YOSHUA 14:1 - Biblía Axweesantá Hhohho' ar Mungú 2004

¹ Xoorór Israeli yaamaá kay ka'amiís baraá Kana'aniro an kuká': Múk gaa ka'amiis a kaahamusmoó Mungú Eleasari nee Yoshua garmoó Nuni, baraá ka'amisuuwo tina alee/imisiyé' nee bariisér uren ar tlahh'aá xoorór Israeli.

YOSHUA 14:1 Iomraidhean Croise

ESRA 7:5

garmoó Abishua, garmoó Finehasi garmoó Eleasari, garmoó Aroni kaahamusmoó úr oo Mungú.

ESEKIELI 45:1

Qoomár bar yaamaá qasimisá' ar tsawdo, as umuú tlahhaywo dirós ngiwa slay, dír wák baraá yaamuwo masók aqo in mét as AAKOÓ MUNGÚ. Tlenaangós a kilomiíta mibaá nee tsár nee tlaqi, nee bihheerós kilomiíta mibaangw. Daqaní yaamuuká' sleémeero ki hhoohhoo'.

FAARO 34:13

Naagáy Mose múk Israeli guri i axweés, guri báy, «Gaarí an yaamuudá' ta ala' ar tsawdo, yaamuuká' an kudá' AAKOÓ MUNGÚ aa oó' ngiwa haniisi dír tlahhi'iidá' gwaleél nee tlaqi.

FAARO 34:16

AAKOÓ MUNGÚ in axweés dír Mose iwa kaahi,

Tlehhema'aá ya/Abuuse 13:19

Alaá Mungú xoordaá faanqw awa yaamaá Kana'ani ngiwa hhaamiís. Nee yaamaá xoorduudá' giri haniís dír múk Israeli tawa aalir'ín har kureeraá tsiire tsiyáhh nee mibeeraá kooán.

DABE 12:10

Ala qoomár yaaér Yordani barnaxes aga waarahhé', nee tari hotá' baraá yaamaá AAKOÓ MUNGÚ, Munguúhúng, i kuungá' i haniisi, nee qoomár burna hungu/uús, kuungá' mutunduwa dawitamiís nee wakuuserhúng sleémeero, tidá' kuungá' naa harwet, as kuungá' tawa hota' ar amohhooa,

YOSHUA 13:6

Yaamuudá' sleémeero awa tlom'idaá baraá tla/ángw Lebanoni ay Misrefot-maimu awa xoorór Sidoni. Mukwí sleémeero aníng u guús tawa ti'iiti ar adoodá' xoorór Israeli ir doogigiinda. Kuúng yaamu ki qasmís dír xoorór Israeli ar loohír tsawdo as ngiwa aaliya' ar adoodá' án kuúng ugwa báw.

YOSHUA 19:51

Adoorí an adór kaahamusmoó Mungú Eleasari nee Yoshua garmoó Nuni nee geeraharuusér tlahh'aá Israeli yaamuudá' ngira ka'amiisiyé' ar loohír tsawdór naa tlehhiitiyé' dír geeraá AAKOÓ MUNGÚ wa ale, dír afkú heémár Mungú, tidár baraá Shilórí dirii'. Gawaá adoorihe yaamu niri hhooayé' ka'amisuwo.

YOSHUA 21:1

Geeraharuusér múk tlahhoó Laáwi iri Shilór keér baraá yaamaá Kana'ani amór kaahamusmoó Mungú Eleasari nee Yoshua nee geeraharuusér uren ar tlahh'aá xoorór Israeli,