YOSHUA 15:47 - Biblía Axweesantá Hhohho' ar Mungú 2004

⁴⁷ Awa hatlá' a Ashdodi nee Gasa dinkwa nee gixsadu nee ayeemoowose ay yaaér Misri ay afaá Tlawtá Tla/aangw.

YOSHUA 15:47 Iomraidhean Croise

1 WAAWITÁ 5:4

Ala laarí AAKOÓ MUNGÚ, Munguúeé' iga waydií haniís, umuúqo bihhiiwo wakusmo i kaahh, laqaá gár tlaakw ar aa tleehharut.

2 WAAWITÁ 18:8

Inós múk Filisti slaqwaraaro guna baál nee guri haraadáh baraá gixsaduín iimír Gasa ay ayeemaá inslawaydá', iimír iimu/úngw /Aampaá xuuma ay gixsadaá taa tleéhh ar koo/ír gawit.

2 QOM'I 26:6

Waawutmo Usia tari slaáqw nee múk Filisti. Inós koo/ír gixsár Gati, nee Yabne, nee Ashdodi giri feé/. Gixsadaá hatlá' giri tleéhh baraá yaamaá Ashdodi nee baraá yaamudaá hatlá' naa meetiye' awa Filisti.

TI'INAANGW 23:31

Digmuú yaamuuhúng a iimír tlawtá Shamúr wa tleemu ay tlawtá Mediteranea, iimír xaanxáy wa tleemu ay yaaér Eufrate. Asma yaamuloouusér yaamuuká' ngi gawaá dabaahúng i qaás nee kuungá' kiri tlatlahhasá'.

YEREMIA 47:1

Kaangwí an axweesantá AAKOÓ MUNGÚ tidá' aarusmo Yeremia aa axaás daanduú múk Filistiwo, dír Farao gixsár Gasa ngiwa i haraatlayká.

YEREMIA 47:5

Múk Gasa se'engw'ín ku deeqw asma tawa tsuunqumisi. Gixsár Ashkeloni kaa qwaareés. Xáy kuungaásingá' aga mete' baraá xatstá ayaaín, ay xaylá ti kiloohúng siiqaaqita' as gurhaami?

SEFANIA 2:4

Asma gixsár Gasa ka geexáy, nee Ashkeloni kan deewa'ameérií geexáy, múk Ashdodi kun tlaatla/ángw loohatis, nee Ekroni kan dee/aáruú al tuu/.

Tlehhema'aá ya/Abuuse 8:26

Malaykamoó Aako iri axweés dír Filipo, iri oó', «Sihhiít tláw bihhaá basa, ay amór loohidá' naa Yerusalémúr wa tleer ay Gasa.» Loohidá' a loohír xaanxaay.

DABE 2:23

Múk Afi aáng ina hoót dír yaamudaá bihhaá Tlawtá Tla/aangw ay Gasa. Múk Kaftori kudá' yaamaá Kaftorír daáhh mukduú Afi kuri hhaamiís, inooín tari baraá yaamuudá' i hotaá áy.

YOSHUA 11:22

Hee tumu wák oo tlahhoó Anaki oo aa meet baraá yaamaá Israeli i kaahh, awa niinár tawo dír ni meetiyé' a amór Gasa, nee Gati nee Ashdodi.

YOSHUA 13:3

iimír yaaér Shihorír wa oohang ay bihhaá da/aáw awa Misri ay digmuú Ekroni bihhaá /iiko, gaarí an yaamuudá' sleémeero ta babay awa xoorór Kana'áni. Waawituú Filisti a kooán, ayeemooín a kuká': Gasa nee Ashdodi, nee Ashkeloni, nee Gati, nee Ekroni nee yaamaá múk Afi,

YOSHUA 15:4

Iwa Karkár wa tláy digma ina waaraáhh Asmoni, iri dáh yaaér Misri, yaaeedá' gari kón iri ti'iít baraá tlawtadá' ur ar Mediteranea. Wa/ángw digmuú tlahhoó Yuda basko ira uhín an kwí.

YOSHUA 15:46

Gixsadu sleémeero nee ayeemowo kudaá inslaawoó Ashdodírí diriiá', iimír Ekronír wa tleemu ay tlawi.

YOSHUA 15:48

Gixsadaá gawaá ayeemaá gongoamaá koomá' a Shamiri nee Yatiri, nee Soko,