YOSHUA 2:1 - Biblía Axweesantá Hhohho' ar Mungú 2004

¹ Qoomár tawa Shitimúrí kahhi, Yoshua garmoó Nuni, múk tsár guri qawtí ya/aáw, guri báy, «Tlawsé' yaamaá Kana'ani tsawtsawuusare', kawa ure gixsár Yeriko.» Tari tláy. Tawa hardáh baraá gixsár Yerikoro, tari deél dír doó /ameenír tsaatuso'o ar ta bay Rahabu.

YOSHUA 2:1 Iomraidhean Croise

IIMU/UUNGW 42:16

Hhiyaahúng oo wák ya/aawaak i tlay, hhiyaahúng kudá' niiná ngu leehhi, nee kuungá' tundu ala tseegi. Daqaní looeemaá axweesanayhúng kwí u tsaáhh. Bar adooriheeká, daqaní kuungá' a tsuwá tsee/aruuse.»

IIMU/UUNGW 42:9

Yosefu tlataawós kudá' aa tlatiitín daanduuine giri insláy. Giri báy, «Kuungá' yaamu ngina tsee/aaríngw eeré', as /aareemaá yaamurén kiwa aanda'.»

MIKA 6:5

Kuungá' muk'eé', inslawiimé' adór Balaki, waawutmoó yaamaá Moabu nura qwaareesár wa slaá' nee adór aarusmo Bala'amu, garmoó Beori ngwa báw, anuú AAKOÓ MUNGÚ a slaá' kuungá' nuwa gár hhoó' i tleehh. Nee inslawiimé' sleeme adór tara Shitímuú wa tleeré' tay hardaté' ay Gilgali. Muruuwí inslawaak as kawa tsahha' adór án kuungá' nura alee/iimamiís.»

FAARO 13:1

AAKOÓ MUNGÚ Mose guna báy,

FAARO 13:2

«Muu ya/aaweek yaamaá Kana'ani, kudá' ni haniisár wa slaa' dír Israeli, ngi tsawtsawuusiye'. Heé wák ya/aaweek dír umuú tlahhaaywo, nee masók heedaádá' a geeraharusmoó tlahhaydá'.»

FAARO 25:1

Múk Israeli qoomár tawa baraá Shitimúr i dirii'i, hhawaate niri fuqtá ayé' amór /ameenár Moabu.

FAARO 33:49

Xafay'ín kuna baraá xatstá Moabú i tleéhh iisaapoó yaaér Yordani tla/ángw Bet-yeshimoti nee xatstá Abel-shitimu.

Matayo 1:5

Salmon ina laqwál Boasi, nee aayírós a Rahabu. Boasi ina laqwaál Obedi, nee aayírós a Ruti. Obedi ina laqwaál Yese.

Matayo 10:16

«Qaytsité', án kuungá' nu adór bee/ángw wa ya/aáw baraá tla/ángw tawer, gawaá adoorihe masók tundun sageloén adór dayshe, slám masók tundun tsaén adór hhooka.

Efeso 5:5

Kuungá' /aymuuwí u xu'uti hhe'esá', adór heé tsaatusmo waawuti'iimár Kristo nee Mungú ngir baloó aaliiká, laqaá tam heé slafiingós slasla/arén, laqaá tam heé ilatleerusmo sleeme, asma inós i munguaá hatlá' kón.

Ebrania 11:31

Rahabu, /ameenidár tsaatuso'o, sleeme i haratlintaaór koón. Inós kaa gaasiiká dinkwa nee mukdá' aa dee/aanuut. Asma inós mukdá' aa tsee/aaríngw ay guna dahi'ís ar wayda.

Yakobo 2:25

Tam Rahabu sleeme, tidár tsaatuso'o, an adoodá'. Inós ya/abuuseedár aáng gana dahi'ís nee gari dúx ar loohír hatlá'. Inós kaa gan'amuú i harafaáriíke as tlehhemi'iidá'?

YOSHUA 1:18

Heé hara'ayarók gaa aahh, nee oo axweesantók ga iialooeemisaaká, laqaá umuúqo gár kwaa beeri ga axamiisaaká a gaasa. Gimáy muuna hhe'eés nee migís.»

YOSHUA 2:2

Waawutmoó gixsár Yeriko kuri kaangwí báy, tari oó', «Mukko Israeli naa baraá gixsár i dáh xweeraá laarí as yaamu kiwa tsawtsawuusi.»

YOSHUA 21:31

nee Helkati nee qawtantose, nee Rehobu nee qawtantose. Gixsadukaá kaa haniís dinkwaaro a tsiyáhh nee qawtanay'ine.

YOSHUA 3:1

Looaytleérós matlaatlér boo/e Yoshua nee múk Israeli sleémeero, tana dír xaa'aá ta bay Shitiímúr wá tláy, nari hardihiyé' ay afaá yaaér Yordani, nari didií deelo tlaatla/iitiyé' dír nira waaraahhii'iiká.

YOSHUA 5:10

Qoomár múk Israeli xafay'ín nguwa tleehhiyé' amór Gilgali dír xatstá bihhaá Yeriko, deelór Pasaáka ngay tleehhiyé' tsiindoowo bál slahhaangw tawa mibaá nee tsiyáhh.

HAR'OHUUSE 1:23

Tlahhoó Yosefu muu nguna ya/aawiyé' ay Beteli as tawa tsatsawuusár ay. (Umuú gixsarí aáng ku bay Lusu.)

HAR'OHUUSE 18:14

Aluuwo mukdá' kooán yaamaá Laishi ngaa tsawtsawuusár aye', hhaeeín ngiri bayé', «Xayshé', kuungá' a xuá'a adór baraá do'koowo murslaaqatuú taa daákw kuri parootuús ar muqslír taa weeqatís i deer, nee slaqsa'aá hatlae nee naifeéra. Hám daxta kuungá' ma katá' adór ta laqaan.»

HAR'OHUUSE 18:17

Mukdá' kooán yaamuudá' gaa tsawtsawuusár ay, tana tsa/án tay dáh baraá do'duú murslaaqatuudá' taa tleéhh, nee kudá' taa daákw kuri parootuús, kuri duúx, nee naifeéraro. Qoomaarihe kaahamusmo i dinkwa nee hhawaateedaá tsiire lahhoó', kudá' xoosla ngaa oohiye', tari dír dahmaá afkú doó áy.

HAR'OHUUSE 18:2

Múk tlahhoó Dani, múk kooán oo pihhuuse oo tlahhay'ín, nguri ya/aawiyé', múk baraá Sorarír daáhh nee oo baraá Eshtaolír daáhh, as yaamuudá' kiwa tsawtsawuusár ay. Kiri báy, «Tlawsé' yaamuusíng araare'.» Tari hardáh yaamaá tlom'aá Efraimu, tay hardáh doó Mika, tay didií deél.