YOSHUA 19:28 - Biblía Axweesantá Hhohho' ar Mungú 2004

²⁸ ay Ebroni ay Rehobu ay Hamoni ay Kana, iri hardáh ay gixsadá' ur ar Sidoni.

YOSHUA 19:28 Iomraidhean Croise

IIMU/UUNGW 10:19

Digmuú yaamaá múk Kana'ani dír iwa iimu/ún a iimír Sidoni, bihhaá basko ay gixsár Gerari, iisaapoó gixsár Gasa, nee bihhaá da/aawe ay Sodoma nee Gomora, nee Adma nee Seboimu, iisaapoó gixsár Lasha.

2 SAMUELI 24:6

Tari hardáh ay Gileadi, aluuwo ay Kadeshi baraá yaamaá múk Hiti, aluuwo tari hardáh ay Dani, didár Daniro tawa tláy tari harweerín ay Sidoni.

2 SAMUELI 24:7

Tari hardáh ay dír koo/ír gawit ar gixsár Tiro, tari dáh baraá gixsadu sleémeero awa xoorór Hifi, nee awa xoorór Kana'ani. Tari tláy ay Negebu yaamaá Yuda amór Be'er-sheba.

ISAYA 23:12

I kaahi, «Aá gixsár Sidoni, tidár baramaanuso'o, kiíng qwal/uwo a ki/iká, tam bar yaamaá Kuprórí goba, amorqae amohhooa a sleeraaká sleeme.»

ISAYA 23:2

Xasliité' kuungaásingaá yaamuloouusér afaá tlawi, xasliité' kuungaásingaá halanuusér Sidoni, kuungaásingá' ya/abuuserhúng tlawi gaa waawaarahh,

ISAYA 23:4

Muruuté' kuungaásá Sidoni, múk gixsar'ín taa harweér ar koo/ír gawit, asma tlawi sleeme kaangwí gu alki/ít i kat, «Aníng asltá xwayla aga baloó tsaqiiká, sleeme aga baloó laqwaaliiká, daaqoó naa umiím i kaahh, tam dasuú naa ureemiís i kaahh.»

ESEKIELI 28:21

«Heewí, warqáw amór gixsár Sidoni.

Yohana 2:1

Bál tame duuxo i deer baraá Kana, gixsár yaamaá Galilaya. Nee aayór Yesu i baraadií dirí' sleeme.

Yohana 2:11

Layaarí Yesu aa tleéhh amór Kanár Galilayár wa ale, a layaarós ar har geera. Xirfuuwós guri geehhooatís, nee eeharuuseerós guri haratlintí'.

Yohana 4:46

Naagáy iri hardáh malé alé baraá gixsár Kanár Galilaya, didaádá' ma'aay ngiwa difaái tleéhh. Nee geeraharusmooko i deer oo na/aywós amór Kapernaumúr wa tiíq.

Tlehhema'aá ya/Abuuse 27:3

Looaytleérós ana hardahaán Sidoni. Yulio Paulo guri hhooeemaá i tleéhh, iri ya/án iwa mulqeerós artá ay, as inooín kuwa alee/iisi.

YOSHUA 11:8

AAKOÓ MUNGÚ slaqwaruusér waawutmoó Kana'ani gari haniís gawaá dabaá slaqwaruusér Israeli. Slaqwaruusér Kana'ani kari guús kay puruúts ay gixsár ur ar Sidoni nee Misrefot-maimu, bihhaá da/aawe tari puruúts ay xatstá Mispe. Slaqwaruusér Israeli muu sleémeero guri tsú/, tam heé aa meet i kaahh.

YOSHUA 21:31

nee Helkati nee qawtantose, nee Rehobu nee qawtantose. Gixsadukaá kaa haniís dinkwaaro a tsiyáhh nee qawtanay'ine.

HAR'OHUUSE 1:31

Tlahhoó Asheri sleeme múk gixsár Akko ngwa guusi'iiká, tam kudá' Sidonír hoota'a, nee oo Alabúr hoota, tam oo Aksibúr hoota nee oo Helbár hoota nee oo Afekár hoota, tam oo Rehobúr hoót sleeme.

HAR'OHUUSE 18:28

Ala heé mukwí gwaa tuu/ i kaahh, asma gixsadá' ka saaw dír Sidoniro, inooín ta algadiyumamisiká nee múk hatlá'. Gixsarí dír i diri' a baraá xatstá Bet-rehobu. Múk tlahhoó Dani gixsarí ngiri /abeesiyé' tleehhamooro, niri baraadá' wa hootiyé'.