YOSHUA 18:14 - Biblía Axweesantá Hhohho' ar Mungú 2004

¹⁴ Digmuuín ina bihhaá hatlá' xuú', nari /uwár harweerín ay basa amór tlom'idá' naa bihhaá baskú wa geetiné' awa ti ga/aawá' nee Bet-horoni, iri kumiít ay Kiriat-ba'ali tidá' ta babay Kiriat-yearimu. Gixsarí i dabaá tlahhoó Yuda. Gaarí an wa/aamér digmuuín ira uhín bihhaá /uwawo.

YOSHUA 18:14 Iomraidhean Croise

2 SAMUELI 6:2

Daudi iri tláy dinkwa nee mukós sleémeero, múk aáng nee inós aldinkwa amoodár Ba'ala ar baraá Yuda, tindina amoodá' wa tláy as tawa sandakmoó Mungú leehhi, Munguúdá' umuuwós ta bay AAKOÓ MUNGÚ Aleesleemusmo, kudá' aa iwiit gawaá kitangwduú aleesleemu kudá' gáwtí dirií', dír keruúbi.

YOSHUA 15:60

Gixsadaá hatlá' awa taa haniís a Kiriat-ba'ali, inós sleeme kan babay Kiriat-yearimu, nee Raba. Gixsaduuká' kaa haniís a tsár dinkwa nee ayeemoine.

YOSHUA 15:9

Iri gawaá tloomár xuú' ay dahhsantá ma'aá Neftoa, iri didá' wa tláy gawaá tloomár Efroni. Digma didae iri Ba'álár xuú', umuuwós oo hatlá' a Kiriat-yearimu.

YOSHUA 18:13

Diirihe iri baskú xuú' ay Lusu, tidá' aáng ta bay Beteli, iri baraá xuú' ay Atarot-adari gawaá tlom'iidá' naa geetine' baskú Bet-horonír wa ale.

YOSHUA 18:15

Bihhaá basko digmuuín bihhaá Kiriat-yearimu ngina wa tláy iri hardáh Efroni, iri kumiít ay tsinqaá Neftoa.

YOSHUA 9:17

Bál tám múk Israeli tana tláy dír xafay'ín wa alé, tay hardáh ay dír gixsadudaá múk Gibeoni. Gixsaduín a Gibeoni nee Kefira, nee Be'eroti nee Kiriat-yearimu.

1 SAMUELI 13:18

nee slawtá hatlá' ina warqeér amór loohidá' Bet-horonír kaw, nee slawtá hatlá' iri warqeér amór loohidár digimuú xatstá Seboimu amór bartá xaanxaay.