YOSHUA 20:3 - Biblía Axweesantá Hhohho' ar Mungú 2004

³ Hee bar hee gwa ar pa/aayo, i gowi baraá gixsár wák í ale as iwa /uy, mukuwa gaás nee heé li/oó bu'uúm.

YOSHUA 20:3 Iomraidhean Croise

2 SAMUELI 14:11

/Ameenidá' guri beér, «Na'mamís waawutámo, alefirimáng dír AAKOÓ MUNGUHE, Munguúwók, as kudá' marmár bu'utá wa slaá', ar na/aay'eé' kudá' taa gaás inós dakúsár hatlá' ar ur mingiwa tleéhh, ar na/aay'eé' kuduú hatlá' nguwa gaasi.» Waawutmo Daudi gari báy, «Ar adoodá' AAKOÓ MUNGÚ ir daadeér, garmaawók gár gu aw i káhh, tam se'emirós ar wák i yaamií hu'ká.»

TLAHHOÓ LAÁWI 4:2

«Xoorór Israeli ka beeto, bar hee tlakweema gaa tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh, adór i tleehhi a tí:

FAARO 35:12

Gixsaduuká' an wa/aamér ti gogoowi as hee iwa /uy, as kahhó' heedaádá' kundayra/aát mukuwa gaás nee heedaádá' li/oó bu'utá wa slaá', dír hee ira hardihiiká dír kwasleemár bariise.

FAARO 35:19

Heé guruú doó kudá' taa gaás an heé li/aay gu buú' oo heedaádá' kunday ra/aát nguwa gaasi, bar ta sadoogiye' nee kwí a qo gun gaas.

FAARO 35:22

«Ala bar hee kuqá' ngwa gin/iís nee baraawose i aahhír konká, laqaá burngwa geeleéhh ar loohír nguwa gigdinká,

Ebrania 6:18

Gawaá adoorihe Mungú muruuwí tsár gwa oó', al'axweesantós nee lo'o. Muruuwí i baloó warqayká, nee Mungú lama ga baloó ooiiká daanduú muruuwihe. Ateéká' inós ugwa i guwaan, muruuwí atén tin ló'wa gurkwa/amis, as harahhifoodá' taa geeraarén i qaás kawa slawaan.

YOSHUA 20:2

«Yoshúa, xoorór Israeli ádbaweek, gixsadu ngi tsawaariye' awa hee i gowi as iwa /uy, ar adoodá' Mose axweesante'eé' tí ngira kuúng báy.

YOSHUA 20:4

Heedaádá' aa pa/aayór wa tsu/uut i gowi amór gixsár wák baraá gixsaduudá' ta tsawda'a. Bira hardáh i sihhiiti afkú gixsaárí ale, qaa/aywós kudá' ngu alki/iiti dír bariisér gixsadá'. Aluuwo bariiseedá' ngu ilaaot, dír hotaawós ngi slaye' baraá tla/angw'ín wa ale.