YOSHUA 22:15 - Biblía Axweesantá Hhohho' ar Mungú 2004

¹⁵ Niwa hardihiyé' dír tlahhi'iidaá Israeli awa yaamaá Gileadi, tlahhoó Reubeni nee oo Gadi nee tlaqtá tlahhoó Manasewo, ngiri bayé',

YOSHUA 22:15 Iomraidhean Croise

1 QOM'I 21:3

Yoabu iri oó', «AAKOÓ MUNGÚ múk Israeli ngu doogi sagaá wa tsiiru. Aá mukwí sleémeero a sagadiyuusér aakooeé' waawutamoowokáhe? Ahaá waáy, gár kuúnguú aakooeé' adoorí kasa slá'? Ahaá waáy, mas slá' tlakweema ngiwa húp gawaá múk Israeli?»

2 QOM'I 10:19

Gawaá adoorihe iimír baalaadae tlahhi'iidá' mibaangw awa xoorór Israeli niri si'iyé' kiwa sawaawuti'in nee tlahhoó Daudi ay laarí.

2 QOM'I 25:27

Iimír qoomaadá' Amasia AAKOÓ MUNGÚ nguwa máy harahhifooro, wakuuseerós guna adór tlaákwí qoomaamés baraá Yerusalemúr wa ale. Aluuwo Amasia iri /akuút ay yaamaá Lakishi. Ala wakuuseerós guri eehát ay Lakishi, kuri amoodá' i gaás.

2 QOM'I 26:18

ngway ilaa/iyé' mooyaangw da/to, ngway bayé', «Gaarí a gadiyeérogeeká, Usía, AAKOÓ MUNGÚ kuwa mooyángw i da/. Gaarí a gadiyér kaahamuusér Mungú ar tlahhoó Aroni, an mukdá' taa paraátl gadiyeérí wa alé. Diirí ka hhoohhoo', diirí geexaweek. AAKOÓ MUNGÚ ugwa sadakús, ilaiwa/amér ta sleer i káhh dirose.»

2 QOM'I 28:13

Tari oó', «Mukwí nira watlé' baraá slaqwarár wa alé mungu baraaká' i huwaara', asma kuungá' atén ti dakuusár i hubá' dír AAKOÓ MUNGUHE, tlakweemaarén ngiri dogá', asma tlakweemaarén naa qaro tlahhayé', nee sakwasleemár xaraasl ar Mungú i gawaarén i dirí'.»

ESRA 9:15

Aá AAKOÓ MUNGÚ, Munguú Israeli, kuúng an gan'amuú koón, atén tina meetís, tari kotsqotaán adoorí tay diriaan. Ga/aaweek, atén a dír geeraawók i diriiaán, atén awa tlakuuse, asma heé hariím sihhtanór dír geeraawoge i kaahh as tlakweemaaká'.»

ESRA 9:2

Asma inooín nee daaqay'ine dasuú mukdá' nguna duxuutiyé'. Gawaá adoorihe xooroodá' hhoohhoo' ar Mungú taa haragasiyé' nee xoordaá hatlá', slám dabér múk urén ina giiriín baraá dakuúsarihe.»

WARA'AMI 78:8

Eeít, matawa adór baabi'ii'ín tleehhiít, qartá sagegawden nee ar aa dee/aanut, qartá baraá muner'ine Mungú gu gaárí xuaaká, ta inkihhimuú konká amór Munguhe.

TI'INAANGW 32:8

Naa qwaariyé' ar gaanslaay, loohidá' aníng ngay hara'ayiím ngaa mayé'. Inooín taa damár taa kwahhuút i tleehhiyé', ngay sluufmisiyé', nee ilahhooár muruú ta tsu/i ngiri hanmiisiyé', tawa kaahi, ‹Aá Israeli, gaarí an munguiirén, kudá' atén taa baraá yaamaá Misrír wa duuxiye'.› »

ISAYA 63:10

Ala inooín tana dee/aanuút, qeeruuwós kudá' hhoohhoó' nguna gurhaamír ar ayé'. Gawaá adoorihe inós iri warqáy tari wakusmooín, inósuú kilá' iri amor'ín i muxuút.

TLAHHOÓ LAÁWI 26:40

«Ala barnaxes tlakweemaaín ngaa hhu'uu'uné', nee tlakweemaá baabi'ii'ine, gawaá aahhidá' tinda aníng i tleehhi, nee inooín aníng iwa tlampa'aamisiye',

TLAHHOÓ LAÁWI 5:19

Gaarí an ilahhooár dakuús hingeesa, inós aa dakuús dír geeraá AAKOÓ MUNGUHE.»

FAARO 14:43

Kuungá' barnaxes taa dogé' nee xoorór Amaleki nee ar Kana'ani a hhaandá' baraá slaqwararí ale, asma kuungá' AAKOÓ MUNGÚ eeharto ugwa sié', nee inós nee kuungá' ti alkoonda'aaká.»

FAARO 32:15

Barnaxes aga sié' inós eeharto, inós kuungá' nun baraá xaanxaywí geexáy. Mukwí sleémeero kuri hhaamisá'.»

FAARO 5:6

«Múk Israeli ádbaweek, hhawaata laqaá /ameeni, barnaxés tlakweemakariya' kaa tleéhh AAKOÓ MUNGÚ guri máy haratlintaooro, heewí aa dakuús.

Matayo 18:17

Nee inooín barnaxes gaa malé iiárií qaasiiká, haratlintaauuse xu'utiseek. Nee haratlintaauuse barnaxes gaa malé iiárií qaasiiká, heé adoosíng diroge masók a adór heé xoordaá hatlá' nee heé koódír ohaahiím.»

1 Korinto 1:10

Hhaee'eé', án kuungá' nu harhheehhe'eés ar aleesleemuudá' Aakoorén Yesu Kristo naa aníngí haniís, kuungá' axweesanayhúng masók a wak. Slám miti partliitara'. Ala masók kuungá' a adór múk taa haragwaa', munerhúng tawa wak nee inslawaywo.

1 Korinto 5:4

ar umuú Aako Yesu Kristo. Kuungá' bara burumburiité' dinkwa nee qeeruueé', nee /uuruú Aakoorén Yesu,

DABE 30:17

Ala barnaxes kuungá' munerhúng aa warqeér tari iiawaslesé', tunduri afa /aásl munguaá hatlá' kiwa sluufmisuú eera', nee kiwa sagadiyusa',

DABE 7:4

Adoorí bara tlehhé', inooín na/iihúng ki qwaarees, nee AAKOÓ MUNGÚ inooín ngu eehariaaká, munguaá hatlá' ngiri eehariyá', AAKOÓ MUNGÚ iri daa/atúy buhhtaawo, aluuwo Mungú kuungá' nu hhaamiis ar wa'aá wák.

Ebrania 12:25

Ala qaytsité', Yésuudá' nee kuungá' axweesá' mu siaara'. Asma mukdá' Mungú gwa sii' iiárií qaasaro, qoomár iwa axweés baraá yaamu ar afór Mose, mukdá' aa ba/anká. Ala atén adór tar ba/aman a adoomá, barnaxes kudá' gawaá doorí wa axweés ugwa siaán?

YOSHUA 22:12

Kaangwí kuwa axaás, xoorór Israeli iri burumburít Shílórí ale as tawa slaqwarár ay amór tlahhi'iidaá gayuú da/aáw.

YOSHUA 22:14

Tari alkoné' nee geeraharuusér mibaangw ar tlahh'aá xoorór Israeli. Umuúqo heewo a heé úr baraá tlahhaywose.

YOSHUA 22:16

«Alqaati sleémeero ar múk AAKOÓ MUNGÚ i kat, ‹Ahaá gár tlaakw ar adór tí masa tlehhé' dír Munguú Israeli? Kuungá' laarí masa dee/aanuté', AAKOÓ MUNGÚ kway meeré' eeharto, as kitangwhúng oo ilahhooa kawa hanmiisi kuwa tlehhé'. Adoorihe kuungá' aga dee/anuti'iikáhe, AAKOÓ MUNGÚ kway meeré' eeharto?

YOSHUA 22:18

Ahaá waáy, AAKOÓ MUNGÚ eeharto musa male sié'? Asma kuungá' laarí bura sié' eeharto, inós matlo in qa/iit dír xoorór Israeli sleémeero.

1 SAMUELI 15:23

Asma dee/aana a adór tlakweemaá da/ari, nee saga gawdeema a adór tlakweemaá munguaá hatlá' kiwa haratlintati'i, hám daxta asma axweesantá AAKOÓ MUNGÚ kawa qo si'i, inós kuúng sleeme ugwa sií' tawa waawutmo.»