YOSHUA 20:7 - Biblía Axweesantá Hhohho' ar Mungú 2004

⁷ Gawaá adoorihe xoorór Israeli gixsár Kedeshi gari tsawát, tidár baraá Galiláyárí dirii' gawaá tlom'aá Naftali, ar hatlá' a Shekemu tidár baraá tlom'aá Efraimu nee Kiriat-arba, umuuwós oo hatlá' a Hebroni, tidár baraá tlom'aá Yudií dirii'.

YOSHUA 20:7 Iomraidhean Croise

IIMU/UUNGW 23:2

Sara iri gwá' baraá gixsár Kiriat-arba, tidá' ta bay Hebroni, ar baraá yaamaá Kana'ani. Abrahamu ina /aa/amín, iri tsuunqumiís as gwa'arár hareerós Sara.

1 WAAWITÁ 12:1

Naagáy Rehoboamu iri tláy baraá yaamaá Shekemu, amoodá' múk Israeli sleémeero i burumburiít as inós kuwa waawutmoó wa qaasi.

1 QOM'I 6:76

Baraá tlahhoó Naftaliwo gixsadaá taa haniís a Kedeshír Galilaya nee Hamoni, nee Kiriataimu dinkwa nee qawtanay'ine.

2 QOM'I 10:1

Naagáy Rehoboamu iri tláy baraá Shekemu amoodá' múk Israeli sleémeero i burumburiít as inós kuwa waawutmoó wa qaasi.

FAARO 35:6

Gixsadaá ta dír tlahhoó Laáwi hanisa' a dinkwa nee gixsadaá lahhoó' awa tay gogoowi, as heé hee gwa pa/aayór wa gaas iwa baraadií gowi. Gixsadaá hatlá' awa mibeeri tsiyáhh nee tsár ki didií dogá'.

Luka 1:39

Maria deeloodae iri tleér ar gaanslaay ay baraá yaamaá tlom'i ay dír gixsarka wák ar yaamaá Yudea.

DABE 19:9

barnaxes kuungá' taa ló'wa harmagahhé' hara'ayaarí laarí naa kuungá' báw kawa ota', nee AAKOÓ MUNGÚ, Munguúhúng kuri slaé', nee deelo sleémeero loohirós baraá eehadé', daqaní kuungá' gixsadaá hatlá' awa tám i dogá' dír kudaá geera,

DABE 4:41

Mose gixsadaá tám giri paraátl bihhaá da/aáw awa yaaér Yordaniro.

YOSHUA 12:22

waawutmoó gixsár Kedeshi, nee oo Yokneamu, gixsár geetuú tloomár Karmeli,

YOSHUA 14:15

Umuú yaamaá gixsár Hebroni bál geeraawo a kun babay Kiriat-arba. Heewí ta bay Arba ku ló'wa iiatleér ta múk hatlá' sleémeero oo Anakiro. Yaamu sleémeero niri amohhoouyé' asma slaqwara i káhh.

YOSHUA 15:13

Aluuwo Kalebu, garmoó Yefune, kuna yaamaá Kiriat-arba i ka'aás baraá tla/ángw yaamaá tlahhoó Yuda wa ale, ar adoodá' Yoshua kura ádbáy nee AAKOÓ MUNGÚ. Gixsarí ta bay Kiriat-arba gana aál. Arba baabuú Anaki baraá gixsarí gana hoót. Laarí gixsarí kan babay Hebroni.

YOSHUA 19:35

Gixsaduuín awa taa tleéhh ar koo/ír gawit a kuká': Sidimu nee Seri, nee Hamati, nee Rakati, nee Kinereti,

YOSHUA 19:36

nee Adama, nee Rama, nee Hasori,

YOSHUA 19:37

nee Kedeshi, nee Edrei, nee En-hasori,

YOSHUA 20:8

Gayuú Yordaniro, bihhaá da/aáw awa Yeriko, gixsár Beseri kana tsawaár, tidár baraá xatstá xaanxáy dirii', inós anqo wákleelí baraá yaamaá Reubeniwo. Sleeme Ramoti kana tsawaár baraá Gileadiro, inós a gixsár tlahhoó Gadi i dirii'i, nee Golani gixsár Bashani ar baraá yaamaá tlahhoó Manase i dirii'.

YOSHUA 21:11

Gixsadaá taa haniís a Kiriat-arba, tidá' ta babay Hebroni (Arbawí an baabuú Anaki). Gixsarí i baraá yaamaá Yuda. Kana haniís dinkwa nee qawtantadá' gixsadá' gaa harwedi.

YOSHUA 21:13

Gixsár Hebroni tidá' aáng taa tsawaár tawa gixsár heé aa tsu/uut i gowi, kana haniís dír xwaylár kaahamusmoó Mungú Aroni dinkwa nee qawtantose. Gixsadaá hatlá' sleeme taa haniís a kuká': Libna dinkwa nee qawtantose,

YOSHUA 21:21

Gixsár Shekemu, tidá' aáng taa tsawaár tawa gixsár heé aa tsu/uut i gowi, kana haniís dinkwa nee qawtantós tidár gawaá tlom'aá Efraímuwí diriia, nee gixsár Geseri dinkwa nee qawtantose,

YOSHUA 21:32

Baraá yaamaá Naftaliwo gixsár taa haniís a Kedeshi, tidá' aáng taa tsawaár tawa dír heé aa tsu/uut i gowi, tidár baraá Galiláyárí dirii', kana haniís nee qawtantose, nee Hamot-dori nee qawtantose, nee Kartani nee qawtantose. Gixsadu kaa haniís a tám.

YOSHUA 24:1

Aluudae Yoshua xoorór Israeli gari ateét baraá yaamaá Shekémúrí ale, dinkwa nee bariiser'ine nee geeraharuuser'ine nee har'ohuuser'ine nee múk urén oo Israeliwo. Nari hardihiyé' dír geeraá Mungú.

HAR'OHUUSE 9:1

Abimeleki garmoó Gideoni iri tláy Shekemu amór hha'aá aayoorós, iri axweés dir'ínií alé, nee dír múk doó taatoó aayoorós sleémeero, giri báy,