YOSHUA 22:8 - Biblía Axweesantá Hhohho' ar Mungú 2004

⁸ Giri báy, «Hám a watlá' ar daqaari'iimár yaariir, tidá' naa haasaáng wa hubé' amór wakuuserhúng wa alé. Muruuwí qasmiisaak nee hhaeehúng, hikwa nee peésa nee sahaábu nee muqslár sirdaa/aten nee muqslár hatlá' nee tlabaá yaariire.»

YOSHUA 22:8 Iomraidhean Croise

1 QOM'I 5:9

Inooín bihhaá da/aawe hotaaín niri dalaa/iyé' ay xaanxaay amór yaaér Eufrate, asma hikwaaín na ló'wa tlahhiyé' baraá yaamaá Gileadiro.

2 QOM'I 17:5

Gawaá adoorihe AAKOÓ MUNGÚ waawuti'iimár Yehoshafati gari gawdeés daanduú yaamaá Yudawo, nee muu sleémeero ohme gari huúw dirós i alé, iri daqaari'iít iri iia tleerúy.

2 QOM'I 32:27

Waawutmo Hesekia iri daqaari'iít, umuú heewo guri ilaiwawaá/. Inós daqaari'iimár peésa gana tleéhh, nee sahaábu, nee tlaa/aá tlaxo gawden, nee tlaa/aá hatlae, nee muruú ta muruú /aymaárár tsuu'umiisi, nee gaambu, nee xooslaá hatlá' awa tlaxo gawden.

WARA'AMI 68:12

Waawituú slaqwaruuse in gwaagoow, /ameena baraá maraywo maraando gan qasmís.

AXWEESANOÓ SAGALOOA 3:16

Slafíngw tleér gu koón ar dákw doó /iyáy, nee ar dákw doó basayhe gár i koon a daqaari'iima nee ilaiwa/ame.

FAARO 31:27

Haasaáng qasisaak baraá bohhaá tsár, boohhár wák ar slaqwaruuseedá' slaqwarár daahh, nee boohhár tsár ar dinku'uumár múk Israeli sleémeero.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

Ebrania 11:26

Inós gana tsaáhh niqimis nguwa slay dinkwa nee Kristo, a gár ló'wa afhhamít ta daqaari'iimár Misri sleémeerowo. Asma inós gár i harahhifi a qeemuudá' i aluú wa slay.

1 SAMUELI 30:16

Garmaadá' Daudi guna geerahaár ay dír daqtidá' i diri'. Tawa amoodár daqtidií ti'iít, naxés daqtá aáng aa tsiyayaaxát yaamuudaádae, ta /ayín nee ta xufiit, asma haasaánguú tinda huúw yaamaá Filistír wa ale nee yaamaá Yudawo ku yaariír.

1 SAMUELI 30:24

Daudi iri oó', «Hee inslawayhúng kwisíng gu ya/aám i kaahh. Heedaádá' aa /eet baraá slaqwara nee kudaádá' aa meet dír xooslarén, umuúqo heewo kun qáy ar qeemuú alqoóm nee kuquú heeqá'.»