YOSHUA 2:9 - Biblía Axweesantá Hhohho' ar Mungú 2004

⁹ giri beér, «Aníng a xuú' adór AAKOÓ MUNGÚ yaamuuká' ngira qaroó kuungií haniís. Atén hamí dae taa fák as kuungá', nee yaamuloouuse sleémeero ila' gaa wák dirhunge.

YOSHUA 2:9 Iomraidhean Croise

IIMU/UUNGW 35:5

Yakobo nee daaqaywós qoomár niwa aa'aá kaya', Mungú yaamuloouuse nee inslaaway'ine giri dae tsaát, tari qiitliiká daaqoó Yakobo eeharto.

2 SAMUELI 17:10

Mukók bar adoorí ngaa axaás, tam mukók kudá' gur'e gawdén adór direeri, tari hirqimiit de'eero. Asma múk Israeli sleémeero ga xuu' adór baabuúwók tar migusmo, nee mukdaádá' sleémeero oo dinkwa nee inós a múk ilakaaharén.

2 WAAWITÁ 5:15

Inós dinkwa nee sagadiyuuseerós niri ki/iyé' dír heedaáduú Mungú, iri oó', «Hám daxta aníng aga xuú' Mungú i kaahh baraá xoordu sleémeero, aqo Munguú Israeli. Gimáy daxta na'ás qeemuú sagadiyusmoowók ya/aameek.»

2 WAAWITÁ 7:6

Asma AAKOÓ MUNGÚ xweeraawo slaqwaruusér múk Aramu gana naáxw ar afór ur ar slaqwaruusér yaariir, nee ar faras nee ar gaardu. Múk Aramu ngiwa xui a múk Israeli, slaqwaruusér taa tlaaxw ar múk Hiti nee múk Misri nina haraatleér.

NEHEMIA 6:16

Ala wakuuserén sleémeero kaangwí nguwa axás, nee sleémeero kudá' taa harweeriye' tari da'ayuút, niri kilooín mune si'iyé'. Asma ngina tsaahhiyé' adór gadiyeérí sleémeero kara tleehhaán ar alee/isoó Munguúrén.

ESTA 8:17

Nee baraá ayko, nee umuúqo gixsaro, umuúqo dír hara'ayár waawutmo i hardati nee afoorose, múk Yahudi qwala/ gway sláy, nee tay baraá/ nee muruú /aymár úr kway /aáy. Tam múk hatlá' oo yaariír tiri ilaqaamiís nee múk Yahudi, asma múk Yahudi kuna da'ayuumiít.

YOBU 19:25

Asma aníng a xuú', ba/amusmooeé' i slaaf, nee adór alhhe'eesaywo ir sihhiít gawaá daanduú yaamu, aníng iri aleekalaa/.

WARA'AMI 112:10

Múk tlákw kaangwí bur ngwa ár tan buuhh. Inooín ngun /atlií /ayiyá' asma adoodá' kawa sií' ala nari ilaá wá qwaariyá'. Harahhifór heé tlaákw i payshút.

WARA'AMI 115:16

Doori awa AAKOÓ MUNGÚ, ala yaamu gina haniís dír muu.

TI'INAANGW 18:11

Daxta aga tsaáhh adór AAKOÓ MUNGÚ kur úr dír munguaá hatlá' sleémeerowo, asma kuungá' nuna wangeexwaár baraá dabaá múk Misrír wa ale, kudá' naa baramaanumamiis.»

TI'INAANGW 23:27

«Aníng múk ayeemoodá' un geerahúng wa dae tsaát, nee mukdá' amorhúng i slaqwarár áw un tlaahhír i kwaáhh, wakuuserhúng an way'aás iri geerahúng wa /akumít.

DAHARUSMO 8:12

Tlakuuse tlakweema gin tlehhahhít ay sagaá wa tsiiru, tam adoorihe i qatliaaká. Ala aníng a xuú' mukdaádá' Mungú ilaiwawaá/ a múk amohhoó', asma inooín Mungú ngu da'ayumitiyá'.

ISAYA 19:1

Kaangwí a iigu'utuú Mungú aa laqán daanduú yaamaá Misriro. «Ga/aaweek, AAKOÓ MUNGÚ aa tsa/án gawaá huunkír inslaahh, i amór yaamaá Misrír káy, slaqsi'iidá' munguaá Misri niri dír geeraawós wá daaraxaatiyá', Gur'ér múk Misri ma'aay ngay dal/aná'.

ISAYA 23:5

Kángw Tiro kawa hhaamiís, burkwa axaás baraá yaamaá Misriro, múk Misri iri slahhaa' ló'wa alé.

YEREMIA 27:5

«Aníng an kudá' yaamu iga tleehh, nee muu nee makaá sla/a kudá' dawá' ar aleesleemueé' nee ar dakw'eé' oo /uuruú koóm, aníng umuú hee un qáw ar adoodá' ngur slaa' iwa qon.

NAHUMU 2:10

Ninewi ina mét ar gaa wasl nee ar deewa'ame nee hhituru'uuma, tam gur'ér muu ma'aay ngay dalaa/iyé', gurungeeri'ín tiri tuu'utiyé', afeetler'ín aa sikimít, gitsee/er'ín iri bahyuyuúr as dae.

FAARO 20:14

Mose muu guna amór Kadeshír wa ya/aáw ay dír waawutmoó yaamaá Edomu, guri báy, «Hhiyaawók Israeli i kaahi, ‹Kuúng a xú' slahh'amuudá' taa slawaán.

FAARO 20:24

«Aroni i gwaa', i dahiiká baraá yaamuudá' ni dír múk Israelírí haniis, asma kuungá' tsaraawo hara'ayar'eé' ana sié' baraá Meribaro.

Matayo 20:15

I hariindakáhe aníng muruueé' nguwa ar gadiyuus ar adór án ngur slaa'. Laqaá daxta kuúng gura' un ohína asma aníng tiwa hhoó'?› »

DABE 11:25

Heé kuungá' nu tlampa'aás i kaahh tumu wák. Umuú dír ta keera'a baraá yaamuwo AAKOÓ MUNGÚ, Munguúhúng muu gu dae tsaat, adoodá' inós ngira oó'.

DABE 2:25

Aníng laarí muu sleémeero baraá yaamuwo u de'eérí tleés nee hor/iro as kuungá'. Inooín kangwhúng burngwa axaasiyé', tari daraxaat nee tari amoqwaqwadín.›

DABE 28:10

Nee xoordu sleémeero awa baraá yaamu birnga ariyé' kuún AAKOÓ MUNGÚ ugwa tsawaár tawa xooroorós, kuún uri da'ayuutiyá'.

DABE 32:8

Qoomár kudá' úr oo gáwtí dirií' xoordu ngiwa aalir'ín i haniís, qoomár inós muu nguwa qasiís, digeemi gina qaás awa muu, adoodá' faarór na/aá Israeli i diri'.

Ebrania 11:31

Rahabu, /ameenidár tsaatuso'o, sleeme i haratlintaaór koón. Inós kaa gaasiiká dinkwa nee mukdá' aa dee/aanuut. Asma inós mukdá' aa tsee/aaríngw ay guna dahi'ís ar wayda.

YOSHUA 2:11

Kaangwí nguwa sa axaasaán gur'eerén ma'aay ngina dalaa/iyé', dír atene migi iri fák as kuungá'. Asma atén aga tsaahhaán adór AAKOÓ MUNGÚ, Munguúhúng tar Mungú, gawaá dooriwo nee baraá yaamuwo.

YOSHUA 2:24

Yoshua nguri bayé', «Atén aga tsaahhaán adór AAKOÓ MUNGÚ yaamuudá' sleémeero ngira dír atén i haniís. Slám yaamuloouuse sleémeero ar baraadá' hoot hor/i gina eér as atén.»

YOSHUA 2:8

Qoomár siitsawuuseedá' iwa qatká Rahabu giri i daqeér gawaá kitaarárí alé,

YOSHUA 5:1

Waawitá sleémeero oo Amori, kuduú gayuú /uwií dirií' yaaér Yordaniro, nee waawitá sleémeero oo Kana'ani, kuduú afaá tlawtá Mediteraneár i tseéw, ngiwa axaasiyé' adoodá' AAKOÓ MUNGÚ Yordani ngira kahaás ay qoomár múk Israeli iwa waaraáhh, inooín gur'er'ín ma'aay ngay dalaa/iyé', nee migti'ín iri fák as múk Israeli.

YOSHUA 6:2

AAKOÓ MUNGÚ Yoshua guri báy, «Aníng gixsár Yeriko ngi gawaá dabaawók i qaás, nee waawutmoowós nee slaqwaruuseerós sleémeerowo.

YOSHUA 9:10

nee tidá' aa tleéhh dír waawitaadá' tsár oo Amori, kuduú bihhaá da/aáw awa Yordani, waawutmo Sihoni oo Heshboni nee Ogu waawutmoó Bashani, kudaádá' aa hoot Ashtarotír wa ale.

YOSHUA 9:24

Inooín nari ooiyé', «Atén a xuaán adór AAKOÓ MUNGÚ, Munguúhúng, sagadiyusmoowós Mose ngura ádbáy múk baraá yaamuuká' nguwa hhaamisi, nee yaamuuká' ngiwa kuungá' i haniisi. Gawaá adoorihe atén ana da'ayuutaán. An gár adoorí ngisa tleehhaán.

YOSHUA 9:9

Inooín nay ooiyé', «Atén amór ta dahhaan a amór yaamaá saawá', asma atén aga axasaán daanduú AAKOÓ MUNGÚ, Munguúhunge, tidá' inós aa tleéhh dír múk yaamaá Misri,

HAR'OHUUSE 7:14

Mulqumoowós kudá' guri mu/aywaáts iri oó', «Gaasíng hamí aqo paángár Gideoniwokáhe, garmoó Yoashi, heé Israeli. Mungú múk Midiani nee slaqwaruuser'ine sleémeero gaa haniís baraá dabaawós i ale.»