YOSHUA 23:1 - Biblía Axweesantá Hhohho' ar Mungú 2004

¹ Alaá qoomár tleere AAKOÓ MUNGÚ xoorór Israeli gari waydií haniís, slaqwarár nee wakuuser'ín iri fák badu sleémeero, qoomaarihe Yoshua a aakoó kureeraá yaariir gaa /aay.

YOSHUA 23:1 Iomraidhean Croise

IIMU/UUNGW 25:8

Kureeraá yaariir gina hoót, diimaay guri daáhh.

1 WAAWITÁ 1:1

Qoomár waawutmo Daudi iwa diimay hhe'eés, sagadiyuseerós guna uuntsús ar burungeéti, ala tam kwa uuntsuusi axwnáy gwaa slayká.

1 QOM'I 23:25

Daudi iri oó', «AAKOÓ MUNGÚ, Munguú Israeli, mukós gwaa waydú i haniís, inós daxta i hoot baraá Yerusalemúr wa ale ay daqisleém.

1 QOM'I 27:1

Gaarí an faarór múk Israeli, kuduú geeraharuusér tlahhi'i, nee geeraharuusér slaqwaruusér kume nee ar tsiire, nee geeraharuuseedá' waawutmo Daudi gwaa sagadiyus, daanduú bohhuudá' ti baalaqamiimá' niwa hardarahiya', niwa tlatlaya' umuú slahhaango, boohhár wák a kume mibeeri tsár nee tsiyáhh:

2 QOM'I 14:1

Aluuwo Abiya iri gwaá', kuri foól baraá gixsár Daudi, garmaawós Asa kitaangós gway óh. Qoomár waawuti'iimár Asawo wayda iri deeruút baraá yaamuwo ay kureeri mibaangw.

2 QOM'I 14:5

Inós sleeme kiteeraá munguaá hatlá' kiwa sluufmamisi, kudaá gawaá gongooama' nee kiteeraá mooyángw tsuú' kuwa hanmamisi, gina hingeés baraá gixsadaá Yuda sleémeero, nee yaamuuwós niri waydúr hootiyé' qoomár waawuti'iimarose.

2 QOM'I 20:30

Aluudae waawutmo Yehoshafati iri waawuti'ín ar wayda, asma Mungú wayda guna haniís bihhe sleémeero.

WARA'AMI 46:9

Slaqwara gan har'ohín baraá yaamu sleémeerowo. Ga/aldu nee lawlu gin giqáy, nee gaardaá slaqwara gin da/a/án.

ISAYA 63:14

Adór hikwaá taa huúw baraá qawtantá baraá xatso. An adoodá' qeeruú AAKOÓ MUNGÚ mukós ngura hungu/uús. An adoodá' kuúng mukók kura geerahát nee umuuwók xirif gway sláy.»

DABE 31:2

inooín giri báy, «Aníng hám daxta kureeri ngi koom a tsiiru nee mibeeri tsár, nee /uuruú nir gadiyuus daxta aa faák. Slám AAKOÓ MUNGÚ iga báy, ‹Kuúng yaaér Yordani a waarahhká.›

YOSHUA 11:23

Yoshua yaamu sleémeero gina hayóh, ar adoodá' AAKOÓ MUNGÚ aa oó' dír Mose. Inós yaamu gay qasiís dír tlahh'aá Israeli, nee umuúqo tlahhaywo guna dirósí sláy. Múk Israeli iri hoót ar wayda.

YOSHUA 13:1

Qoomaarihe Yoshua a aakoó kureeraá yaariir gaa /aay. AAKOÓ MUNGÚ Yoshua guri báy, «Kuúng hamí adoosíng ti diria a aakoó kureeraá yaariir gaa /aay, slám yaamaá yaariir awa taa hayoohiiká i dayá'.

YOSHUA 21:44

AAKOÓ MUNGÚ inooín giri waydií haniís umuú diiro baraá yaamuudae ar adoodá' ngira al'axweés dír baabi'ii'ín. Hoomtuú gaa qiitl kwatiitaro i kaahh, asma AAKOÓ MUNGÚ hoomaadá' gana qaás baraá dabaá xoorór Israelírí ale.

YOSHUA 22:4

Nee hamí AAKOÓ MUNGÚ, Munguúhúng hhaeehúng gaa waydií haniís ar adoodá' ngira al'axweés. Gimsé' daxta kuungá', ki/é' baraá yaamuuhúng kudá' Mose sagadiyusmoó AAKOÓ MUNGÚ naa haniís kiwa ala', kudaá gayuú da/aáw yaaér Yordaniro.

1 SAMUELI 12:2

Hám daxta qaytsité', waawutmo kuungá' nun geeraharahaar, aníng aga diím, saga al/awtani gwaa gás, qaytsité', kuungá' nee daaqay'eé' a dinkwa, aníng kuungá' nuna geeraharahaár iimír masombi'iimar'eene, tay laarí.