YOSHUA 22:4 - Biblía Axweesantá Hhohho' ar Mungú 2004

⁴ Nee hamí AAKOÓ MUNGÚ, Munguúhúng hhaeehúng gaa waydií haniís ar adoodá' ngira al'axweés. Gimsé' daxta kuungá', ki/é' baraá yaamuuhúng kudá' Mose sagadiyusmoó AAKOÓ MUNGÚ naa haniís kiwa ala', kudaá gayuú da/aáw yaaér Yordaniro.

YOSHUA 22:4 Iomraidhean Croise

1 QOM'I 22:18

Daudi iri oó', «Ahaá AAKOÓ MUNGÚ, Munguúhúng, i dinkwa nee kuungáeéke? Ahaá kuungá' naa waydií haniisikáhe bihhe sleémeero? Inós yaamuloouusér yaamuuká' ngina qaás baraá dabaeé', daxta taa hanisiyé' dír AAKOÓ MUNGÚ nee mukós.

TI'INAANGW 33:14

Mungú iri oó', «Anínguú kilá' ti koomaán nee kuúng, aníng kuungá' u amohhooár i haniís.»

FAARO 32:18

Atén a watlanaaká amór marayrén ay dír múk Israeli sleémeero wa/aameedá' ta qasiisi ngi aaliya'.

DABE 12:9

Asma aga dati'iiká didá' tawa hungu/usa, nee baraá yaamuudá' ta ala', kudá' AAKOÓ MUNGÚ, Munguúhúng, nuy haniisi.

DABE 29:8

Yaamuuín kiri hayohaán kiri qasisaán dír múk tlahhoó Reubeni, nee oo Gadi, nee tlaqtá tlahhoó Manase, as tawa aalir'ín.

DABE 3:20

Hhaeehúng awa múk Israeli alee/iisaak ay dír AAKOÓ MUNGÚ ngway amohhooárí haniisi, adór kuungá' amohhooa kara sleeré' as inooín sleeme yaamuudá' AAKOÓ MUNGÚ, Munguúhúng naa haniís gayuú yaaér Yordaniro /uwa ngiwa aaliya'. Alaá tihe daqaní kuungá' ta ki/á' baraá yaamuuhúng kudá' naa haniís as tawa koohúng.›

Ebrania 4:8

Yoshua geeraawo bar muu ngwa dahaás baraá hungu/umaá ló', Mungú geera kángw baalár hatlá' ngwa ooiiká.

YOSHUA 1:15

Alee/iisaak ay dír AAKOÓ MUNGÚ yaamaá hhaeehúng tay hungu/uusi ngay haniisi, adór koohúng ngira haniís, inooín sleeme yaamaá AAKOÓ MUNGÚ, Munguúhúng, aa haniís kin aal, daqaní kuungá' tari ki/á' amór yaamuuhúng kudá' tinda haniís nee Mose sagadiyusmoó AAKOÓ MUNGÚ kudá' bihhaá da/ií diriiá' yaaér Yordaniro as kiwa ala'.»

YOSHUA 12:6

Mose nee múk Israeli, waawitaáwí tsár kuri baál, sagadiyusmoó AAKOÓ MUNGÚ, Mose yaamu giri qasiís dír tlahhoó Reubeni, nee bahh'ale dír tlahhoó Gadi, bahh'alé dír tlaqtá tlahhoó Manase, yaamuudá' tari kooín.

YOSHUA 13:15

Mose yaamu gina haniís dír tlahhoó Reubeni ar adoodá' múk dooín i dirii'i.

YOSHUA 13:8

Tlahhoó Reubeni nee oo Gadiwo nee tlaqtá hatlá' ar tlahhoó Manase yaamuuín awa aali kaa sláy, yaaér Yordaniro bihhaá da/aáw wá ale, ar adoodá' AAKOÓ MUNGÚ ngira oó' dír sagadiyusmoowós Mose.

YOSHUA 22:3

Slám hhaeehúng iga tawo meeri'iiká qoomaarí sleémeero ay laarí. Ala hara'ayár AAKOÓ MUNGÚ, Munguúhúng ana eehadé' ar tsáp.