YOSHUA 2:3 - Biblía Axweesantá Hhohho' ar Mungú 2004

³ Waawutmoó Yeriko iri ya/abín amór Rahabu, iwa kaahi, «Muksíng naa dír do'ógí hardah, amooréní duuxang, asma gár tinda áy a yaamuurén sleémeero kiwa tsawtsawuusi.»

YOSHUA 2:3 Iomraidhean Croise

IIMU/UUNGW 38:24

Alaá slahheeraá tám niwa waarahhiyé', Yuda kaangw gway axaás tawa kaahi, «Harér garmaawók Tamari aa fuqús, nee tsiihaay gwaa sleér.» Yuda iri oó', «Tsee/áy duuxaak, da/aak.»

IIMU/UUNGW 42:31

Ala atén una bawaán, atén a múk hhó', slám sleeme a tsee/aruuseerooká.

2 SAMUELI 10:3

geeraharuusér uren ar múk Amoni aakooín guri beér, «Hanuúni, xáy, kawa xu' Daudi muu nguwa amoorógi ya/aáw uwa gurkwa/asi as baabuúwók nguwa ilaiwawá/i? Xáy, Daudi muu ngwa ya/aawikáhe, as gixsa ngiwa tsee/aarina' nee kawa tsawtsawusi aluuwo kari hayoh.»

2 SAMUELI 17:20

Sagadiyuusér Absalomu tari hardáh dír doó /ameenirí, kari báy, «Ahima'asi nee Yonatan ta amá?» /Ameenidá' giri beér, «Taa waaraáhh amór gayuuquú yaae.» Kiwa leelehhiít kiri slayká, tari kií/ baraá gixsár Yerusalemu.

1 QOM'I 19:3

Geeraharuusér múk Amoni iri ó' dír waawutmo Hanuni i alé, «Kuúng ka ga/eer Daudi mukwí gár ngusa ya/aáw, a asma kuúng tuwa gurkwa/ási as adoodá' iwa baabuúwók ilaiwawa/i? Inós sagadiyuuseerós ngina ya/aawikáhe as yaamuurén ngiwa tsawtsawusiya' nee ngiwa qwaareesiya'?»

YOBU 21:30

Tunda baykáhe, ‹Heé tlaákw an panmoó meét, kun ba/amis deelór Mungú bir amór múk i xaraasl.›

TLAHHOÓ LAÁWI 24:14

«Masoomoosíng aníng iga /ooslín, tsee/aá xáftí duuxeek, nee mukdá' sleémeero gwaa axaas iwa án /oosliislin dabaaín ngi qaasiye' gawaá sagós, nee xooro sleémeero ngu tlaqut ar tlaa/e ay dír i gwaai.

Yohana 19:4

Pilato iri malé ti'iít tsee/ií alé, giri báy, «Heewí ngu tsee/ií huúw amorhúng i alé, as án kuungá' nuwa xu'utis adór aníng dakuúsár heewí ngus sakwasleemuut ngir ara'araaká.»

Tlehhema'aá ya/Abuuse 12:4

Ooharo nguwa hhe'eés, guna dahaás baraá doó tseegamo, guri qaás gawaá dabaá askaárír daqooroó tsiyáhh, as nguwa xuun, umuú daqto askaári tsiyáhh. Gár aa slaá' a gun dabaá múk i qaas, Pasaáka bira waaraáhh.

Tlehhema'aá ya/Abuuse 12:6

Deeloodá' Herode nguwa duuxár wa slai, nee nguwa sihhitisi geeraá muu, xweeraawo Petro aa guú' tla/ángw askaarír tsár. Kwaa tsegiít ar pínguú tsár, nee xuumuuse i afkú doó tseegamór xuún.

YOSHUA 10:23

Naagáy afkú mar'idá' kway kiís, waawitaádá' kooán kunguri duúx, kuri huúw amór Yoshua, waawutmoó Yerusalemu, nee oo Hebroni, nee oo Yarmuti, nee oo Lakishi nee waawutmoó Egloni.

YOSHUA 2:2

Waawutmoó gixsár Yeriko kuri kaangwí báy, tari oó', «Mukko Israeli naa baraá gixsár i dáh xweeraá laarí as yaamu kiwa tsawtsawuusi.»

YOSHUA 2:4

Ala /ameenidá' mukwí tsár gwaa qaroó lú/. Mukdá' taa ya/aáw guri beér, «Mukko naa mak dír dooeé' hardáh, ala inooín amór i dahhiya' aníng a xuaaká.

HAR'OHUUSE 4:20

Inós gari báy, «Dír afkú do' i sihhiteek, hee bir kiíng yaahamiis, bir kaahi, ‹Heé diirí i deéro?› Kiíng ta o', ‹I kaahh.› »