YOSHUA 17:14 - Biblía Axweesantá Hhohho' ar Mungú 2004

¹⁴ Múk tlahhoó Yosefu iri amór Yoshua káy kuri báy, «Ahaá asma waáy, ateéká' taa tsuúq nee AAKOÓ MUNGÚ tari adoorír tlahhaan, mista dír wákií ka'aás?»

YOSHUA 17:14 Iomraidhean Croise

IIMU/UUNGW 48:19

Baabuúwós iri sií', guri báy, «Garmaaeé', aníng a xuú', inós sleeme a xooro, nee sleeme ku úr. Ala hhiyaawós kwí niiná ku ak úr ta inose, nee xwaylarós in xoorór yaariir tleehhít.»

IIMU/UUNGW 48:20

Giri tsuúq baalaadae, giri báy, «Baraá kuungae, xoorór Israeli ti tsuuqaá i hanmiisiyá', tawa kaahi, ‹Mungú u adór Efraimu nee Manase tleehhi.› » Efraimu gway geeraá Manase qaás.

IIMU/UUNGW 48:22

Aníng kuúng ugwa gurií baá/ ta hhaeewoge, xatstadá' hhoo' ar gwe'edaá tlooma ngaa haniís, tidá' naa hayóh dír múk Amori wa alé, ar paángar'eé' nee maheeri.»

ESEKIELI 48:5

Yaamuudá' ti hará' nee yaamaá Manase iimír bihhaá da/aáw wa tleemu ay bihhaá /uwa. Yaamuuká' awa tlahhoó Efraimu.

FAARO 13:7

Baraá tlahhoó Isakariwo a Igali garmoó Yosefu.

FAARO 26:54

Tlahhaydá' úr dir'ine, yaamuuín awa ur ki hanís, nee tlahhaydá' niiná dir'ine yaamuuín awa niina ki hanís. Umuúqo tlahhaywo yaamuuín awa ta aali kin haniis kiri alqoomees nee faarór muk'ín.

FAARO 36:12

Inooín kina duxuút baraá guruú tlahhoó doó Manase garmoó Yosefu, nee aalir'ín aqo baraá guruú tlahhoó doó baabuúín.

YOSHUA 16:4

Xwaylár Yosefu gídaabá tlahhoó Manase nee oo Efraimuwo, kina yaamuuká' i haniís as kiwa aali.

YOSHUA 17:15

Yoshua giri báy, «Bar kuungá' aga tlahhé' adoosír ale, tam tlom'iqaá yaamaá Efraimu nu buiaaká, ala tlawsé' darmuuqá' xoorór Perisi i diri' nee ar Refairo haradahaak, gweehhuusaak, daqaní ta gawaaqií i tleehhitá'.»