YOSHUA 16:10 - Biblía Axweesantá Hhohho' ar Mungú 2004

¹⁰ Ala tlahhoó Efraimu xoorór Kana'ani tidár baraá Geserír wa hoot nga guusi'iiká, ala nina hootiyé' baraá tla/ángw tlahhoó Efraimu wa ale ay laarí. Ala xoorór Kana'ani kana lawaaler'ín tleéhh, kina gadiyér gawídií sláy, ar tawa bihhií noongo'ootiiká.

YOSHUA 16:10 Iomraidhean Croise

1 WAAWITÁ 9:15

Gaarí an gár waawutmo Solomon muu ngusa /uurutamís baraá gadiyér tlehhnuú doó Mungú, nee do'ós oo kilá', nee koo/ír gawit ar Milo, nee koo/ír Yerusalemu nee gixsár Hasori kawa /abeesi, nee Megido nee Geseriro.

1 WAAWITÁ 9:16

Farao, waawutmoó Misri iri haratláy, Geseri gana hayóh, gana daá/ ar asla, múk Kana'ani kudá' baraadá' hoót guna tsuú/, dasiirós tidá' Solomon aa duúx gana gixsarí haniís.

1 WAAWITÁ 9:21

na/ii'ín kudá' naa meetiye' aluuine baraá yaamií alé, kudá' taa hhaamisiiká nee múk Israeli, Solomon gina lawaale tleéhh ar gadiyér tawa nongo'otiiká ay laarí.

2 QOM'I 8:8

sleeme baraá tla/ángw xwaylar'ine múk taa hhaamiisiiká nee múk Israeli i deer, Solomon gina /uurutís baraá gadiyér tawa bihhií noongo'ootiiká. Tam ay laarí adoorí kan /imamiis.

YOSHUA 10:33

Waawutmo Horamu kudaáduú gixsár Geseri, inós múk Lakishi guna alee/iisár áy, ala Yoshua nee slaqwaruuseerós waawutmo Horamu nee slaqwaruuseerose kiri tsuú/. Tam heé wák oo aa meet i kaahh.

YOSHUA 15:63

Ala múk Yuda múk Yebusi ngwa aleeslay'iiká tlatlahhasaro. Mukuú Yebusi aáng an yaamuloouusér Yerusalemu. Ala tam ay laarí mukuú Yebusi nee múk Yuda tan alhoot.

YOSHUA 16:9

Slám gixsadaá hatlá' nee ayeemaá bihheedií tsewen awa taa ka'aás amór tlahhoó Efraimu i dayá' baraá yaamaá Manasewo.

YOSHUA 17:12

Ala tlahhoó Manase yaamuloouusér baraadá' nga aleeslay'iiká guusaro. Asma xoorór Kana'ani ina gawduúr iwa baraadá' wa hot.

YOSHUA 17:13

Ala qoomár xoorór Israeli /uuru nguwa sleér, xoordaá Kana'ani kina sagesihhiít baraá gadiyedaá iwa bihhií noongo'otiiaaká, ala nga guusi'iiká baraá ayaadae.

HAR'OHUUSE 1:29

Tlahhoó Efraimu múk Kana'ani, kudá' baraá yaamaá Geserír hoót ngwa guusi'iiká, ala múk Kana'ani kuduú baraá Geseri nee inooín tana alhoót.