YOSHUA 18:1 - Biblía Axweesantá Hhohho' ar Mungú 2004

¹ Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.

YOSHUA 18:1 Iomraidhean Croise

2 SAMUELI 7:6

Iimír múk Israeli nguwa baraá yaamaá Misrír wa tuú/ ay laarí aga baraá dó'wa hootiiká. Ana hi'iimiít, umuú diiro hotangw'eé' a baraá heémár Mungú.

1 WAAWITÁ 14:2

Yeroboamu hareerós gari báy, «Ti adór heé hatlá' ilaaqas, tláw baraá gixsár Shilo didá' aarusmo Ahiya aníng iwa báy, ‹Kuúng a waawutmoó múk Israeli.›

1 WAAWITÁ 14:4

Harér Yeroboamu adoodá' gari tléhh, iri tleér ay Shilo, iri hardát doó Ahiya. Qoomaadae Ahiya xumsór kilá' ga aleeslayká, asma ilaawós na boo/ayé'.

1 WAAWITÁ 2:27

Aluuwo Solomon Abiatari guri guús baraá kaahamusi'iimár AAKOÓ MUNGUHE, as kahhó' /aymuudá' AAKOÓ MUNGÚ aa baraá Shiloro wa oó' daanduú doó Eliwo iwa boo/i.

NEHEMIA 9:24

Naagáy xwaylarí nay hardát yaamu ngiwa aaliya', múk yaamuudá' kuri arbaá/. Múk Kana'ani kway gawaá dabaaín i qás dinkwa nee waawitaáine nee múk yaamudae, as adoodá' i slaiya' ngiwa dir'ín i tleehhiya'.

WARA'AMI 78:60

Hotaarirós ar baraá Shilo gari máy, tooaáng xaftós iwa baraá tla/ángw muu.

WARA'AMI 78:66

Wakuuseerós gari muúx, nari guwiyé' alií alé, gari mureekeés ay alhhe'eesay wasle.

YEREMIA 26:6

naagáy aníng do'owí un adór kuduú Shilór wa hhitiím, nee gixsarí an adór gixsár taa lu'ús tleéhh dír xoordu sleémeero awa daanduú yaamuwo.› »

YEREMIA 26:9

Ahaá waáy, masa aariín ar umuú AAKOÓ MUNGÚ tawa kat, ‹Do'owí i adór kuduú Shilo tleehhiit, nee gixsarí i deewa'amérí mét, múk baraaká' wa hoót i kaahh?› » Muu sleémeero Yeremia guri harweér baraá Doó AAKOÓ MUNGÚ wa aleeró.

YEREMIA 41:5

múk mibeeraá dakaát ina hardáh oo yaamaá Shekemúr daáhh, nee Shilo nee Samaria, i ilahhooár mooyángw tsuú' koná' as ngiwa hanmiisiya' baraá Doó AAKOÓ MUNGÚ i aleeró. Daamoduuín nga deeqwiyé'. Inooín tlabaaín naa feehhamamitiyé' nee taa gwehhaahhiné'.

FAARO 32:22

nee yaamu ngiri hayotá', adoorí bara hhe'esé', ni ki/á', asma daqaní hariímarhúng aga hardahasé' dír geeraá AAKOÓ MUNGUHE nee dír múk Israeli kukaá hhaeehúng. Daqaní AAKOÓ MUNGÚ yaamukaá da/aáw hará' Yordaniro ngi haniis tawa koohúng.

Tlehhema'aá ya/Abuuse 7:45

Aluuwo bariiseerén heémarí gari ilaaót dír baabi'ii'ín wa ale. Kari gagaarín qoomár kiwa geeraharahari nee Yoshua. Qoomaadae Mungú múk xoordu guri guús geeraá baabi'iirén wa ale. Baabi'iirén niri dahiyé' baraá yaamuudá', yaamuudá' ngiri hayohiyé'. Heémadá' iri hotaatiín baraá yaamuudá' wa ale ay qoomár Daudi.

YOSHUA 18:2

Baraá xoorór Israeliro tlahh'aá faanqw na meetiyé' awa ta yaamuuíní ka'asiiká.

YOSHUA 18:8

Naagáy mukdá' tari tláy baraá aaii'ín, qoomár tawa tlatlay Yoshua giri male i axweés iri oó', «Tlawsé', yaamuusíng sleémeero tsawtsawsare', daqaní kangwsíng ngu gooiindá' ngur ki/á'. Daqaní aníng tsawdo a tleéhh dír geeraá AAKOÓ MUNGUHE as kuungá' diirír Shílór wa ale.»

YOSHUA 19:51

Adoorí an adór kaahamusmoó Mungú Eleasari nee Yoshua garmoó Nuni nee geeraharuusér tlahh'aá Israeli yaamuudá' ngira ka'amiisiyé' ar loohír tsawdór naa tlehhiitiyé' dír geeraá AAKOÓ MUNGÚ wa ale, dír afkú heémár Mungú, tidár baraá Shilórí dirii'. Gawaá adoorihe yaamu niri hhooayé' ka'amisuwo.

YOSHUA 21:2

niri ooiyé', «AAKOÓ MUNGÚ Mose guna hara'ayín atén tiwa gixsadúwí haniisi awa ta hootaan nee tlaaqaandoó tawa de'eemana.»

YOSHUA 22:12

Kaangwí kuwa axaás, xoorór Israeli iri burumburít Shílórí ale as tawa slaqwarár ay amór tlahhi'iidaá gayuú da/aáw.

YOSHUA 22:19

Ala bar baraá ayaahunge dabaá tlakw i dayá', Mungú kuwa ilahhooárí hanmisa' baraá ayaahúng wa ale bir ya/aandaaká, qwalaasaré' gayuú ayaarén i waaraahhare' amoorí heémár AAKOÓ MUNGÚ i diri', nee aalirhúng baraá tla/angwrén tiwa sleere'. Ala AAKOÓ MUNGÚ mu siaara' nee atene as kitángw hatlá' oo ilahhooa kuwa tlehhtuú eera' ta kuduú AAKOÓ MUNGÚ, Munguúrén.

YOSHUA 22:9

Naagáy múk tlahh'aá Reubeni nee oo Gadiwo nee tlaqtadár tlahhoó Manasewo tari paraatliyé' nee tlahh'aá hatlá' awa Israeli dír Shílór wa ale baraá Kana'ani. Tari waátl ay ayaaín kudá' Mose aa dir'íní haniís oo Gileadi, tawa aalir'ín ar adoodá' AAKOÓ MUNGÚ Mose ngura hara'ayín.

HAR'OHUUSE 18:31

Múk tlahhoó Dani murslaaqatuduú Mika aa daákw guri parootuús nguri sihhtisiyé', de'emaadá' sleémeero Doó MUNGÚ iwa baraá Shilórí dirii'i.

HAR'OHUUSE 21:12

Inooín baraá xooroodae dasuú nee hhawaate taa alqatiiká kway sláy oo tsiire tsiyáhh. Dasuuwí kunguri huúw ay Shilo tidár baraá yaamaá Kana'ani.

HAR'OHUUSE 21:19

Niri inslawiné', adór deelodá' ur ar AAKOÓ MUNGÚ tidár Shilór wa tleehharumamiit umuú kurko nira naká/, gixsadá' bihhaá /iya awa Beteli. Gixsadá' i bihhaá da/aáw awa loohidá' ur ar naa Betelír wa tleer ay Shekemu, bihhaá basa awa Lebona.

1 SAMUELI 1:24

Inós iwa /oomés, na/aydá' guna húp dinkwa nee awér tám ar afiqoomár kureeraá tám, nee qwaree/amoó wák oo puurú, nee tlakoó kaahari oo difaaír koóm, muruuwí guri húp ay dír doó AAKOÓ MUNGÚ baraá Shilo. Nee na/aydá' a na/oó niiná.

1 SAMUELI 1:3

Elkana umuúqo kurko in waatlatláy ay Shilo, as ilahhooár muruú ta tsu/i ngiwa hanmisuú aa'ay dír AAKOÓ MUNGÚ Aleesleemusmo. Didár Shiloro daaqoó tsár oo Eli i deer, umer'ín a Hofni nee Finehasi, inooín a kaahamuusér AAKOÓ MUNGÚ ar baraá Shilo.