YOSHUA 13:4 - Biblía Axweesantá Hhohho' ar Mungú 2004

⁴ bihhaá basko. Yaamaá múk Kana'ani sleémeero faakare' iimír Meara tidá' múk Sidoni, ay Afeki ta hardatá' ay digmuú xoorór Amori.

YOSHUA 13:4 Iomraidhean Croise

1 WAAWITÁ 20:26

Ala qoomár tsaaqwa waawutmo Ben-hadadi mukós guna burumbuúr, tari tláy ay gixsár Afeki as tawa slaqwi nee múk Israeli.

1 WAAWITÁ 20:30

Kudá' naa meetiye' niri /akumitiyé' baraá gixsár Afeki. Didár gixsár Afekiro kiri i huuhu'ún nee koo/i, slaqwaruusér kume mibeeri tsár nee faanqw kari tsuú/. Ben-hadadi iri ta'aaín iri nahhaát baraá qul/irka ar baraá gixsadá'.

ESEKIELI 16:3

Gám baweek, Anuú Aakoó MUNGÚ gixsár Yerusalemu a babaw, Iimu/uungo kiíng dír ti laqwaál a baraá yaamaá Kana'ani. Baabuúwók a heé xoorór Amori, nee aayoorók a dasír xoorór Hiti.

AMOS 2:10

Aníng kuungá' nuna duúx baraá yaamaá Misrír wa ale, nuri geerahaár baraá xaanxaywo har qoomár kureeri mibeeri tsiyáhh, nuri dahaás baraá yaamaá múk Amori as kiwa ala'.

YOSHUA 10:40

Gawaá adoorihe Yoshua yaamu sleémeero giri hayóh, yaamaá tlom'i, nee awa Negebu, nee awa xatsoowo, nee geetawér tlom'iiwo. Waawitaáín sleémeero guna baál, tam oo wák gwaa meetisiiká. Muruú slaáf sleémeero guna hhaamiís ar adoodá' AAKOÓ MUNGÚ, Munguú Israeli ngira oó'.

YOSHUA 11:3

Inós sleeme afo gari ya/aáw amór waawituú Kana'ani, kuduú bihhe tsaraawo, da/aáw nee /uwaawo, oo Amori, nee oo amór múk Hiti, nee oo múk Perisi nee oo múk Yebusi kudaá gawaá gongoama', nee amór múk Hifi, kudá' hoót bihhaá baraay awa tloomár Hermoni amór yaamaá Mispa.

YOSHUA 12:18

waawutmoó gixsár Afeka, nee oo Lasharoni,

YOSHUA 19:30

nee Uma, nee Afeki, nee Rehobu. Gixsadaá taa haniís sleémeero nee ayeemooine dinkwaaro a mibeeri tsár nee tsár.

1 SAMUELI 4:1

Nee axweesantadár Samueli iri tsiyayaaxát baraá yaamaá Israeliro. Qoomaadae múk Filisti iri burumbuurít as tawa slaqwi nee múk Israeli. Xoorór Israeli iri fi'ít as tawa slaqwi nee múk Filisti, xafay'ín kuri tleéhh dír ta bay, Eben-eseri. Múk Filisti xafay'ín guri tleéhh dír ta bay Afeki.