YOSHUA 13:9 - Biblía Axweesantá Hhohho' ar Mungú 2004

⁹ Yaamuuín a iimír Aroeri ngina wa tlayá', tidár bihhaá duxuú Arnoni ay gixsadá' baraá tla/ángw xátstí dirii', tam xatstadá' sleémeero iimír Medebár wa oohang ay Diboni.

YOSHUA 13:9 Iomraidhean Croise

2 SAMUELI 24:5

Yaaér Yordani kana waaraáhh, muu faaroro kuri iimu/ún iimír Aroerír wa ale, nee iimír yaaeedár baraá xatstá Gádír xu', ay yaamaá Yaseri.

1 QOM'I 19:7

Inooín gaardaá kume mibeeri tám nee tsár awa slaqwara ngina leehhiyé', waawutmoó Ma'aka nee slaqwaruuseerose xafay ngway tleehhiyé' iisapoó Medeba. Múk Amoni tiri burumbúr baraá gixsaduine, tay amohhe'eesiyé' slaqwaraaro.

NEHEMIA 11:25

Muu bahh'alé ina hoót baraá gixsaduuín wa aleeró bihhaá qamuuín. Múk Yuda bahh'ale Kiriat-arba gana hoót nee amór Diboni nee Yekabse'eli dinkwa nee ayeemooín kudá' ngaa harwerii'i.

ISAYA 15:2

Múk gixsár Giboni ta gáwtí tsa/aa/án, amór wa/aamér tawa sluufmaamisi as tawa tsuunqumisuú ay. Múk Moabu ta tsuunqumiis as múk Nebu nee Medeba. Sleémeero sager'ín ngaa deeqwiyé', daamoó kaa deequút sleémeero.

YEREMIA 48:18

Kuungá' yaamuloouusér Diboni, aweeraré' gawaá xirfuuhúng kwisinge, nee ta iwitá' bará yaamaá kaahaar! Asma kudá' Moabu ga hhaamiís naa hardáh as ngiwa i haraatlay. Koo/irhúng tidá' gawit gaa hhitín.

YEREMIA 48:22

nee Diboni, nee Nebo, nee Bet-diblataimu,

YEREMIA 48:8

Tsu/utusmo i waaraahh baraá umuú gixsaro, gixsár ta dakuusi i káhh. Umuú gaaro ar baraá xatsa kan qwaarees, nee yaamaá iintlaaxw kin hhitín, adoodá' AAKOÓ MUNGÚ ngira ooi.

FAARO 21:30

Ala Hamí daxta xwaylar'ín kaa hhaamiís, iimír Heshbonír wa tleemu ay Diboni, iimír Nashimúr wa tleemu ay Nofa, isaapoó Medeba.»

DABE 2:36

Iimír gixsár Aroerír wa tleemu, tidá' gawaá gangeefír yaaér Arnonír i dirii', nee gixsadá' baraá tlapár i dirii', ay yaamaá Gileadiwo, gixsár taa harslaaqataán hayooharo tam ar wák i káhh. AAKOÓ MUNGÚ Munguúrén gixsaduuká' sleémeero ngina haniís gawaá dabaarén i ale.

DABE 3:12

«Qoomár yaamuudá' kiwa hayohaán, ina haniís dír tlahhoó Reubeni nee oo Gadi yaamuudaá bihhaá /iikuú wa tlawá' awa Aroeri isaapoó yaaér Arnoni nee tlaqtá yaamaá tlom'i awa Gileadi dinkwa nee gixsaduuwose.

DABE 3:16

nee múk hhay Reubeni nee Gadi ina yaamu sleémeero awa amór Gileadi ay yaaér Arnonír i haniís, digmuuín bihhaá basko a tla/ángw yaae. Nee bihhaá /iiko a yaaér Yaboki tidár digmuú xoorór Amoni.

YOSHUA 12:2

Waawutmoó geera a Sihoni kuduú múk Amori, kudaádá' baraá gixsár Heshboni gaa hoot. Inós ina waawuti'ín iimír gixsár Aroerír wa alé, tidár baraá xatstá Arnoni, ay amór yaaér Yaboki, tidá' digmuú yaamaá Amoni, waawuti'iimarós iri hardát ay tla/auhuú yaamaá Gileadi.

YOSHUA 13:10

Gixsadu sleémeero awa Sihoni waawutmoó xoorór Amori, kudá' aa waawuti'in iimír Heshbonír wá ale ay digmuú xoorór Amori.

YOSHUA 13:16

Yaamuudá' nina iimír Aroerír wa tlayé' ay afaá duxuú Arnoni nee gixsár baraá tla/ángw xatsa ay xatsoodaá Medeba sleémeero,

YOSHUA 13:8

Tlahhoó Reubeni nee oo Gadiwo nee tlaqtá hatlá' ar tlahhoó Manase yaamuuín awa aali kaa sláy, yaaér Yordaniro bihhaá da/aáw wá ale, ar adoodá' AAKOÓ MUNGÚ ngira oó' dír sagadiyusmoowós Mose.