YOSHUA 23:12 - Biblía Axweesantá Hhohho' ar Mungú 2004

¹² Ala barnaxes aga dososoxoté' aaluúwí ale, tari alqaatusé' nee xoorduudá' naa meetiye' baraá tla/angwhúngí ale, tari dir'ín wa duuxuxuundé', inooín nari dirhúng wa duuxuxuné',

YOSHUA 23:12 Iomraidhean Croise

IIMU/UUNGW 2:24

Adoorí an gár hhawaata baabuúwós nee ayírós ngis geexay, tiri haragwaaiyá' nee hareerós, inooín tari slaqwtá wák tleehhiit.

IIMU/UUNGW 34:3

Muunaáwós dasiirír Yakobo gari ló' wa slaá'. Dasiirí gari i axweés ar axweesantá hho'.

1 WAAWITÁ 11:2

Inós /ameenaarí gana duxuút tam AAKOÓ MUNGÚ aa ooi, «Kuungá' múk Israeli nee xoorduká' miti duxuutara', asma /ameenaarí munerhúng ga hhitiín, gari warqés amór mungui.» Ala Solomon /ameenaarí gana ló'wa slaá'.

1 WAAWITÁ 11:4

Qoomár iwa dín, /ameenaarós tidá' guri hhitiín, munguaá hatlá giri sagadiyuús, tam muunaáwós iri inkihhimu wasleés dír AAKOÓ MUNGÚ, Munguúwose, adoodár baabuúwós Daudi gaa eehariiká.

WARA'AMI 125:5

Ala kudaádá' naa warqaye' baraá lohaá tlakw, AAKOÓ MUNGÚ gi qwaarees dinkwa nee múk tlakweemá tlehhahhiít. Amohhooa masók i dír Israeli!

WARA'AMI 36:3

Ala inós a lamusmo nee foolusmo, sagalooa nee tlehhma'aá hhohho' gaa máy.

ISAYA 1:4

Tsaxwaahúng kuugaásíng xoorór iringuuse. Kuungá' a múk taa al'ilooúy nee tlakweema, xwaylár tlakweemaá tlehhaahhiit, na/aá al/aymárár hotaatimá'. Kuungá' AAKOÓ MUNGÚ ugwa geexeeré', kudá' Hhoohhoó' oo Israeli ugwa waaqaé', taa falo kwahhé', tari alií ki/é'.

ESEKIELI 18:24

«Ala heé ganaá' barnaxes gan'amuuwós gwaa máy, tlehhmi'iidá' aníng i buhhtimiisá', kudá' heé tlaákw i tlehhaahhiti, giri tleéhh, xáy, heewí iqo tsuwa sláfi? Aasla'áy, tlehhmi'iidá' sleémeero awa hho' aa tlehhahhiít geeraawo ki baloó inslayká, inós aqo in gwaa' as dee/anuuwós nee tlakweemaadá' aa tleéhh.

SEFANIA 1:6

Mukdá' AAKOÓ MUNGÚ eeharto aa alií kii/, nee kudá' AAKOÓ MUNGÚ ngu leeleehhita'aaká, sleeme ngu yaahamisia'aaká.»

Matayo 12:45

in tleér, neetlaamér hatlá' faanqw gan léhh, ar ak tlakw inós ba/a. Nee tari dah, tari baraadá' wa hoot. Nee tlehhemuú heewí in ak tlakúy ló'wa ale ta kuduú geera ba/a. Adoorí an adoodá' mukwí tlákw oo de'emaaká' ku laqi.»

Yohana 6:66

Iimír qoomaadae múk yaariír baraá eeharuuseerose iri alií kií/, Yesu kwa sangw eehariiká.

Rumi 12:9

Sla'aarirhúng masók i hhaahhafíngw koondaaká. Tidá' tlaakw aahhaak, nee tidá' hhoo' eeharaak.

DABE 6:15

as AAKOÓ MUNGÚ Munguúhúng munduwa i buúhh, nee inós kuungá' munduwa amór saáwí fiíts gawaá daanduú yaamuwo, asma AAKOÓ MUNGÚ, Munguúhúng inósuuwí baraá tla/angwhúng i dirií' a Munguú da/tá koóm.

DABE 7:3

Dasuuhúng mukuwa duxuút nee daaqay'ín, laqaá daaqayhúng dasuuín munguwa duxuút.

DABE 7:4

Adoorí bara tlehhé', inooín na/iihúng ki qwaarees, nee AAKOÓ MUNGÚ inooín ngu eehariaaká, munguaá hatlá' ngiri eehariyá', AAKOÓ MUNGÚ iri daa/atúy buhhtaawo, aluuwo Mungú kuungá' nu hhaamiis ar wa'aá wák.

YOSHUA 23:11

Gimsé', ti kiloohúng harmagahhe' as AAKOÓ MUNGÚ, Munguúhúng kuwa sla'a'.

1 Yohana 2:9

Heé káh, aníng a baraá gwa/aateema, ala inós hhiyaawós gwa aáhh, inós i baraá giwti tam hamí.

HAR'OHUUSE 14:3

Ala xwayliiteerós guri beér, «Ahaá dasi tam ar wák iqo káhha baraá ayaawihe tam baraá mar'eefoorene, gár tas duxuun baraá xoorór ta hheehhe'emisiiká wa alé ar Filisti?» Ala Samson baabuúwós guri báy, «Dasír aníng ni duuxór wa slaa' a tidá', asma aníng iga sla'atís.»

HAR'OHUUSE 3:6

Dasuú mukdá' ngway duxuutiyé', nee dasuuín oo kilá' kuna duxuút nee daaqoó xoorduudá', munguaá xoorduudá' ngiri sagadiyuusiyé'.