YOSHUA 18:28 - Biblía Axweesantá Hhohho' ar Mungú 2004

²⁸ nee Sela, nee Ha-elefu, nee Yebusi, tidá' ta hara babay Yerusalemu, nee Gibea nee Kiriat-yearimu. Gixsaduuká' kaa haniís dinkwaaro a mibaá nee tsiyáhh. Ayeemooká' sleémeero an kudá' taa haniís dír tlahhoó Benyamini nee múk do'ós.

YOSHUA 18:28 Iomraidhean Croise

2 SAMUELI 21:14

Aluuwo Daudi nee mukós fadaá Saulo nee garmaawós Yonatan kina foól baraá yaamaá Benyamini, amór Sela, baraá /aantár Kishi baabuú Saulo. Umuuqo gár waawutmo aa ooi kana tleéhh. Alaá kaangwihe, Mungú firór kángw yaamuuín gari iiári qaás.

2 SAMUELI 23:29

Nee Helebu garmoó Ba'ana, heé múk Netofati, nee Itai, garmoó Ribai, oo Gibear daáhh, oo tlahhoó Benyamini,

2 SAMUELI 5:6

Aluuwo Daudi nee mukós tana haratláy amór múk Yebusi, kudá' baraá Yerusalemúr hoót. Ala inooín kuri báy, «Kuúng ni datká baraá gixsarihe, taampu nee taqooráy un tlatlahhasiyá' amór saawí ale.» Kuna adoorí báy geeraawo kawa xui Daudi dahmuú baraá gixsadá' gu aleeslayká.

2 SAMUELI 5:8

Baalaadae Daudi iri oó', «Umuúqo heewo oo múk Yebusi gu tsu/utár áw, i maamaahhati ar baraá digeemikaá ma'aay, as taqooray nee taampu kiwa haraadahi tsu/taro, kuká' muunaáeene ni sla'aaká.» Gawaá adoorihe gaarí an gár muu tas aain, «Taampu nee taqooray ta dahiiká baraá do'o.»

1 QOM'I 8:28

Mukwí an mukdá' urén baraá gur'ér maraá baabi'ii'ine ar adoodá' xwaylar'ín i diria, múk iiatleér, oo Yerusalemúr hoót.

ISAYA 10:29

Duxa kwaa waaraáhh, xweeraawo nay qatuú ayé' Geba, múk Rama aa daaraxaát, yaamuloouusér Gibeár Saulo tari goów.

YEREMIA 6:1

Múk Benyamíni, ti'iité' baraá Yerusalemuro, ta'aaimé' amór amohhooa. Tarumbeéta ufahhaak baraá gixsár Tekoaro, laya laqaamaak amoqár Bet-hakeremu. Asma amotlakwe ni bihhaá /iikú wa hardát dinkwa nee qwanoó ure.

HOSEA 10:9

Aá múk Israeli, tlakweema ina tlehhé' iimír tawa baraá Gibea, nee tam hamí a kumaamitá', ar ló' tundu hhaamiis ar slaqwara baraadaá kilaá Gibea.

FAARO 26:38

Múk tlahhoó Benyamini gur'ér maray'ín a tí: Guruú doó Bela, nee oo doó Ashbeli, nee oo doó Ahiramu,

FAARO 26:54

Tlahhaydá' úr dir'ine, yaamuuín awa ur ki hanís, nee tlahhaydá' niiná dir'ine yaamuuín awa niina ki hanís. Umuúqo tlahhaywo yaamuuín awa ta aali kin haniis kiri alqoomees nee faarór muk'ín.

FAARO 33:54

Yaamu kiri qasisá' ar loohír tsawdo adoodá' múk guruú doó wák i dirii'i, tlahhoó muu yaariír yaamuuín kin urees, tlahhoó muu niiná yaamuuín ki niina. Umuúqo heewo tidá' aa sláy ar loohír tsawdoorí a tós an alá' ar adoodá' gur'ér tlahhi'ii'ín i dirii'iya'.

YOSHUA 15:63

Ala múk Yuda múk Yebusi ngwa aleeslay'iiká tlatlahhasaro. Mukuú Yebusi aáng an yaamuloouusér Yerusalemu. Ala tam ay laarí mukuú Yebusi nee múk Yuda tan alhoot.

YOSHUA 15:8

Digma iri kumiít ay xatstá Hinomu bihhaá basa awa tloomár múk Yebusi, umuú hatlá' a Yerusalemu. Iri tsa/án ar gawaá ságw tlooma bihhaá /uwá wa ale awa xatstá Hinomu, iri ti'iít ar alhhe'eesoó xatstá Refaimu.

YOSHUA 18:16

Diirihe digma iri baraá xuú' ay afaá tloomadá' bihhaá /iíkwií dirii' dír tlapár Refairo, tidá' tseew bihhaá xatstá garmoó Hinomu, didaádae iri baskú xuú' ay bihhaá tloomár múk Yebusi, iri /eét ay En-rogeli.

YOSHUA 18:27

nee Rekemu, nee Irpe'eli, nee Tarala,

YOSHUA 19:1

Tsawdór tsár tlahhoó Simeon guna sleér ar harqoomoó maray'ín. Yaamaá taa dir'íní ka'aás badu sleémeero kingina harweér nee yaamaá tlahhoó Yuda.

HAR'OHUUSE 1:21

Ala múk Benyamini múk Yebusi kudá' baraá gixsár Yerusalemúr hoót ngwaa gusi'iiká. Múk Yebusi nee múk Benyamini tana alhotaatín Yerusalemúr wa ale tam ay laarí.

HAR'OHUUSE 19:10

Heedaádá' aa ya/aniká deelooro, ina sihhiít iri tláy, iri hardáh iisaapoó Yebusi (gídaabá Yerusalemu), inós nee daqwaayeerós tidá' tsare nee /ameenidá' nee sagadiyusmoowose.

1 SAMUELI 10:26

Saulo iri waátl Gibea amoodár do'ós dinkwa nee slawtá slaqwaruuse, tidá' Mungú aa mune kwatiít.