YOSHUA 24:14 - Biblía Axweesantá Hhohho' ar Mungú 2004

¹⁴ «Gimsé', AAKOÓ MUNGÚ ilaiwawa/aak nee sagadiyusaak ar muunuú /awaák nee ar inkihhimu. Munguiidá' baabi'iihúng naa sagadiyusiyé' gayuú yaaér Eufrátér wa ale, nee baraá yaamaá Misriro, amoosíngí kwahhaak, daqaní AAKOÓ MUNGÚ ku sagadiyusá'.

YOSHUA 24:14 Iomraidhean Croise

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

IIMU/UUNGW 35:2

Yakobo múk do'ós sleémeero nee kudá' nee inós alhootá' giri báy, «Munguiidá' ta koonda' hingeesaak, ti hheehhe'ese', nee tlabaahúng warqesaagáy.

2 WAAWITÁ 20:3

«AAKOÓ MUNGÚ, án kuúng un harhheehhe'eés, adoodá' aníng kuúng ura sagadiyuús ar inkihhimu, nee ar muunaáeé' sleémeero inslaweek, nee tidá' dír geeraawoge qoom ana tleéhh.» Hesekia iri gurhaamuút iri /aá/.

ESRA 9:11

tidá' naa ó' ar afér sagadiyuuseerók aaruuse, tawa kat, ‹Yaamuudá' ta keera' as kiwa ala', a yaamaá slasla/aar as múk yaamuudá', asma muruudá' ta waki nguwa dalaa/iyé' baraá yaamuudá'.

YOBU 1:1

Heeko i deer, oo baraá yaamaá Usi. Inós a heé hhoó', oo gan'amuú tlehhahhiít, heé Mungú ilaiwawaá/, nee oo tlakweemaá sla'aaká. Heewí umuuwós a Yobu.

YOBU 28:28

Mungú hee guri báy, ‹Ga/aaweek, Aako bur ilaiwaawá/ an sagalooa, nee tsaahha a tin parátl dír tlakweemaawo.› »

WARA'AMI 111:10

Ilaiwa/amér AAKOÓ MUNGÚ an iimu/úngw sagalooa. Múk adoorí ga /iimiís sager'ín i gwa/át. Xirfuuwós in kumamiit kureerisleém.

WARA'AMI 119:1

Múk amohhoó' a kudá' tlakweemaá tlehhahhita'aaká, kudaádá' dabér AAKOÓ MUNGÚ ngi eeharaahará'.

WARA'AMI 119:80

Masók kaahirók an óh ar inkihhimu, as aníng mitiwa mureekeés.

WARA'AMI 130:4

Ala dír kuunge gurtleemuú tlakweema i deer, as kahhó' atén kuúng uwa ilaiwawa/aan.

WARA'AMI 81:10

Aníng an AAKOÓ MUNGÚ, Munguúwók, kudá' ugwa tsa/aas baraá yaamaá Misrír wa ale. Kangw'eé' axaaseek, daqaní án kuúng u tsuúq.

ESEKIELI 20:18

Na/ii'ín ina naanaáq baraá xaanxáy wa alé, ina báw, ‹Slooír baabi'iihúng ma eeharaara', tam hara'ayar'ín ma oohara', laqaá miti slasla/areesara' ar slaqsi'iidaá munguaá hatlá'.›

ESEKIELI 23:3

Qoomár inooín tawa dasuú /amaatliite tawa yaamaá Misrír hooti, inooín tana fquús, asma tana ya/án iseemaaín kiwa kwatmiiti nee daaqaay, nee kiwa harneeti inooín niri sli'imuuse tleehhitiyé'.

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

TLAHHOÓ LAÁWI 17:7

Gawaá adoorihe xoorór Israeli munguidaá lama awa slaqás nee slee ilahhooárií tsu/taaro ngi maye', asma gaarí an gár inkihhimu ngusa dakuusiye' dir'eene. Dakwí i hotaatín ay alhhe'eesay wasle, nee oo ta eehari ay qari sleémeero.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

Luka 8:15

Kuduú baraá hhapér hho' an slaqsoó mukdá' axweesani gaa axaas, kari ooha hhe'eés ar munér ilaiwa/ame, iri laqwál ar qitla.»

Tlehhema'aá ya/Abuuse 9:31

Múk kríshaanáy amohhooa gari sláy baraá yaamaá Yudeawo nee Galilayaro, nee yaamaá Samaria. Tari gawdúy gawaá loohír Aakoowo, Aako kuri ilaiwawaá/, Qeeruú hhoohhoó' oo Mungú gina gurkwa/amís, nee faaror'ín iri doogigiín.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

Efeso 6:24

Tsuuqaá Mungú masók i dír muu sleémeero, kudá' Aakoorén Yesu ngu sla'á' ar sla'aarír faakaaká.

DABE 10:12

«Hám daxta kuungá' múk Israeli, AAKOÓ MUNGÚ, Munguúhúng gár i slai a milá dirhunge? Aqo har AAKOÓ MUNGÚ Munguúhúng un ilaiwawa/á', nee lohduuwós sleémeero kudá' i slai kiwa eehada', nee kuwa sla'a', nee AAKOÓ MUNGÚ, Munguúhúng kuwa sagadiyusa' ar munerhúng sleémeero, nee qeereemohúng sleémeero,

DABE 18:13

Kuungá' masók gár nuwa /aaruw dír geeraá AAKOÓ MUNGÚ, Mungúhung i kaahh.

DABE 6:13

AAKOÓ MUNGÚ, Munguúhúng ilaiwawa/aak, inós kilós sagadiyusaak, nee lo'o /ayaak ar baraá umuuwós kilós.

Filipi 1:10

as kahhó' kuungá' gár hhoó' tsawaararo kawa aleesleera'. Daqaní kuungá' a múk taa hhoohhooeés nee oo xaslxaanslír koomaaká bál deeloodár Kristo birna hardát.

YOSHUA 24:2

Yoshua muu sleémeero guri báy, «AAKOÓ MUNGÚ, Munguú Israeli, i kaahi, ‹Aáng baabi'iihúng, Tera, baabuú Abrahamu, nee Nahori afaá yaaér Eufrate ngina hotaatiné'. Inooín munguaá hatlá' ngiri sagadiyuusiyé'.

YOSHUA 24:23

Yoshua giri báy, «Gimsé', munguidaá /eetuuse amoosií kwahhaak, kudá' baraá tla/eerihúngií diriiá', daqaní faakisé' baraá munerhunge amór AAKOÓ MUNGÚ, Munguú Israeli.»

1 SAMUELI 12:14

Barnaxés AAKOÓ MUNGÚ ugwa ilaiwa/é', nee kuri sagadiyusé', nee afoorós kari iiárií qasé', nee bar hara'ayár AAKOÓ MUNGÚ aga si'i'iiká, barnaxes kuungá' nee waawutmoó kuungá' nu sawaawuti'iím AAKOÓ MUNGÚ ugwa eehadé', daqaní kuungá' amohhooa a sleerá'.

1 SAMUELI 12:24

AAKOÓ MUNGÚ kilós na ilaiwa/aak kuwa sagadiyusa' ar inkihhimu, nee ar munerhúng sleémeero, inslawimé', adór nura muruú urén i tleéhh.

1 SAMUELI 7:3

Samueli múk Israeli sleémeero guri báy, «Barnaxes aga ki/é' ar munerhúng sleémeero amór AAKOÓ MUNGÚ, gimsé' munguaá dahaaye hingeesaak, nee slaqsi'iidá' ta babay Ashtaroti, dirhunge kwahhaak. Munerhúng amohhe'eesaak dír AAKOÓ MUNGÚ. Inós kilós ku sagadiyusá', daqaní inós kuungá' nu ba/amis baraá dabaá xoorór Filistiro.»