YOSHUA 14:15 - Biblía Axweesantá Hhohho' ar Mungú 2004

¹⁵ Umuú yaamaá gixsár Hebroni bál geeraawo a kun babay Kiriat-arba. Heewí ta bay Arba ku ló'wa iiatleér ta múk hatlá' sleémeero oo Anakiro. Yaamu sleémeero niri amohhoouyé' asma slaqwara i káhh.

YOSHUA 14:15 Iomraidhean Croise

IIMU/UUNGW 23:2

Sara iri gwá' baraá gixsár Kiriat-arba, tidá' ta bay Hebroni, ar baraá yaamaá Kana'ani. Abrahamu ina /aa/amín, iri tsuunqumiís as gwa'arár hareerós Sara.

IIMU/UUNGW 35:27

Yakobo iri hardáh amór baabuúwós Isaka, baraá yaamaá Mamre, gixsár Kiriat-arba, tida' ta bay Hebroni, iri amoodá' wa hoót, yaamuudá' Abrahamu nee Isaka naa hootiyé' ar dah'iima.

IIMU/UUNGW 37:14

Guri báy, «Tláw, saayuú hhaeewók leehhang, xáy, ki amohhoóe, nee bee/aangw sleeme ku amohhoóe? Saayuúsíng ngu húp.» Baabuúwós guri ya/aáw iimír baraá xatstá Hebronír wa alé, iri hardáh yaamaá Shekemu.

1 QOM'I 6:4

Eleasari ina laqwaál Finehasi, nee Finehasi ina laqwaál Abishua,

NEHEMIA 11:25

Muu bahh'alé ina hoót baraá gixsaduuín wa aleeró bihhaá qamuuín. Múk Yuda bahh'ale Kiriat-arba gana hoót nee amór Diboni nee Yekabse'eli dinkwa nee ayeemooín kudá' ngaa harwerii'i.

YOSHUA 11:23

Yoshua yaamu sleémeero gina hayóh, ar adoodá' AAKOÓ MUNGÚ aa oó' dír Mose. Inós yaamu gay qasiís dír tlahh'aá Israeli, nee umuúqo tlahhaywo guna dirósí sláy. Múk Israeli iri hoót ar wayda.

YOSHUA 14:14

Gawaá adoorihe yaamaá Hebroni Kalebu, garmoó Yefune, heé guruú doó Kenisi giri óh, ay laarí a kooín, asma Kalebu AAKOÓ MUNGÚ Munguú múk Israeli guna ilaiwawaá/ ar inkihhimu.

YOSHUA 15:13

Aluuwo Kalebu, garmoó Yefune, kuna yaamaá Kiriat-arba i ka'aás baraá tla/ángw yaamaá tlahhoó Yuda wa ale, ar adoodá' Yoshua kura ádbáy nee AAKOÓ MUNGÚ. Gixsarí ta bay Kiriat-arba gana aál. Arba baabuú Anaki baraá gixsarí gana hoót. Laarí gixsarí kan babay Hebroni.

YOSHUA 21:11

Gixsadaá taa haniís a Kiriat-arba, tidá' ta babay Hebroni (Arbawí an baabuú Anaki). Gixsarí i baraá yaamaá Yuda. Kana haniís dinkwa nee qawtantadá' gixsadá' gaa harwedi.

YOSHUA 21:12

Ala qamaá gixsadá' nee awa yaamuudaá inslaawoó gixsaaro kaa qaroó haniís dír Kalebu garmoó Yefune tawa aalirós.

HAR'OHUUSE 1:20

Naagáy Kalebu kuri Hebroni i haniís ar adoodá' Mose ngira oó', inós tlahh'aá tám awa Anaki giri tlatlahhaás.

HAR'OHUUSE 3:11

Yaamu wayda nguri slayé' ar har afiqoomár kureeraá mibeeri tsiyahhe. Aluuwo Otnieli garmoó Kenasi iri gwaá'.

HAR'OHUUSE 3:30

Naagáy múk Moabu kuri baál nee xoorór Israeli, har kureeraá mibeeri dakaate, yaamu niri amohhoouyé'.

HAR'OHUUSE 5:31

«Aá AAKOÓ MUNGÚ, wakuuseerók sleémeero i hhaan. Ala mulqeerók masók i gwa/át adór tsee/amá qoomár bindi tsirariihh.» Yaamu wayda nguri slayé' har afiqoomár kureerí mibeeri tsiyahhe.

HAR'OHUUSE 8:28

Naagáy múk Midiani kuri ló'wa arbaá/, tam múk Israeli ngwaa baloó dae tsati'iiká. Yaamaá Israeli wayda ngway slayé' ar afiqoomár kureeri mibeeri tsiyáhh de'emaá Gideoniwo.

1 SAMUELI 30:31

nee oo múk Hebroni, Daudi mukdá' sleémeero oo baraá gixsaduudá' inós nee mukós tawa hi'iimiít guna qáy sleémeero.