YOSHUA 22:25 - Biblía Axweesantá Hhohho' ar Mungú 2004

²⁵ Asma AAKOÓ MUNGÚ yaaesír Yordani gana qaás tawa digmuú atén nee kuungaásingaá hhay Reubeni nee hhay Gadi. Daxta kuungá' dirhúng i káhh dír AAKOÓ MUNGUHE.› Gawaá adoorihe na/iihúng na/iirén ngi gee/asliyá', AAKOÓ MUNGÚ nguri mayá' sluufmisuwo.

YOSHUA 22:25 Iomraidhean Croise

2 SAMUELI 20:1

Heeko wák i daadeer oo al/aymusmoó oo ló'wa tlaákw baraá yaamaá Gilgaliro. Umuuwós a Sheba, garmoó Bikri, heé tlahhoó Benyamini. Sheba tarumbeéta gana ufaáhh, iri oó', «Daudi nee atén gaa a milá. Garmoó Yese gár kuwa koomaan i káhh. Kuungá' múk Israeli, umuú heewo i ki/i amór heémarós.»

1 WAAWITÁ 12:16

Ala muu sleémeero oo Israeli ngiwa axaás adór waawutmo ngira gaárí xuiiká, ngway bayé', «Atén nee doó Daudi alqaati a koomanaaká, gár ta koomaan dír garmoó Yesewo i káhh. Kuungá' múk Israeli, umuú heewo i watli amór do'ós i ale. Kuúng Daudi, do'ók kilók amohhe'emiseek.» Naagáy múk Israeli iri waátl sleémeero amór maray'íní ale.

1 WAAWITÁ 14:16

AAKOÓ MUNGÚ múk Israeli gu sii' as tlakweemadá' Yeroboamu aa tleéhh, nee múk Israeli gway baraá tlakweemií dahaás.»

1 WAAWITÁ 15:30

Muruuwí sleémeero ina tleehharuút, asma Yeroboamu AAKOÓ MUNGÚ, Munguú múk Israeli guna buhhtís, ar tlakweemaawós, nee múk Israeli guna baraá tlakweemií dahaás.

NEHEMIA 2:20

Naagáy ngiri mu/aywaáts ngiri báw, «Munguú doori atén ti alee/iis baraá gadiyeérihe, nee ateékaá sagadiyuuseerós an tlawaán tlehhma un iimu/uumaán. Ala kuungá' gár tundu loó' i káhh, laqaá harímarhúng laqaá gár ta inslasleera' i káhh baraá Yerusalemuro.»

WARA'AMI 16:5

AAKOÓ MUNGÚ, kuúng an aalir'eé', kuúng muruú aníng ni slaa' ngun hanmís sleémeero. Slafingw'eé' i baraá dabaawók.

Tlehhema'aá ya/Abuuse 8:21

Dinku'uumár kuúng nee atén i káhh gawaá kaangwihe, asma muunaáwók ku hhoohhooeeká dír geeraá Munguhe.

YOSHUA 22:24

Aasla'áy. Ala gár kasa tleehhaán a atén ana xuruutaán as aluuwo alér tlede na/iihúng koorén ngi bayá'aáke, ‹Kuungá' nee AAKOÓ MUNGÚ, Munguú múk Israeli a milá?

YOSHUA 22:26

As adoorí tari ooaán, kitángw ilahhooa hanmis u tleehhaán, ala u ilahhooár wa da/aanaaká, tam ilahhooár muruú ta tsu/i a gawaadá' wa haniisanaaká.

YOSHUA 22:27

Ala una tleehhaán as tawa laya tla/ángw atén nee kuungá', nee tla/ángw xwaylarén ar aluú wa hi'iit, adór inooín ir hariná' AAKOÓ MUNGÚ nguwa sagadiyuusiya', ar ilahhooár da/a/aangw nee ilahhooár muruú ta tsu/i nee ilahhooár wayda, as kahhó' na/iihúng koorén mingiwa bayé', ‹Kuungá' dirhúng i káhh dír AAKOÓ MUNGUHE.›

1 SAMUELI 26:19

Hamí daxta, aakooeé' kuú waawutmo, axweesantá sagadiyusmoowók iiárií qaaseek. Barnaxes AAKOÓ MUNGÚ una amor'eéní tliwií/, ilahhooa ngi oohi tidá' inslawaywós gu warqees. Ala barnaxes a afér muu, múk adór kwí AAKOÓ MUNGÚ ngu lu'usi kwí aníng i gusisiím dír aalir'eé' tidá' AAKOÓ MUNGÚ naa haniís tawa kaahi, ‹Tláw slaqsi'iidaá munguaá hatlá' sagadiyuseek.›