YOSHUA 23:15 - Biblía Axweesantá Hhohho' ar Mungú 2004

¹⁵ Ala adoodá' muruudá' sleémeero oo hhó' AAKOÓ MUNGÚ, Munguúhúng naa dirhúngií al'axweés ira boó/, adoorí an adoodá' sleeme AAKOÓ MUNGÚ muruú tlákw ngur aleesláy gawaahúngií huwto ay dír kuungá' tay hhaanda' baraá yaamuuká' hhooe awa tinda haniís nee AAKOÓ MUNGÚ Munguúhúng.

YOSHUA 23:15 Iomraidhean Croise

1 WAAWITÁ 14:15

Eeít, iimír hamí AAKOÓ MUNGÚ múk Israeli gu slaahh, inooín kiri diingiis adór gitsór ta dingimiisi nee ma'aá yaae. Inós múk Israeli guri hingees baraá yaamuuká hhoohhoo' taa baabi'ii'ín i haniís, nee kiri diyaa/ ayaá saáwí alé, gayuú yaaér Eufrate, asma AAKOÓ MUNGÚ ngwaa buhhtisiyé' as slaqsa'aá Ashera kiwa tleéhh, kuduú munguú /ameeni.

1 WAAWITÁ 8:56

«AAKOÓ MUNGÚ i xirfuuti, kudá' mukós oo Israeli gwaa amoohhooár i haniis, adór al'axweesantós sleémeero i diri'. Al'axweesantós tidá' hho' aa oó' ar loohír sagadiyusmoowós Mose gaa boo/eés.

ISAYA 24:6

Gawaá adoorihe lo'o yaamu gaa /ák, nee yaamuloouusér baraá yaamu ka slahh'eemiis as tlakweemaaín. Gawaá adoorihe yaamuloouusér baraá yaamu aa /aaruúr, nee múk niiná kilós ina meét.

YEREMIA 32:24

«Ga/aaweek, múk Kaldayo gixsa gaa harweér ar ufér hhape, as kawa haraadahi nee kawa hayoohi, asma mukwí kuna baraá dabaá múk Kaldayo i qaás ar slaqwara nee giyeé nee tiqtír pu/i. Tidá' kuúng taa kát, ga/aaweek, naa hardát nee ilaawoge aga aán.

YEREMIA 32:42

Asma AAKOÓ MUNGÚ i kaahi, «Adoodá' mukwí ngura amotlakweérí huúw, hhooeemadá' naa al'axweés sleeme in dir'íní huúw.

YEREMIA 35:17

Gawaá adoorihe, anuú AAKOÓ MUNGÚ Aleesleemusmo, Munguú Israeli a kah, ‹Aníng múk Yuda nee yaamuloouuse sleémeero ar Yerusalemu a amotlakwérí huúw, tidá' naa oiím dir'ín i alé, asma aníng ana axweés, ala inooín iga iiárií qaasi'iiká, ina ateét, ala naa ooin'iiká.› »

TLAHHOÓ LAÁWI 26:3

«Barnaxes daber'eé' aga eehadé' nee kaahir'eé' kay oté',

1 Tesalonike 2:16

Asma inooín atén tin ila/aná' as Ya/abtór hho' mawa alki/iitaán dír múk xoorduwo, as matawa ba/án. Gawaá adoorihe inooín harqoomayduú tlakweemaaín kun hatsmiis. Ala hám daxta sakwasleemár Mungú gaa i hardát.

HAR'OHUUSE 13:1

Aluuwo múk Israeli tlakweema gina malé tleéhh dír geeraá AAKOÓ MUNGUHE, AAKOÓ MUNGÚ múk Filisti guri /uurií haniís oo múk Israeli nguwa sawaawuti'in ar afiqoomár kureeri mibeeri tsiyahhe.

HAR'OHUUSE 3:12

Aluuwo xoorór Israeli tlakweema giri malé tléhh dír ilaá AAKOÓ MUNGUHE. Gawaá adoorihe AAKOÓ MUNGÚ waawutmo Egloni oo Moabu guri /uurií haniís xoorór Israeli ngiwa baali, asma tlakweemaadá' naa tleehhiyé' dír ilaá AAKOÓ MUNGUHE.

HAR'OHUUSE 3:8

Gawaá adoorihe AAKOÓ MUNGÚ iri buúhh, múk Israeli guri máy kuwa baali, nee waawutmoó Mesopotamia oo ta bay Kushan-rishataimu. Múk Israeli Kushan-rishataimu nguri sagadiyuusiyé' ar har afiqoomár kureeraá dakaate.

HAR'OHUUSE 6:1

Xoorór Israeli tlehhma'aá tlakw gina tléhh dír geeraá AAKOÓ MUNGUHE, AAKOÓ MUNGÚ inooín giri haniís gawaá dabaá múk Midiani, har afiqoomár kureeri faanqwe.