YOSHUA 2:10 - Biblía Axweesantá Hhohho' ar Mungú 2004

¹⁰ Asma aga axaasaán adoodá' AAKOÓ MUNGÚ tlawtá Shamu ngira kahaás geerahúng wa alé, qoomaadá' niwa baraá yaamaá Misrír wá ti'ité'. Slám atén aga malé axaasaán adoodá' kuungá' Sihoni nee Ogu kira tsu/é', waawituú tsár oo múk Amori kuduú gayuú da/aáw yaaér Yordaniro.

YOSHUA 2:10 Iomraidhean Croise

WARA'AMI 74:15

Kuúng kutlaay nee yau ina duxuún, kuúng yauudá' uren ina kahamís.

FAARO 20:14

Mose muu guna amór Kadeshír wa ya/aáw ay dír waawutmoó yaamaá Edomu, guri báy, «Hhiyaawók Israeli i kaahi, ‹Kuúng a xú' slahh'amuudá' taa slawaán.

FAARO 23:22

Munguúdá' gaa leehh baraá Misri, gin aleslaaqw ar /uuruuwós oo adór kuquú saree/a.

FAARO 24:8

Munguúdá' gaa leehh baraá Misri, gin aleslaaqw ar /uuruuwós oo adór kuquú saree/a. Xoordudaá wakuuseerós gin qororo'oos, faduuín gin giqáy, inooín giri tlaquut ar maheeriwós.

DABE 2:30

«Ala Sihoni waawutmoó Heshboni ina sií' tawa baraá tla/ángw yaamuuwós ar waarahhaan. Asma AAKOÓ MUNGÚ, Munguúhúng guna sagagawdeés, nee guna muuná gawdeés, as atén kuwa baalaan, nee yaamuuwós kiwa hayohaan, kuká' hamí laarí ta /ayaan.

YOSHUA 24:12

Aníng xoorduudá' ngiri diwílí tleés, waawituú tsár oo xoorór Amori nguri tlatlahhaás ar diwíl, ala a ar paangaduhungeeká, laqaá ar ga/alduuhungeeká.

YOSHUA 4:24

As kahhó' xoordu sleémeero awa baraakaá yaamu ngiwa tsaahhiya' adór dákw AAKOÓ MUNGÚ ir /uuruú kón, nee as kahhó' kuungá' AAKOÓ MUNGÚ, Munguúhúng, kuwa ilaiwawa/a' ay kureeraá kureér.»

YOSHUA 5:1

Waawitá sleémeero oo Amori, kuduú gayuú /uwií dirií' yaaér Yordaniro, nee waawitá sleémeero oo Kana'ani, kuduú afaá tlawtá Mediteraneár i tseéw, ngiwa axaasiyé' adoodá' AAKOÓ MUNGÚ Yordani ngira kahaás ay qoomár múk Israeli iwa waaraáhh, inooín gur'er'ín ma'aay ngay dalaa/iyé', nee migti'ín iri fák as múk Israeli.

YOSHUA 9:10

nee tidá' aa tleéhh dír waawitaadá' tsár oo Amori, kuduú bihhaá da/aáw awa Yordani, waawutmo Sihoni oo Heshboni nee Ogu waawutmoó Bashani, kudaádá' aa hoot Ashtarotír wa ale.