YOSHUA 24:12 - Biblía Axweesantá Hhohho' ar Mungú 2004

¹² Aníng xoorduudá' ngiri diwílí tleés, waawituú tsár oo xoorór Amori nguri tlatlahhaás ar diwíl, ala a ar paangaduhungeeká, laqaá ar ga/alduuhungeeká.

YOSHUA 24:12 Iomraidhean Croise

WARA'AMI 135:11

Sihoni, waawutmoó yaamaá Amori, nee Ogu, waawutmoó yaamaá Bashani, nee waawitá sleémeero oo baraá yaamaá Kana'ani.

WARA'AMI 80:10

Tlom'i kina tuuntuúk ar mahhátuuwós, haleemiiwós a adór miereésír Mungú.

WARA'AMI 80:9

Sla/a ana fíts, inós dee/áruuwós guna sihha hhe'eés yaamu giri hatsiís.

TI'INAANGW 23:28

Aníng inooín in geerahúng wa diwilií tleés, as kahhó' mukduú Hifi nee oo Kana'ani nee Hitiro kiwa geerahúng wa tlatlahhasi.

TI'INAANGW 23:31

Digmuú yaamuuhúng a iimír tlawtá Shamúr wa tleemu ay tlawtá Mediteranea, iimír xaanxáy wa tleemu ay yaaér Eufrate. Asma yaamuloouusér yaamuuká' ngi gawaá dabaahúng i qaás nee kuungá' kiri tlatlahhasá'.

FAARO 21:31

Naagáy xoorór Israeli iri hót baraá yaamaá múk Amori wa ale.

FAARO 21:32

Aluuwo Mose muu guri ya/aáw as gixsár Yaseri ngiwa tsawtsawusár aya', ngiri hayohiyé' dinkwa nee ayeemaá isaapaydá', múk Amori oo baraadá' hoót kuri guús.

DABE 31:4

AAKOÓ MUNGÚ múk baraá yaamuudá' gun hhaamiis adoodá' aa tleéhh dír waawutmo Sihoni nee Ogu, waawituú múk Amori, qoomár yaamuuín ngiwa hhaamiís.

DABE 4:46

Kaangwí ina tleehharuút qoomaadá' tawa gayuú hatlá' oo Yordanírí dirii'i baraá xatstadár geeraá Bet-peori, baraá yaamuudá' aáng awa waawutmo Sihoni oo Amori, kudá' aa waawuti'in baraá gixsár Heshbonír wa ale. Mose inooín gina baál qoomár múk Israeli niwa baraá yaamaá Misrír wa ti'iít.

DABE 4:47

Yaamuuwós kina hayóh nee awa waawutmo Ogu oo Bashani. Waawitaáwí tsár oo xoorór Amori, nina waawuti'ii'iné' bihhaá da/aáw awa yaaér Yordanír wá ale.

DABE 7:20

Tam adoorihe AAKOÓ MUNGÚ, diwíl gwaa tleés amór mukdá' aa kuungá' wa goow aa nahhamiít as ngiwa hhaamisi.

YOSHUA 2:10

Asma aga axaasaán adoodá' AAKOÓ MUNGÚ tlawtá Shamu ngira kahaás geerahúng wa alé, qoomaadá' niwa baraá yaamaá Misrír wá ti'ité'. Slám atén aga malé axaasaán adoodá' kuungá' Sihoni nee Ogu kira tsu/é', waawituú tsár oo múk Amori kuduú gayuú da/aáw yaaér Yordaniro.