YOSHUA 13:13 - Biblía Axweesantá Hhohho' ar Mungú 2004

¹³ Ala tam adoorihe xoorór Geshuri nee ar Ma'akati, kaa guusiiká nee xoorór Israeli, ala nina alhootiyé' dinkwár wá ale ay laarí.

YOSHUA 13:13 Iomraidhean Croise

IIMU/UUNGW 35:22

Qoomár Israeli iwa hoót baraá yaamuudá' wa alé, Reubeni nee Bilha, /ameenír hatlá' ar baabuúwós, tari alqaát. Israeli kangwdá' guri axaás. Daaqoó Yakobo a mibaá nee tsár.

2 SAMUELI 10:6

Múk Amoni kawa tsaáhh adór Daudi kura buhhtís, múk slaqwara oo ya'ár hi'iít oo kume mibeeri tsár kuna tlaáxw amór múk Aramu wa ale, inooín a múk yaamaá Bet-rehobu, nee yaamaá Sobaro. Nee múk slaqwara oo kume mibaá nee tsár guri tlaaxw oo yaamaá Tobu, nee múk kumuú wák oo waawutmoó yaamaá Ma'aka.

2 SAMUELI 3:3

Oo tsár a Kileabu, aayorós a Abigaili kwaalo'ór Nabali kuduú ayaá Karmeli. Oo tám a Absalomu, aayorós a Ma'aka dasir Talmai, waawutmoó Geshuri.

FAARO 33:55

Ala barnaxés yaamuloouusér yaamuusíng aga geerií gusi'iika, daqaní dirhunge a adór ilaá taa áy nee tsiriingw, nee adór laqeelo baraá bihherhúng, inooín kuungá' nun slahh'eemisiyá' baraá yaamaá tay hotaá eera'a.

DABE 3:14

«Yairi heé tlahhoó Manase yaamu sleémeero awa Argobu gina hayóh, an yaamaá Bashani ay dír digimuú múk Geshuri nee múk Ma'aka. Yaamu sleémeero gina umuuwós ar ateét, tam ay laarí yaamuudá' ki bay Hawot-yairi.

YOSHUA 12:5

Yaamaá aa sawaawuti'ín bihhaá /iko ay tloomár Hermoni, bihhaá basko ay gixsár Saleka. Yaamaá Bashani sleémeero a kós, ay yaamaá Geshuri nee awa Ma'akati bihhaá da/aawe, bihhaá /iko ay tla/auhuú Gileadi, bihhaá basko ay digmuú yaamaá waawutmo Sihoni oo Heshboni.

YOSHUA 13:11

Yaamaá Gileadi sleeme, yaamu sleémeero awa xoorór Geshuri nee awa múk Ma'akati, ay tlom'i sleémeero awa Hermoni, nee yaamu sleémeero awa Bashani, nari ti'iitiyé' ay Saleka,

YOSHUA 13:12

nee yaamu sleémeero awa waawutmo Ogu. Inós an waawtmoó aa meet baraá xoorór Refairo. Inós ina waawuti'ín gixsár Ashtarotír wa ale nee Edrei baraá yaamaá Bashani. Asma Mose awa hatlá' sleémeero gaa tlatlahhaás.

YOSHUA 13:14

Múk tlahhoó Laáwi aalír yaamu nga slayi'iiká, ala gar'ín aqo ilahhooadár da/a/aangw ta hanmaamisi dír AAKOÓ MUNGÚ, Munguú Israeli. Tí an gár naa aaliyé' ar adoodá' AAKOÓ MUNGÚ Mose ngwa báy.

1 SAMUELI 27:8

Baraá afiqoomaadae Daudi nee mukós tana slaqwarár áy amór múk Geshuri, nee múk Girisi nee múk Amaleki. Inooín an yaamuloouusér yaamuudá' iimír aange. Giri haraadáh baraá yaamuuínií ale, ay yaamaá múk Shuri, kudaá digma nee yaamaá Misri.