YOSHUA 2:12 - Biblía Axweesantá Hhohho' ar Mungú 2004

¹² Gimsé' daxta lo'o /ayaak ar umuú AAKOÓ MUNGÚ as dooeé' kuwa hhooeemií tlehha' ar adoodá' aníng naa dirhúngií tleéhh, nee layár geehhoo' laqaamaré'.

YOSHUA 2:12 Iomraidhean Croise

IIMU/UUNGW 21:23

Gím daxta, lo'o /ayeek ar umuú Mungú, ar kuúng gár tlaakw ngiwa aníng i tlehhká, laqaá na/iieé', laqaá na/aá nangw'eé', ala aqo ar adoodár gurhhooadá' aníng naa kuúng i tleéhh, kuúng ngin aníng i tléhh, baraá yaamuká' tawa hot.»

IIMU/UUNGW 24:3

Án kuúng u lo'ór /aymiís ar umuú AAKOÓ MUNGÚ, Munguú doori nee yaamu, harér garmaaeé' ma lehhtuú awaar baraá tla/ángw dasuú múk Kana'ani, kwí nee atén alhootá'.

IIMU/UUNGW 24:9

Naagáy sagadiyusmoowí dakós guri qaás gawaá naawdaá Abrahamu, aakoowós lo'o gari /aáy as kaangwí.

IIMU/UUNGW 40:14

Yosefu iri oó', «Na'ás, aníng inslawáng bar kuúng taa gweér, nee án alee/iisáng. Án kuúng u firiím, kangw'eé' ooeek dír Faraowo, as kahhó' án niwa ti'iit baraá do'wihe.

2 QOM'I 36:13

Sedekia kángw waawutmo Nebukadnesa axaasaro guri sií' tam Nebukadnesa Sedekia ngwa lo'ór /aymisi ar baraá umuú Mungú as tidá' Nebukadnesa i ooi mingiwa sií'. Inós da/eewawós giri gawdeés, tam guruuwós guri tlaa/árí dahaás as miwa kií/ amór AAKOÓ MUNGÚ, Munguú Israeli.

ESTA 8:6

Asma adór nir qiitl slahh'amuú amór muk'eé' káw nguwa ga/aw? Adór qitla ngur aleeslaw qwanoó mar'eefooeé' ngur ga/aw?»

TI'INAANGW 12:13

Tseereedá' an layár maraá kuungá' ti diria' ngi laqaam, aníng bar tseere aga sa ár kuungá' nun waawaraáhh as tsu/uta nuwa sleeraaká, qoomár bar tsu/uút baraá yaamaá Misrír wa ale.

YEREMIA 12:16

Alaá kaangwí bira waaraáhh, inooín barnaxes alhotaarír muk'eé' kaa intsatsaáhh ar muunuú ló', nee bar lo'o ngaa umuueér /ayiyé' tawa kaahi, ‹Ar adoodá' AAKOÓ MUNGÚ ir hotaatina.› Adoodá' aáng muk'eé' ngura intsaahhatisiyé' lo'o ngiwa /ayiya' ar mungú Ba'ali, daqaní inooín tari hoot baraá tla/ángw muk'eene.

Marko 14:44

Kudá' Yesu gu sakií/, gaa layár i laqán gina báy, «Kudá' án ni ma'aas an inós. Ku otá' ku harmagahhá', ku hubá'.»

Rumi 1:31

tari daktu'uút múk inkihhimuú koomaaká, múk muk'ín gu sla'aaká, nee múk gurtleemuú koomaaká.

1 Timoteo 5:8

Ala umuúqo heewo oo mukós gu amohhe'eemisaaká, ak alé múk do'ósuú kilá', heé adoorí haratlintaao gaa sií', nee inós a heé ló'wa tlaákw ta kudá' aa haratlinti'iiká ba/a.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.

YOSHUA 2:13

As kahhó' baabuúeé' iwa tu/uuti nee aayír'eene nee hhaee'eé' awa daaqaay nee awa dasuwo nee muk'ín sleémeero, slafingw'rén tu/aare' baraá gwa'araro.»

YOSHUA 2:18

Ga/aaweek, bál atén birna dahaán baraá yaamuuká', kiíng warqamoowí daa/aát ku tsék dír pa/angwdá' atén tira dúx, daqaní kiíng baabuúwók nee aayooroge nee hhaeewoge nee múk guruú doó baabuúwoge ki buruumbút baraá do'ógí alé.

YOSHUA 2:19

Ala barnaxes hee naa tsee/ií ti'iít baraá do'oge, gwa'ararós i baraá dabaawós i dirí', atén a dakuúsár koomanaaká daanduuwose. Ala heéqo baraá do'ók i dirií' nee kiíng aldinkwa burkwa slahh'eés, daqaní dakuúsasíng a toorén.

YOSHUA 6:22

Yoshua mukdá' tsár aáng taa ya/aáw as yaamu kiwa tsawtsawuusi, guri báy, «Tlawsé' baraá doó Rahabudár tsaatuso'o, /ameenisíng tsee/ií duuxare' nee umuúqo gaarose ar adoodá' kara al'axwesé' nee inós.»

YOSHUA 9:15

Yoshua al'axweesani gari oó' ar múk Gibeoni kuwa tsu/iiká nee múk Israeli. Bariisér Israeli kaangwí guri ya/aán boo/eesaro.

HAR'OHUUSE 1:24

Mukdá' aa tsatsawuusér ay heeko wák nguna ariyé' naa ti'iít baraá gixsár wa ale, kuri báy, «Na'ás, loohír dahmuú baraá gixsarí laqaamang, atén kuúng u gár hhoóí tleehhaán.»

1 SAMUELI 30:15

Daudi heé aáng guri yaahaás, «Xáy aníng i laalaqása amór daqtidá'.» Garmaadá' guri báy, «Bar lo'o aga /ák ar umuú Mungú as aníng iwa gaská, sleeme i baraá dabaá aakooeénií qaská, daqaní u huúw.»