YOSHUA 17:7 - Biblía Axweesantá Hhohho' ar Mungú 2004

⁷ Yaamaá taa ka'aás dír tlahhoó Manase digmuuín dír iwa iimu/ún a Asheri ay Mikmetati, bihhaá da/aáw awa Shekemu gina ar óh, iri kumiít báskwí ale ay yaamaá ta hooti nee múk En-tapua.

YOSHUA 17:7 Iomraidhean Croise

IIMU/UUNGW 34:2

Shekemu garmoó Hamori, oo múk Hifi, heé úr oo yaamuudá', Dina ngiwa ár, gari óh ar /uuru, tari alqaát nee inós, gari dasu'uuma hhitín.

IIMU/UUNGW 37:12

Looarka wake hha'aá Yosefu bee/ángw baabuúín nguna de'éngw ayé' iisaapoó yaamaá Shekemií alé.

IIMU/UUNGW 37:14

Guri báy, «Tláw, saayuú hhaeewók leehhang, xáy, ki amohhoóe, nee bee/aangw sleeme ku amohhoóe? Saayuúsíng ngu húp.» Baabuúwós guri ya/aáw iimír baraá xatstá Hebronír wa alé, iri hardáh yaamaá Shekemu.

1 WAAWITÁ 12:1

Naagáy Rehoboamu iri tláy baraá yaamaá Shekemu, amoodá' múk Israeli sleémeero i burumburiít as inós kuwa waawutmoó wa qaasi.

1 WAAWITÁ 12:25

Aluuwo waawutmo Yeroboamu gixsár Shekemu tidár gawaá tlom'aá yaamaá Efraimu gana malé tleéhh, iri didá' wa hoót. Sleeme iri male tláy gixsár Penueli gari male tleehhamór áy.

1 QOM'I 6:67

Gixsadaá taa dir'ín i haniís awa ta i gogoowi a kuká': Shekemu nee qawtantose, tidá' baraá yaamaá Efraimu i diirii', nee Geseri nee qawtantose,

WARA'AMI 60:6

Mungú ina axweés dirós tidá' hhoohhoó' wa ale, iri oó', «Shekemu a qasiís ar qwala/, xatstá Sukoti ngari qoomeés qasiisaro.

YOSHUA 17:6

Asma dasuú dooín kuna aalír yaamií haniís adór daaqáy wa ale, ala Gileadi kana ka'aás dír daaqoó Manase oo aa meet.

YOSHUA 17:8

Yaamaá Tapua Manase gina óh, ala gixsár Tapua tidár digma ira óh kana aál nee xwaylár Efraimu.

YOSHUA 20:7

Gawaá adoorihe xoorór Israeli gixsár Kedeshi gari tsawát, tidár baraá Galiláyárí dirii' gawaá tlom'aá Naftali, ar hatlá' a Shekemu tidár baraá tlom'aá Efraimu nee Kiriat-arba, umuuwós oo hatlá' a Hebroni, tidár baraá tlom'aá Yudií dirii'.

YOSHUA 21:21

Gixsár Shekemu, tidá' aáng taa tsawaár tawa gixsár heé aa tsu/uut i gowi, kana haniís dinkwa nee qawtantós tidár gawaá tlom'aá Efraímuwí diriia, nee gixsár Geseri dinkwa nee qawtantose,

YOSHUA 24:1

Aluudae Yoshua xoorór Israeli gari ateét baraá yaamaá Shekémúrí ale, dinkwa nee bariiser'ine nee geeraharuuser'ine nee har'ohuuser'ine nee múk urén oo Israeliwo. Nari hardihiyé' dír geeraá Mungú.

YOSHUA 24:32

Fadaá slaqwtá Yosefu, kudá' aáng tinda huúw nee xoorór Israeli iimír yaamaá Misrír wa ale, kiri foól yaamaá Shekemu, dír yaamuudá' Yakobo aa tlaáxw dír daaqoó Hamórí wa ale baabuú Shekemu, ar parhheemaá muqslír peésa awa tsiiruú wák. Yaamuuká' aluuwo tari aalír xwaylár Yosefu.

HAR'OHUUSE 9:1

Abimeleki garmoó Gideoni iri tláy Shekemu amór hha'aá aayoorós, iri axweés dir'ínií alé, nee dír múk doó taatoó aayoorós sleémeero, giri báy,