YOSHUA 23:10 - Biblía Axweesantá Hhohho' ar Mungú 2004

¹⁰ Heé wák baraá tla/angwhunge kumuú xooro gun tlatlahhaas, asma AAKOÓ MUNGÚ Munguúhúng kuungá' nun aleeslaaqw ar adoodá' ngira al'axweés.

YOSHUA 23:10 Iomraidhean Croise

2 SAMUELI 23:8

Umerí sleémeero ar mukduú miguuse oo bartá Daudi. Yosheb-bashebeti oo múk Takmoni, geeraharusmoó «Kudaá tám.» Inós ina slaáqw ar lawaalarós, múk tsiire dakaát guna siwár wákií tsuú/.

1 QOM'I 5:20

Inooín Mungú nguna harahhifiyé' nee alee/isaay ngway firiné' qoomár iwa slaqwiya'. Mungú firor'ín gay mu/aywaáts, inooín baali ngay slayé' dír múk Hajiri nee dír mukduú hatlae.

1 QOM'I 5:22

Inooín wakuusér yaariir kana tsuú/, asma Mungú in bartaín i dirii'. Inooín nina baraadá' wa hootiyé' ay qoomár kiwa loohatis Babuloni.

WARA'AMI 35:1

AAKOÓ MUNGÚ kudá' aníng i il/aamá', ila/eek, aleeslaqwáng dír mukdá' nee án slaqwa'a.

WARA'AMI 46:7

AAKOÓ MUNGÚ Aleesleemusmo an dinkwa nee atén. Munguú Yakobo a dír guwayrén.

TI'INAANGW 14:14

AAKOÓ MUNGÚ kuungá' nu aleslaaqw, kuungá' garhúng a tawo xasliita kilós.»

ISAYA 30:17

Mukhúng oo kumuú wák in tlatlaahh barkwa dae tsaát nee heé wák, ala múk kooán burna iigahhaát, kuungá' sleémeero an tlatlahhá', kuungá' tari metá' adór xa'anoó bendeéra oo gawaá ságw tlooma, tari adór layár taa qaás gawaá gongooamo.

TLAHHOÓ LAÁWI 26:7

Wakuuserhúng an gusá' nee an paangadúr tsu/á'.

TLAHHOÓ LAÁWI 26:8

Mukhúng oo kooán wakuusér tsiiru ngin guusiyá', nee mukhúng oo tsiiru wakuusér kumuú wák ngin guusiyá', wakuuserhúng an geerahúng wa qwaaresá' ar paánga.

SEKARIA 12:8

Baalaadae anuú AAKOÓ MUNGÚ yaamuloouusér Yerusalemu an xuúm nee muk daqetlákw baraá tla/angw'ine tay adór Daudi, nee xwaylár Daudi tay geeraharuusér múk Yuda adór malaykamoó AAKOÓ MUNGÚ nee adór Mungú inósuú kilá'.

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

DABE 20:3

ngi bay, ‹Xoorór Israeli, iia qaasaak! Kuungá' laarí slaqwara a tsaxwaá kawa iimu/uunda' nee wakuuserhúng. Gimsé' ma mune siaara', laqaá mada'ayumiitaara', laqaá ma daaraaxara', ma kwislmiitara'.

DABE 20:4

Asma AAKOÓ MUNGÚ, Munguúhúng i dinkwa nee kuungá' baraá slaqwaraaro. Inós i slaaqw kitangwhúng wa ale, amór wakuuserhúng, nee nuri baalírí haniis.›

DABE 28:7

«AAKOÓ MUNGÚ kuúng un baalírí haniis dír wakuuseerók ar ugwa i haratleeri. Inooín barnaxes ugwa i haratlayé' ar loohír wák, inós gi diyaa/ ar lohdu faanqw.

DABE 3:22

Mada'ayumiitaara', asma AAKOÓ MUNGÚ, Munguúhúng kuungá' nu aleeslaáqw.›

DABE 32:20

Iri oó', ‹Aníng a inooín wa nahhaát, axáy, alhhe'eesay'ín u ala ga/áw, asma inooín a qartá aa qwat, na/aá inkihhimuú kooma'aaká.

DABE 32:30

Xáy, heé wák múk kumuú wák adór ngur guusi? Nee múk tsár adór múk kumér mibaangw ngur baali, aqo inooín birka kwaáhh nee tlaa/ar'ín, barnaxes AAKOÓ Munguúín ga geexáy?

YOSHUA 10:42

Yoshua waawitaáwí sleémeero guna baál ar wa'aá wák, nee yaamuuín giri hayóh. Inós adoorí gana aleesláy tleehhamooro asma kuna aleeslaáqw nee AAKOÓ MUNGÚ, Munguú Israeli.

YOSHUA 23:11

Gimsé', ti kiloohúng harmagahhe' as AAKOÓ MUNGÚ, Munguúhúng kuwa sla'a'.

YOSHUA 23:3

kuungá' tlehhmi'iidá' sleémeero AAKOÓ MUNGÚ aa tlehhaahhiít as kuungá' dír xoordudá' baraá yaamuuká' hootá' iga aandé'. Asma AAKOÓ MUNGÚ, Munguúhúng, kuungá' nuna aleeslaáqw.

HAR'OHUUSE 15:15

Samson taqeesmoó daqwaay oo naá/ guri sláy, múk kumuú wák oo Filisti guri tsuú/.

HAR'OHUUSE 3:31

Alaá Ehudiwo Shamgari garmoó Anati kitángw Ehudi guri óh, múk Filisti oo tsiire lahhoó' guri tsuú/ ar hhartá i hikwár de'en. Inós xoorór Israeli sleeme gari tuú/.

1 SAMUELI 14:6

Naagáy Yonatan garmaadá' xooslaarós koóm guri báy, «Gimáy qwaláng mukwí taa al/utlinká u harawarahhaán baraá koo/ir'ínií ale, dooqa AAKOÓ MUNGÚ atén ti alee/iis, asma muu bar ku yaariír laqaá bar ku niiná, AAKOÓ MUNGÚ gu baqiiká mukós ba/amisaro.»