YOSHUA 18:10 - Biblía Axweesantá Hhohho' ar Mungú 2004

¹⁰ Yoshua AAKOÓ MUNGÚ guri yaahaás daanduú tsawdoorihe, yaamu giri ka'amiís dír xoorór Israelírí ale, umuúqo tlahhaywo yaamuuwós gina sláy.

YOSHUA 18:10 Iomraidhean Croise

1 QOM'I 24:5

Baraaine muu bahh'alé an geeraharuusér didá' hhoohhoo', nee kookariya' an geeraharuusér muruú Mungú, baraá guruú doó Eleasariwo nee baraá guruú doó Itamariwo. Gawaá adoorihe inooín kina paraátl ar loohír tsawdo.

NEHEMIA 11:1

Naagáy geeraharuuse baraá gixsár Yerusalemu ngina hootiyé'. Muu sleémeero oo hatlá' tsawdo kana tleéhh baraá umuúqo múk mibaango heé wák kuwa slay oo baraá gixsadá' hhoohhoo' ar Yerusalemu ga hoót. Mukduú hatlá' gwaleél ina meét baraá gixsaduuín.

WARA'AMI 47:4

Inós yaamaá atén ta aalaan ngina tsawaár, yaamaá diihhoo' awa múk Israeli, kudá' aa slaá'.

WARA'AMI 61:5

Mungú, kuúng al'axweesante'eé' aga axás, iga aalirók i hanís, tidá' ta hanmaamis dír kudá' umuuwók ngu ilaiwawa/á'.

AXWEESANOÓ SAGALOOA 18:18

Tsawdo múk ti tlaampa'amiís gu har'ót, kwasleemár waawituú ti tlampa'aamiís gan tsát.

YEREMIA 7:12

Axáy hamí tlawsé' ay dir'eé' tidár baraá Shilo, didá' aáng geeraawo umuueé' ngway qaás, adoodá' didá' ngira hhitiím araak, asma tlakweemaá muk'eé' oo Israeli.

ESEKIELI 47:22

Yaamuuká' in qasmisá' as tawa yaamuuhúng. Hoomaadá' baraá tla/angwhúng hoot nee ar aa laqwal baraá yaamuuhúng wa ale, ki yaamuú i qasisá', qoomár bar yaamaá qasmisá'. Mukwí i harín kuwa adór múk Israeli ar qoomeesi, nee i hariná' yaamu ngiwa tsawdoórí tleehhiya' dinkwa nee múk Israeli.

ESEKIELI 48:29

«Yaamuuká' an yaamaá tlahh'aá múk Israeli sleémeerowo. Baraakae yaamaá hotaaín ki sláy, umuú tlahhoó yaamuuine. Anuú Aakoó MUNGÚ tí aga oó'.»

MIKA 2:5

Gawaá adoorihe kuungá' geeraharuúse, dirhúng i sangw káhh baraá yaamuukae qoomár AAKOÓ MUNGÚ bar yaamuuká' ngaa ki/ís dír mukós i alé.

FAARO 34:16

AAKOÓ MUNGÚ in axweés dír Mose iwa kaahi,

Matayo 27:35

Kikiiaro kuwa hhe'eés, inqwaruuwós kuri qasmiís ar loohír tsawdo.

Yohana 17:2

adoodá' kuúng Garma kura aleesleemuú i hanís daanduú muu sleémeerowo, asma sleémeero kudá' taa dirós i hanís ngiwa slafíngw alhhe'eesay wásl i haniisi.

Tlehhema'aá ya/Abuuse 13:19

Alaá Mungú xoordaá faanqw awa yaamaá Kana'ani ngiwa hhaamiís. Nee yaamaá xoorduudá' giri haniís dír múk Israeli tawa aalir'ín har kureeraá tsiire tsiyáhh nee mibeeraá kooán.

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

Kolosai 1:12

Daqaní kuungá' Baabá kuri sluufmisá' ar qwal/amaaye, kudá' naa aleesleemuú i haniis oo tawa al dinku'uumisa' nee múk hhohhó' oo Mungú baraá aalír waawuti'iimár gwa/aateemaawo.

YOSHUA 14:2

Yaamu kina ka'amiís ar loohír tsawdo, ar adoodá' AAKOÓ MUNGÚ ngira hara'ayín dír Mose, as kiwa ka'amiisi dír tlahh'aá gwaleél nee tlaqi.

YOSHUA 14:5

Xoorór Israeli yaamuudá' giri qasmís ar loohír tsawdo ar adoodá' AAKOÓ MUNGÚ ngira hara'ayín dír Mose.

YOSHUA 18:11

Tsawdór geera tlahhoó Benyamini guna sleér ar harqoomoó uroó tlahhay'ín. Yaamuuwós kina tla/ángwár keés nee yaamaá tlahhoó Yuda nee oo Yosefu.

YOSHUA 18:6

Kuungá' barnaxes yaamu iga qasmisé' baraá ayeemo faánqwí ale, kangwhúng kwisíng ngu hubá' dir'eéní ale. Daqaní aníng tsawdo a tleéhh as kuungá' dír geeraá AAKOÓ MUNGÚ, Munguúrén wa ale.

YOSHUA 18:8

Naagáy mukdá' tari tláy baraá aaii'ín, qoomár tawa tlatlay Yoshua giri male i axweés iri oó', «Tlawsé', yaamuusíng sleémeero tsawtsawsare', daqaní kangwsíng ngu gooiindá' ngur ki/á'. Daqaní aníng tsawdo a tleéhh dír geeraá AAKOÓ MUNGUHE as kuungá' diirír Shílór wa ale.»

YOSHUA 18:9

Hhawaateedá' tari tláy, yaamu sleémeero kiri aldáh tsawtsawumisuuwo, kángw yaamu kuri gooín baraá kitaábu, nee adór kir ka'aasi baraá ayeemo faánqwí ale dinkwa nee gixsaduuine, tari wayaá' amór Yoshua baraá xafayduú Shilo.

YOSHUA 19:51

Adoorí an adór kaahamusmoó Mungú Eleasari nee Yoshua garmoó Nuni nee geeraharuusér tlahh'aá Israeli yaamuudá' ngira ka'amiisiyé' ar loohír tsawdór naa tlehhiitiyé' dír geeraá AAKOÓ MUNGÚ wa ale, dír afkú heémár Mungú, tidár baraá Shilórí dirii'. Gawaá adoorihe yaamu niri hhooayé' ka'amisuwo.

YOSHUA 23:4

Ga/aawaak, aníng yaamu sleémeero awa xoorduudá' naa meetiye' nee kudá' naa tlatlahhaasani nga dirhúngií ka'amaamiís iimír yaaér Yordanír wa tleemu ay Tlawtá Tla/aangw bihhaá /uwaawo.