YOSHUA 19:51 - Biblía Axweesantá Hhohho' ar Mungú 2004

⁵¹ Adoorí an adór kaahamusmoó Mungú Eleasari nee Yoshua garmoó Nuni nee geeraharuusér tlahh'aá Israeli yaamuudá' ngira ka'amiisiyé' ar loohír tsawdór naa tlehhiitiyé' dír geeraá AAKOÓ MUNGÚ wa ale, dír afkú heémár Mungú, tidár baraá Shilórí dirii'. Gawaá adoorihe yaamu niri hhooayé' ka'amisuwo.

YOSHUA 19:51 Iomraidhean Croise

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

WARA'AMI 78:60

Hotaarirós ar baraá Shilo gari máy, tooaáng xaftós iwa baraá tla/ángw muu.

Matayo 20:23

Yesu giri báy, «Xooslmoodá' án ni wah, uqo watá', ala kángw kuungá' tawa iwita' heeqá' dakw'eé' oo doó /iyáy, kuqá' dakw'eé' oo doó basáy, kangwsíng a kwe'eeneeká. Ala kiteeridá' ki haniis dír mukdá' kisa amohhe'eés nee Baabuúeé'.»

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Yohana 17:2

adoodá' kuúng Garma kura aleesleemuú i hanís daanduú muu sleémeerowo, asma sleémeero kudá' taa dirós i hanís ngiwa slafíngw alhhe'eesay wásl i haniisi.

Tlehhema'aá ya/Abuuse 13:19

Alaá Mungú xoordaá faanqw awa yaamaá Kana'ani ngiwa hhaamiís. Nee yaamaá xoorduudá' giri haniís dír múk Israeli tawa aalir'ín har kureeraá tsiire tsiyáhh nee mibeeraá kooán.

YOSHUA 14:1

Xoorór Israeli yaamaá kay ka'amiís baraá Kana'aniro an kuká': Múk gaa ka'amiis a kaahamusmoó Mungú Eleasari nee Yoshua garmoó Nuni, baraá ka'amisuuwo tina alee/imisiyé' nee bariisér uren ar tlahh'aá xoorór Israeli.

YOSHUA 18:1

Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.

YOSHUA 18:10

Yoshua AAKOÓ MUNGÚ guri yaahaás daanduú tsawdoorihe, yaamu giri ka'amiís dír xoorór Israelírí ale, umuúqo tlahhaywo yaamuuwós gina sláy.

YOSHUA 20:1

AAKOÓ MUNGÚ Yoshua guri báy,

HAR'OHUUSE 21:19

Niri inslawiné', adór deelodá' ur ar AAKOÓ MUNGÚ tidár Shilór wa tleehharumamiit umuú kurko nira naká/, gixsadá' bihhaá /iya awa Beteli. Gixsadá' i bihhaá da/aáw awa loohidá' ur ar naa Betelír wa tleer ay Shekemu, bihhaá basa awa Lebona.

HAR'OHUUSE 21:21

daqaní ilakaaharu ku ló'wa tlehhá'. Dasuú Shilo birna tsee/ií ti'iít qoomár deelór ure barta ni/ín, kuungá' ta baraá qamaá sabiíbu wa ti'itá', umuú heewo dasi ngi oohi tawa hareerós. Aluuwo ta ki/á' baraá yaamaá Benyamini.»

1 SAMUELI 1:3

Elkana umuúqo kurko in waatlatláy ay Shilo, as ilahhooár muruú ta tsu/i ngiwa hanmisuú aa'ay dír AAKOÓ MUNGÚ Aleesleemusmo. Didár Shiloro daaqoó tsár oo Eli i deer, umer'ín a Hofni nee Finehasi, inooín a kaahamuusér AAKOÓ MUNGÚ ar baraá Shilo.