sagalooa aga iiárií qás, muuná bar ugwa hanís as tsaahha kawa sleer,

HOSEA 14:8

Aá múk Israeli, gár slaqsi'iisíng kis sla'a? Aníng firorhúng ngin mu/aywatsatsiím nee nun amohhe'emaamiís. Aníng a adór xa'anoó mahhtírhúng oo ta bay beroshi, kudá' qaantsaár daqisleém. Kuungá' mamuuhúng in dir'eé' wa sleerá'.

YOSHUA 24:14

«Gimsé', AAKOÓ MUNGÚ ilaiwawa/aak nee sagadiyusaak ar muunuú /awaák nee ar inkihhimu. Munguiidá' baabi'iihúng naa sagadiyusiyé' gayuú yaaér Eufrátér wa ale, nee baraá yaamaá Misriro, amoosíngí kwahhaak, daqaní AAKOÓ MUNGÚ ku sagadiyusá'.