YOSHUA 13:31 - Biblía Axweesantá Hhohho' ar Mungú 2004

³¹ Yaamuuín ayeemaá naa haraoohiyé' a tlaqtá yaamaá Gileadi ay Ashtaroti nee Edrei, gixsadaá aáng awa waawutmo Ogu baraá Bashaniro aa sawaawuti'ín. Yaamuuká' sleémeero kina qasiís dír tlaqtá múk guruú doó Makiri, garmoó Manase ar adoodá' múk dooín i dirii'i.

YOSHUA 13:31 Iomraidhean Croise

1 QOM'I 6:71

Tlahhoó Gershomu baraá tlaqtá tlahhoó Manasewo kuna gixsaduká' i haniís, gixsár Golani tidá' baraá Bashani nee qawtantose, nee Ashtaroti dinkwa nee qawtantose.

WARA'AMI 60:7

Gileadi a te'eé', Manase a kwe'eé', Efraimu a baqmór sagw'eé', Yuda a hharte'eé' ar waawuti'iima.

ESEKIELI 48:4

Alaá yaamaá tlahhoó Naftaliwo, daqaní tlahhoó Manase yaamu ngi slay, iimír bihhaá da/aáw wá tleemu ay bihhaá /uwa.

YOSHUA 12:4

Mose nee xoorór Israeli sleeme waawutmo Ogu oo Bashani nguna baaliyé'. Inós an kudá' naa meet baraá múk Refaiwo. Ina baraá gixsár Ashtaroti wa hoót nee Edrei.

YOSHUA 13:12

nee yaamu sleémeero awa waawutmo Ogu. Inós an waawtmoó aa meet baraá xoorór Refairo. Inós ina waawuti'ín gixsár Ashtarotír wa ale nee Edrei baraá yaamaá Bashani. Asma Mose awa hatlá' sleémeero gaa tlatlahhaás.

YOSHUA 13:32

Mose yaamuká' Yordaniro bihhaá da/aáw nee Yeriko ti ga/aawá' gina ka'amiís qoomár tawa baraá xatsoodaá Moabí dirii'i.

YOSHUA 17:5

As adoorí tlahhoó Manase kuri ayeemaá mibaángwií doók, yaamaá Gileadi nee Bashaniro bira meér harafarooro, kudá' yaaér Yordaniro gayuqá' i diriiá' bira meér harafarooro.

YOSHUA 17:6

Asma dasuú dooín kuna aalír yaamií haniís adór daaqáy wa ale, ala Gileadi kana ka'aás dír daaqoó Manase oo aa meet.

YOSHUA 9:10

nee tidá' aa tleéhh dír waawitaadá' tsár oo Amori, kuduú bihhaá da/aáw awa Yordani, waawutmo Sihoni oo Heshboni nee Ogu waawutmoó Bashani, kudaádá' aa hoot Ashtarotír wa ale.

HAR'OHUUSE 10:6

Múk Israeli tlakweema gina malé tleéhh dír geeraá AAKOÓ MUNGUHE. Inooín munguiidá' ta bay Ba'ali nee Ashtaroti ngina sagadiyuusiyé', nee munguaá hatlá' awa Shamu, nee awa Sidoni, nee awa Moabu, nee awa múk Amoni, nee awa múk Filistiro sleeme. Inooín AAKOÓ MUNGÚ nguna mayé', tam sleeme naa kumiiti'iiká nguwa sagadiyuusiya'.

HAR'OHUUSE 5:17

Múk yaamaá Gileadi ina meét gayuú Yordani. Tlahhoó Dani, asma milá masa meté' baraá miringe? Tlahhoó Asheri ina meét afaá tlawi, nina iwiiwitiyé' dir'ín tidá' wa alé.

1 SAMUELI 12:10

Inooín AAKOÓ MUNGÚ kway i /aa/amín tari oó', ‹Aga tlakweesaán, asma AAKOÓ MUNGÚ ugwa geexawaán, munguaá ta babay Ba'ali nee Ashtaroti kiri sagadiyusaán, ala hamí ti tu/ baraá dabaá wakuuseerene, daqaní atén kuúng u sagadiyuusaán.›

1 SAMUELI 7:3

Samueli múk Israeli sleémeero guri báy, «Barnaxes aga ki/é' ar munerhúng sleémeero amór AAKOÓ MUNGÚ, gimsé' munguaá dahaaye hingeesaak, nee slaqsi'iidá' ta babay Ashtaroti, dirhunge kwahhaak. Munerhúng amohhe'eesaak dír AAKOÓ MUNGÚ. Inós kilós ku sagadiyusá', daqaní inós kuungá' nu ba/amis baraá dabaá xoorór Filistiro.»