YOSHUA 24:18 - Biblía Axweesantá Hhohho' ar Mungú 2004

¹⁸ Nee slám AAKOÓ MUNGÚ xoorduudá' sleémeero gina geeraarén wa tlatlahhaás, ín xoorór Amori, kudá' baraá yaamuuká' ngaa hootiye'. Gawaá adoorihe atén sleeme AAKOÓ MUNGÚ un sagadiyusaán, asma inós an Munguúrén.»

YOSHUA 24:18 Iomraidhean Croise

WARA'AMI 116:16

AAKOÓ MUNGÚ, aníng a lawaalmoowók, án kuúng iga gwét baraá tseegmooro.

TI'INAANGW 10:2

As kahhó' kuungá' na/iihúng kiwa kaangwí beera', nee na/aá nangwhúng, adór aníng múk Misri ngura niqís nee layuudá' naa baraá tla/angw'ín wa tleéhh, as kahhó' kawa xua' adór aníng tar AAKOÓ MUNGÚ.»

TI'INAANGW 15:2

AAKOÓ MUNGÚ an /uuruueé' nee an daa'angw'eé'. Inós ina ba/amar'eé' tleehhiít. Inós an Munguúeé', aníng un diidi'iís. Inós an Munguú baabuúeé', aníng un xirfayeés.

TI'INAANGW 23:31

Digmuú yaamuuhúng a iimír tlawtá Shamúr wa tleemu ay tlawtá Mediteranea, iimír xaanxáy wa tleemu ay yaaér Eufrate. Asma yaamuloouusér yaamuuká' ngi gawaá dabaahúng i qaás nee kuungá' kiri tlatlahhasá'.

MIKA 4:2

Nee xoorduuká' yaariir niri hardihiyá' tari ooi, «Qwalaasé', a tsa/amán gawaá tloomár AAKOÓ MUNGÚ, amór Doó Munguú Yakobo. Inós atén tiri intsaahhatis lohduwose, atén niri hi'imiitaán ar baraá irwaarós.» Asma intsaahhasa baraá Siyoni ngin dáhh, nee AAKOÓ MUNGÚ axweesantós ngin baraá Yerusalemúr wa oo'.

SEKARIA 8:23

Qoomaadae múk mibaangw, oo umuúqo tsifrír xoorduuwo pasltá inqwaarír heé Yahudi ngin oohiyá', tari ooi, ‹Góh nee kuúng ti alkoomaán, asma aga axasaán adór Mungú ir dinkwa nee kuungá'.› Anuú AAKOÓ MUNGÚ tí ngiwa oó'.»

Tlehhema'aá ya/Abuuse 7:45

Aluuwo bariiseerén heémarí gari ilaaót dír baabi'ii'ín wa ale. Kari gagaarín qoomár kiwa geeraharahari nee Yoshua. Qoomaadae Mungú múk xoordu guri guús geeraá baabi'iirén wa ale. Baabi'iirén niri dahiyé' baraá yaamuudá', yaamuudá' ngiri hayohiyé'. Heémadá' iri hotaatiín baraá yaamuudá' wa ale ay qoomár Daudi.

DABE 10:21

Inós an xirfuuhúng, an Munguúhúng kudá' naa muruuwí urén i tleehh, nee oo waa/oo/amo kudá' taa aandé' ilahunge.

DABE 33:27

Munguú iimu/ungw wásl an dír guwaywók. Dabaawós kudá' alhhe'eesay wasl un loohisiyá'. Inós wakuuse gan geerawók wa guus, i kaahi, ‹Hhaamiseek.›

YOSHUA 23:9

Asma AAKOÓ MUNGÚ xoorduudá' uren nee awa /uureemaá koomá' gina geeraahúng wa tlatlahhaás, nee heé kuungá' naa tlaampa'aas ay laarí i kaahh.

YOSHUA 24:17

Asma AAKOÓ MUNGÚ, Munguúrén, inós an kudá' atén nee baabi'iirene taa duux baraá yaamaá Misrír wa ale, yaamaá lawaali'iima kawa /ayaán. Slám laydaá uren awa waa/oo/amór koomá' gina tleéhh dír ilaarén wa ale. Inós tari deaaén baraá lohduudá' sleémeero nira ohiimani, nee baraá tla/eeraá xoorduudá' sleémeero nira waraahhani.

YOSHUA 24:19

Ala Yoshua mukdá' guri báy, «Kuungá' AAKOÓ MUNGÚ sagadiyede u asleera'aaká, asma inós a Munguú hhoohhoó'. Slám a Munguú da/itá koóm, nee inós tlakweemaahúng nee dakumisuhunge gi gurtlayká.