YOSHUA 24:17 - Biblía Axweesantá Hhohho' ar Mungú 2004

¹⁷ Asma AAKOÓ MUNGÚ, Munguúrén, inós an kudá' atén nee baabi'iirene taa duux baraá yaamaá Misrír wa ale, yaamaá lawaali'iima kawa /ayaán. Slám laydaá uren awa waa/oo/amór koomá' gina tleéhh dír ilaarén wa ale. Inós tari deaaén baraá lohduudá' sleémeero nira ohiimani, nee baraá tla/eeraá xoorduudá' sleémeero nira waraahhani.

YOSHUA 24:17 Iomraidhean Croise

2 QOM'I 13:10

«Ala bartarene, AAKOÓ MUNGÚ an Mungú, slám ugwa baloó geexawaniiká, kaahamuusér Mungú ar ta koomaan ar tlahhoó Aroni, tidá' AAKOÓ MUNGÚ sagadiyuus, kin alee/iimiis nee múk tlahhoó Laáwi.

TI'INAANGW 13:14

Barnaxes balookaaro na/iihúng naa yaahasiyé', ‹Gaarí gídaabárós a milá?› ki beera', ‹AAKOÓ MUNGÚ atén tina baraá yaamaá Misrír wa tuú/, yaamaá lawaali'iima, ar dákw /uuruú koóm.

TI'INAANGW 13:3

Mose muu guri báy, «Baalaarí niwa ti'ité' baraá lawaali'iimár yaamaá Misrír wa ale, inslawaak, asma baalaarihe AAKOÓ MUNGÚ kuungá' nuna duúx ar dakós oo /uuruú koóm. Gimsé' baalár adór tihe, mikaátér taa sluuftís ma /ayaara'.

TI'INAANGW 19:4

‹Kuungá' adoodá' aníng naa tleéhh dír múk Misri aga aandé', nee kuungá' nuri ar tláw amor'eéní ale adór gwareesi na/iiwós ngir loohamaamis ar hhampe'eeriwós.

ISAYA 46:4

Tam qoomár bar aga dimadiindé', aníng aqo kuduú kilá', Tam qoomár se'engwhúng al/awtanto bira /awaakúy aníng kuungá' nu loohiís. Aníng adoorí ana tleéhh nee an kumiít tlehhtuuwo, nun loohiís nee nu ba/amís.

DABE 29:2

Mose múk Israeli sleémeero guna dinkwárí ateét, guri báy, «Kuungá' ilaahunge aga aandé' adór AAKOÓ MUNGÚ aa tleéhh dír waawutmoó Misri, nee geeraharuuserose, nee sagadiyuuseerose, nee yaamuuwós sleémeero.

DABE 32:9

Inós múk Yakobo guna qaás tawa mukós. Múk Yakobo guna tsawaár tawa aalirós.

DABE 7:19

Inslawaak muxtaadá' tlakw ilahunge taa aandé', muruú waa/oo/amo nee layudá' uren, nee /uuruú úr nee aleesleemuú úr kudá' AAKOÓ MUNGÚ, Munguúhúng ira gadiyuús qoomár nuwa baraá yaamaá Misrír wa tuú/. Adoorí an adoodá' i tleehhi dír mukdá' kuungá' ta da'ayumiita'.

YOSHUA 24:16

Muu sleémeero tari oó', «Tisíng i amoosií pa/, atén mitiwa sleér, ar atén AAKOÓ MUNGÚ nguwa geexawaan sagadiyeede, nari munguaá hatlá' sagadiyér awaán.

YOSHUA 24:18

Nee slám AAKOÓ MUNGÚ xoorduudá' sleémeero gina geeraarén wa tlatlahhaás, ín xoorór Amori, kudá' baraá yaamuuká' ngaa hootiye'. Gawaá adoorihe atén sleeme AAKOÓ MUNGÚ un sagadiyusaán, asma inós an Munguúrén.»