YOSHUA 2:14 - Biblía Axweesantá Hhohho' ar Mungú 2004

¹⁴ Siitsawuuseedá' Rahabu gari beér, «Gár kiíng i slaw atén ti sleer bar kiíng kangwrén kwí ugwa duxuundiiká. Bál AAKOÓ MUNGÚ yaamuuká' birnga aténí haniís, atén kiíng i hhooeemií tleehhaán ar inkihhimu.»

YOSHUA 2:14 Iomraidhean Croise

IIMU/UUNGW 24:49

Ala daxta aakooeé' u inkihhimu nee gan'amií tlehhá'a? Bar adooriheeká, ooare', án tidá' ni tleehh, a tleéhh.

IIMU/UUNGW 47:29

Deelór gwa'arár Israeli iwa naká/, garmaawós Yosefu guri ateét, guri báy, «Án kuúng bir tsuwa slá', dakók qaaseek gawaá nawdueé', nee al'axweesani ooang, ar án kuúng iwa ilaiwa/amér looeemií tlehh, aníng mi baloó baraá yaamaá Misrír i foolaar.

2 SAMUELI 2:5

muu guri ya/aáw amór Yabesh-gileadi, as ya/abtoorí kawa ooár ay, kiwa bay, «AAKOÓ MUNGÚ kuungá' nu tsuuqi, asma ilaiwa/amerhúng aga laqaandé' dír Saulo, aakoohúng, as kuwa folé'.

2 SAMUELI 2:6

AAKOÓ MUNGÚ kuungá' nu sla'aarír warqawaaká i laqan nee inkihhimu. Nee aníng sleeme kuungá' nu hhooeemií tleéhh, as kangwdá' taa tlehhé'.

2 SAMUELI 9:1

Baalarka wake Daudi ina yaahaás, «Xáy, heé aa meet i deéro baraá xwaylár Saulowo? Barnaxes i deer geeraawo a slaá, nguwa hhooeemáy tleehh as Yonatan.»

1 WAAWITÁ 20:39

Waawutmo qoomár iwa waaraahhi aarusmoodá' iri oó', «Aáko, aníng a sagadiyusmoowók, qoomár slaqwaraaro a baraá hhoó geera, slaqwarusmooko wák heé naa óh, nguri dir'eénií huúw iri báy, ‹Heesíng xuumeek. Bira kotsqoót slafiingós u kók ar bú', laqaá ar peésár kume tám.›

AXWEESANOÓ SAGALOOA 14:22

Áx mukdá' tlakweemaá eeharahár taqo dakuusikáhe, Ala mukdá' hhooeemaá eeharahár gár ta laqan a sla'aari nee inkihhimuuín.

AXWEESANOÓ SAGALOOA 18:24

Mukko tin ilaqaamiis tawa mulqe, ala mulqumoó ló' i deer tam daa'awmoowós gun alúr kón.

Matayo 5:7

Múk amohhoó' a kudá' gurtleemuú koóm, asma inooín Mungú gi gurtláy.

Tlehhema'aá ya/Abuuse 23:22

Geeraharusmoó úr oo askaári garmaadá' guri hara'ayín guri báy, «Kangwsíng mu heéwí ooaar adór ngura aníng i ó'.» Guri deelór i oó'.

YOSHUA 2:13

As kahhó' baabuúeé' iwa tu/uuti nee aayír'eene nee hhaee'eé' awa daaqaay nee awa dasuwo nee muk'ín sleémeero, slafingw'rén tu/aare' baraá gwa'araro.»

YOSHUA 2:15

Rahabu dír iwa hot a baraá doó taa tleéhh dír bihhaá koo/ír gixsa, inós mukdaáduú Israeli guri baraá pa/ángw koo/írár aweerís ar hima.

YOSHUA 6:17

Gixsa nee umuúqo gár baraadií diriia naasuwaak tawa ilahhooár taa haniís dír AAKOÓ MUNGÚ. Aqo har Rahabudár tsaatuso'o kilós na meetisaak, nee múk do'ose, asma inós mukdá' taa qawti ya/awaán guna lú/.

YOSHUA 6:22

Yoshua mukdá' tsár aáng taa ya/aáw as yaamu kiwa tsawtsawuusi, guri báy, «Tlawsé' baraá doó Rahabudár tsaatuso'o, /ameenisíng tsee/ií duuxare' nee umuúqo gaarose ar adoodá' kara al'axwesé' nee inós.»

YOSHUA 6:25

Rahabu tidár tsaatuso'o nee mar'eefoowós sleémeero Yoshua gina slafíngwí máy. Rahabu ina hót tla/ángw múk Israeli wa ale tam ay laarí, asma inós mukdaádá' Yoshua aa qawti ya/aáw as gixsár Yeriko ngiwa tsawtsawuusiya', guna lú/ baraá do'ós i alé.

1 SAMUELI 20:8

Gawaá adoorihe, sagadiyusmoowók hhooeemií tleehheek, asma kuúng anuú sagadiyusmoowók iga baraá alqadór AAKOÓ MUNGÚ i dahás. Ala bar aníng a tlakweemaá koóm, kuúnguú kilá' án na gaasáng, asma gár is ala hup dír geeraá baabuúwók a milá?»