YOSHUA 24:16 - Biblía Axweesantá Hhohho' ar Mungú 2004

¹⁶ Muu sleémeero tari oó', «Tisíng i amoosií pa/, atén mitiwa sleér, ar atén AAKOÓ MUNGÚ nguwa geexawaan sagadiyeede, nari munguaá hatlá' sagadiyér awaán.

YOSHUA 24:16 Iomraidhean Croise

WARA'AMI 119:106

Al'axweesante'eé' aga oó', ngiri gawdeés ooaro, tidá' ganaa' kuúng ta kat an óh.

Rumi 3:6

Aasla'áy. Asma Mungú geera adór muu ngur sakwasleemuuti a adoomá?

Rumi 6:2

Aasla'áy a adoosingeeká. Ateéká' aga qatlaan dír tlakweemaawo, ala adór atén tar malé baraá tlakweemaá wa hootaan a adoomá?

YOSHUA 22:29

Kangwsíng atén tiwa pa/i, oo atén niwa dee/aanutaan, nee niwa warqawaan dír AAKOÓ MUNGUHE, atén kitángw hatlá' oo ilahhooa kawa da/aa/an kuwa tleehhaan laqaá oo ilahhooár bu'uungw, laqaá oo ilahhooár muruú ta tsu/i ta kuduú AAKOÓ MUNGÚ, Munguúrén, oo baraá heémarósí dirií'.»

YOSHUA 24:15

Barnaxes kuungá' AAKOÓ MUNGÚ kuwa sagadiyusa' a sla'a'aaká, gimsé', tsawdimé' laarí munguaá ta sagadiyusa' slawaak. Bar awa ta sla'a' an kudá' baabi'iihúng naa sagadiyusiyé' afaá yaaér Eufrátér wa ale, laqaá bar awa ta sla'a' an kudá' múk Amori ni sagadiyusiya', mukdá' ayaaín hamí ta hota', tlawsé'. Ala aníng nee múk dooeé' sleémeero AAKOÓ MUNGÚ un sagadiyusaán.»

YOSHUA 24:17

Asma AAKOÓ MUNGÚ, Munguúrén, inós an kudá' atén nee baabi'iirene taa duux baraá yaamaá Misrír wa ale, yaamaá lawaali'iima kawa /ayaán. Slám laydaá uren awa waa/oo/amór koomá' gina tleéhh dír ilaarén wa ale. Inós tari deaaén baraá lohduudá' sleémeero nira ohiimani, nee baraá tla/eeraá xoorduudá' sleémeero nira waraahhani.

1 SAMUELI 12:23

Tam adoorihe amór bartá aninge, aníng AAKOÓ MUNGÚ muwa tlakweemií tleéhh ar kuungá' nuwa maw aleefirooro, ala nun intsaahhatís baraá lohaá hhoe nee awa ganaa'ae.