YOSHUA 22:18 - Biblía Axweesantá Hhohho' ar Mungú 2004

¹⁸ Ahaá waáy, AAKOÓ MUNGÚ eeharto musa male sié'? Asma kuungá' laarí bura sié' eeharto, inós matlo in qa/iit dír xoorór Israeli sleémeero.

YOSHUA 22:18 Iomraidhean Croise

2 SAMUELI 24:1

Ki/imaá hatlae AAKOÓ MUNGÚ iri buúhh as xoorór Israeli. Daudi guna /agís gawaá daanduú múk Israeli, guri báy, «Múk Israeli faareek, nee múk Yudawo.»

1 WAAWITÁ 9:6

Ala bar aga warqeeré', aníng eeharahaduuwo iri meerá', kuúng nee na/iiwoge, hara'ayar'eé' nee kaahir'eene kiri meeré' ooharo, tidá' naa dír geerahúngí qaás, slám tari tleerá' munguaá hatlá' kiri sagadiyusá' nee kiri sluufmisá',

2 WAAWITÁ 17:21

Alaá AAKOÓ MUNGÚ múk Israeli nguwa paraátl dír tlahhoó Daudiwo, inooín Yeroboamu garmoó Nebati nguna tsawaariyé' waawutmooín wa ale. Yeroboamu múk Israeli guri geerahaár, AAKOÓ MUNGÚ nguwa maya', giri dahaás baraá tlakweemaá ur.

1 QOM'I 21:1

Neetlaangw ina sihhiít múk Israeli nguwa slahh'amií huwi, Daudi guri tliwií/ múk Israeli nguwa faari.

1 QOM'I 21:14

Naagáy AAKOÓ MUNGÚ tiqtír pu/i gari kwaáhh gawaá múk Israeli, múk kume mibeeraá faanqw iri qaátl oo Israeli.

2 QOM'I 25:27

Iimír qoomaadá' Amasia AAKOÓ MUNGÚ nguwa máy harahhifooro, wakuuseerós guna adór tlaákwí qoomaamés baraá Yerusalemúr wa ale. Aluuwo Amasia iri /akuút ay yaamaá Lakishi. Ala wakuuseerós guri eehát ay Lakishi, kuri amoodá' i gaás.

2 QOM'I 34:33

Waawutmo Yosia slaqsi'iidá' sleémeero ta waki giri hingeés baraá yaamuudá' sleémeero awa aalír Israeli sleémeero, múk Israeli guri /uurutís AAKOÓ MUNGÚ, Munguúín, nguwa sagadiyuusiya' nee nguwa sluufmisiya'. Deelo sleémeero ar Yosia iwa slafi inooín AAKOÓ MUNGÚ, Munguú baabi'ii'ín, ngwaa baloó geexay'iiká.

TLAHHOÓ LAÁWI 10:6

Mose Aroni nee daaqaywos, Eleasari nee Itamari giri báy, «Se'eemerhúng ma xaafara' nee tsitayhúng mu feehhamiisara' as tsuunqumis, bar adooriheeká tundu tsuu/ nee AAKOÓ MUNGÚ, xooro sleémeero gari i buuhh. Ala hhaeehúng awa xoorór Israeli ngi aleeslayá' iwa hheehhe'eemiisiya' as asltadá' AAKOÓ MUNGÚ naa huwi.

FAARO 16:22

Ala Mose nee Aroni tari gur'ér qaqtín tawa kaahi, «Aá AAKOÓ MUNGÚ Kudaádá' oo slafíngw muu sleémeero, xáy heé wák bira dakuús, aqo xooro sleémeero an i búhha?»

FAARO 32:15

Barnaxes aga sié' inós eeharto, inós kuungá' nun baraá xaanxaywí geexáy. Mukwí sleémeero kuri hhaamisá'.»

DABE 7:4

Adoorí bara tlehhé', inooín na/iihúng ki qwaarees, nee AAKOÓ MUNGÚ inooín ngu eehariaaká, munguaá hatlá' ngiri eehariyá', AAKOÓ MUNGÚ iri daa/atúy buhhtaawo, aluuwo Mungú kuungá' nu hhaamiis ar wa'aá wák.

YOSHUA 22:15

Niwa hardihiyé' dír tlahhi'iidaá Israeli awa yaamaá Gileadi, tlahhoó Reubeni nee oo Gadi nee tlaqtá tlahhoó Manasewo, ngiri bayé',

YOSHUA 22:16

«Alqaati sleémeero ar múk AAKOÓ MUNGÚ i kat, ‹Ahaá gár tlaakw ar adór tí masa tlehhé' dír Munguú Israeli? Kuungá' laarí masa dee/aanuté', AAKOÓ MUNGÚ kway meeré' eeharto, as kitangwhúng oo ilahhooa kawa hanmiisi kuwa tlehhé'. Adoorihe kuungá' aga dee/anuti'iikáhe, AAKOÓ MUNGÚ kway meeré' eeharto?

YOSHUA 22:20

Kuungá' a insleera'aakáhe adór Akani garmoó Sera ira inkihhimu wasleés baraá muruudá' taa hhoohhooeesi as Mungú, Mungú iri buúhh amór xoorór Israeli sleémeero? Slám tlakweemaadaá Akani aa tleéhh inós kilós ngwa gaasi'iiká.› »

YOSHUA 7:1

Múk Israeli inkihhimu gwa tleehhiiká daanduú muruudá' tawa oó' ku hhaamisi, ala Akani garmoó Karmi garmoó Sabdi, garmoó Sera, oo tlahhoó Yuda, muruudá' tawa oó' ku hhaamisi inós guna bahh qawti ar tláy, AAKOÓ MUNGÚ iri daa/atúy buhhtaawo dír múk Israeli.

YOSHUA 7:11

Múk Israeli tlakweema gaa tleéhh, alqadoodá' án nee inooín naa axweesaán ngaa si'iyé', inooín xosluudá' taa paraátl as kiwa qororo'oosi ngina bahh taatahhiyé', slám ngina fisisiné', ngiri lu/iyé' baraá xosluuín, lama ngiri tsatiyé'.

YOSHUA 7:21

Tlawuuko wák oo hhoohhoó', oo Shinárír daáhh una ár baraá tla/ángw haasaáng wa ale, nee muqslír /awaak ar ta tlehhahhiti ar peésa ar har afiqoomoó kílo tsár, nee hhartá niina ar taa tleéhh ar sahaábu, iilooeemaawós a har afiqoomár tlaqtá kílo, muruuwí nguri waatlakweés, nguri ar tláw, nguri luú/ baraá guruú xaftaeé', nguri yaamií foól, slám peésa i baraá guruudií dirí'.»

1 SAMUELI 12:14

Barnaxés AAKOÓ MUNGÚ ugwa ilaiwa/é', nee kuri sagadiyusé', nee afoorós kari iiárií qasé', nee bar hara'ayár AAKOÓ MUNGÚ aga si'i'iiká, barnaxes kuungá' nee waawutmoó kuungá' nu sawaawuti'iím AAKOÓ MUNGÚ ugwa eehadé', daqaní kuungá' amohhooa a sleerá'.

1 SAMUELI 12:20

Samueli giri báy, «Ma da'ayumiitaara', a ló' tlaákwarí sleémeero aga tlehhé', ala ma warqawaara' AAKOÓ MUNGÚ kuri meerá' eeharto, i hariín AAKOÓ MUNGÚ kuwa sagadiyusa' ar munerhúng sleémeero.