YOSHUA 15:11 - Biblía Axweesantá Hhohho' ar Mungú 2004

¹¹ Diirihe iri /iikú xuú', gongoamaadá' Ekroniro bihhaá /iya gina ar óh, iri harweerín ay Shikroni, iri waaraáhh ar bihhaá tloomár Ba'ala, iri ti'iít ay Yabne'eli, iri hardáh ay tlawtidár Mediteranea.

YOSHUA 15:11 Iomraidhean Croise

2 WAAWITÁ 1:16

Eliya waawutmo guri báy, «AAKOÓ MUNGÚ i kaahi, ‹Gár muu kusa ya/áp amór Ba'alsebubu, munguú gixsár Ekroni, a Mungú in káhhi baraá yaamaá Israeliro, kuúng a awedká gawaá qatanisinge, looeemaawo kuúng a gwá'.› »

2 WAAWITÁ 1:6

Inooín tari oó', «Atén tina doogaán nee heeko tiri báy, ‹Ki/é' amór waawutmoohúng, kudá' kuungá' naa ya/aaw, ku beera', AAKOÓ MUNGÚ i kaahi, ahaá waáy gár muu kusa ya/áp amór Ba'alsebubu, munguú gixsár Ekroni? Asma Mungú in káhhi baraá yaamaá Israeliro? Gám a awedká gawaá qatanisíng ti qati, looeemawo kuúng a gwá'.› »

2 QOM'I 26:6

Waawutmo Usia tari slaáqw nee múk Filisti. Inós koo/ír gixsár Gati, nee Yabne, nee Ashdodi giri feé/. Gixsadaá hatlá' giri tleéhh baraá yaamaá Ashdodi nee baraá yaamudaá hatlá' naa meetiye' awa Filisti.

FAARO 34:6

«Digmuuhúng oo bihhaá /uwa a Tlawtá Tla/aangw, gaarí an digmuuhúng bihhaá /uwaawo.

YOSHUA 15:10

Diirihe digmuuín iri /uwaá xuú' ay Seiri, bihhaá /iya awa tloomár Yerimu gina ar óh, umuuwós oo hatlá' a Kesaloni. Iri /ee/etín ay Bet-shemeshi, iri waaraáhh ar bihhaá Timna.

YOSHUA 15:12

Bihhaá /uwawo digmuuín a Tlawtá Tla/aangw. Gaarí an wa/aamér digmuú yaamaá ta tlahhoó Yudawí haniís ar harqoomoó tlahhay'ín.

YOSHUA 15:45

Ekroni sleeme kana haniís dinkwa nee gixsaduuwose nee ayeemowo.

YOSHUA 15:9

Iri gawaá tloomár xuú' ay dahhsantá ma'aá Neftoa, iri didá' wa tláy gawaá tloomár Efroni. Digma didae iri Ba'álár xuú', umuuwós oo hatlá' a Kiriat-yearimu.

HAR'OHUUSE 1:18

Dinkwa nee tihe tlahhoó Yuda gixsár Gasa gari hayóh nee ayeemowose, nee gixsár Ashkeloni nee ayeemowose, nee gixsár Ekroni nee ayeemowose.

1 SAMUELI 17:52

Múk Israeli nee oo Yudawo, tsimahhiro yaamu kiri gaamiís, múk Filisti kuri almaahhaát ay Gati, ay afkú gixsár Ekroni. Múk Filisti oo ta tlaaqaaqán baraá slaqwara wa ale, lohu gina tsataát, iimír Sha'arimu ay Gati nee Ekroni.

1 SAMUELI 5:10

Sandakmoó Mungú kuri huúw ay Ekroni. Aluuwo sandakmooduú Mungú iwa hardáh Ekroni, mukduú Ekroni tsimahhiro yaamu gina gaamiís, tawa kaahi, «Sandakmooduú Munguú múk Israeli kungwa ayaarén i huúw. Atén nee mukrene ti xooro qwaarees.»

1 SAMUELI 5:8

Naagáy muu kuri ya/aáw, geeraharuusér mukduú Filisti kingiri burumbuúr, tari oó', «Xaysé'! Xoóro, sandakmoowuú alqadór Munguú múk Israeli adór ku laqaan?» Inooín tari oó', «Sandakmoowuú Munguú múk Israeli loohatisaak ay yaamaá Gati.» Sandakmoó alqadór Munguú múk Israeli kuri loohatís ay Gati.

1 SAMUELI 7:14

Gixsaduudá' múk Filisti aa hayóh dír múk Israeli wa alé, kiri ki/ís dír múk Israeli sleeme, iimír Ekronír wa tleemu ay Gati, nee múk Israeli yaamuuín kiri tuú/ gawaá dabaá xoorór Filistiro, ilaá múk Israeli nee múk Amori nay hhooayé'.