YOSHUA 22:26 - Biblía Axweesantá Hhohho' ar Mungú 2004

²⁶ As adoorí tari ooaán, kitángw ilahhooa hanmis u tleehhaán, ala u ilahhooár wa da/aanaaká, tam ilahhooár muruú ta tsu/i a gawaadá' wa haniisanaaká.

YOSHUA 22:26 Iomraidhean Croise

ISAYA 19:19

Baalaadae kitángw ilahhooa kawa hanmiis dír AAKOÓ MUNGÚ kuri tleehh baraá tla/ángw yaamaá Misri, nee uhmoó taa paraátl as AAKOÓ MUNGÚ kuri siihh baraá digeemaá yaamaá Misri.

YOSHUA 22:25

Asma AAKOÓ MUNGÚ yaaesír Yordani gana qaás tawa digmuú atén nee kuungaásingaá hhay Reubeni nee hhay Gadi. Daxta kuungá' dirhúng i káhh dír AAKOÓ MUNGUHE.› Gawaá adoorihe na/iihúng na/iirén ngi gee/asliyá', AAKOÓ MUNGÚ nguri mayá' sluufmisuwo.

YOSHUA 22:27

Ala una tleehhaán as tawa laya tla/ángw atén nee kuungá', nee tla/ángw xwaylarén ar aluú wa hi'iit, adór inooín ir hariná' AAKOÓ MUNGÚ nguwa sagadiyuusiya', ar ilahhooár da/a/aangw nee ilahhooár muruú ta tsu/i nee ilahhooár wayda, as kahhó' na/iihúng koorén mingiwa bayé', ‹Kuungá' dirhúng i káhh dír AAKOÓ MUNGUHE.›

YOSHUA 22:29

Kangwsíng atén tiwa pa/i, oo atén niwa dee/aanutaan, nee niwa warqawaan dír AAKOÓ MUNGUHE, atén kitángw hatlá' oo ilahhooa kawa da/aa/an kuwa tleehhaan laqaá oo ilahhooár bu'uungw, laqaá oo ilahhooár muruú ta tsu/i ta kuduú AAKOÓ MUNGÚ, Munguúrén, oo baraá heémarósí dirií'.»

HAR'OHUUSE 6:24

Naagáy Gideoni kitangwduú ilahhooár AAKOÓ MUNGÚ guri didií tleéhh, didá' gari umií tsaát iwa kaahi, «AAKOÓ MUNGÚ a wayda.» Tam ay laarí kitangwduú ilahhooa i daadeer didár Ofraro, tidár tlahhoó Abieseri.