YOSHUA 24:10 - Biblía Axweesantá Hhohho' ar Mungú 2004

¹⁰ Ala aníng firór Bala'amu ana sií', inós kuungá' nuri tsuúq. Gawaá adoorihe aníng kuungá' nuri baraá dabaá Balaki wa tuú/.

YOSHUA 24:10 Iomraidhean Croise

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

MIKA 6:5

Kuungá' muk'eé', inslawiimé' adór Balaki, waawutmoó yaamaá Moabu nura qwaareesár wa slaá' nee adór aarusmo Bala'amu, garmoó Beori ngwa báw, anuú AAKOÓ MUNGÚ a slaá' kuungá' nuwa gár hhoó' i tleehh. Nee inslawiimé' sleeme adór tara Shitímuú wa tleeré' tay hardaté' ay Gilgali. Muruuwí inslawaak as kawa tsahha' adór án kuungá' nura alee/iimamiís.»

FAARO 22:35

Ala malaykamoó AAKOÓ MUNGÚ Bala'amu guri báy, «Tláw nee mukwí, ala gár ta o' a tidá' kilós ugwa báw.» Naagáy, Bala'amu tari alkumiít aaiwo dinkwa nee geeraharuusér Balaki.

DABE 23:5

Ala AAKOÓ MUNGÚ, Munguúhúng Bala'amu gwa iiárií qaasiiká, kitaangose Mungú lo'oodá' gana warqeés tawa tsuuqa dirhunge, asma AAKOÓ MUNGÚ, Munguúhúng kuungá' nuna ló'wa slaá'.

YOSHUA 24:11

Aluuwo yaaér Yordani kari waarahhé', tari hardaté' Yerikórí ale. Múk Yeriko nari slaqwarár áy amorhúng. Tina alkoné' nee xoorór Amori, nee ar Perisi, nee ar Kana'ani, nee ar Hiti, nee ar Girgashi, nee ar Hifi, nee ar Yebusiro. Aníng xoorduuká' ngiri gawaá dabaahúngií qaás.