YOSHUA 12:8 - Biblía Axweesantá Hhohho' ar Mungú 2004

⁸ Yaamuudá' Yoshua aa qasiís dír múk Israeli a kuká': Yaamaá gongoama' nee yaamaá xatsoowo, nee yaamaá Araba, nee geetaawér tlom'i nee xaanxaay, nee yaamaá Negebu. Yaamuuká' aáng awa múk Hiti, nee múk Amori, nee múk Kana'ani, nee múk Perisi, nee múk Hifi, nee múk Yebusi.

YOSHUA 12:8 Iomraidhean Croise

IIMU/UUNGW 10:17

nee múk Hifi, nee Arki nee Sini,

IIMU/UUNGW 12:9

Abramu iri kumaamiít aaiiwo amór báskwí alé ay dír yaamaá Negebu.

IIMU/UUNGW 13:7

Naagáy gila niri xayé' tla/ángw de'eemuusér hikwaá Abramu nee de'eemuusér hikwaá Loti. Nee de'emadaádae múk xoorór Kana'ani nee múk xoorór Perisi tan yaamuudá' wa hoot.

TI'INAANGW 23:23

Qoomár bar malaykamooeé' kuungá' naa geerahaár nuri hardahaás baraá yaamaaá xoorór Amori nee ar Hiti, nee ar Perisi, nee ar Kana'ani, nee ar Hifi, nee ar Yebusi, xoorduuká' ngiri hhaamiís.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

DABE 7:1

«AAKOÓ MUNGÚ Munguúhúng nu hardahaas baraá yaamuudá' kuungá' tay hotaá eera', nee xoordaá yaariir awa baraadá' gi guus. Qoomár bara daté' baraá yaamuudá', inós xoorduudá' faanqw /uuruú koomá' ta kuungae gi guus. Inooín an xoorór Hiti, nee xoorór Girgashi, nee xoorór Amori, nee xoorór Kana'ani, nee xoorór Perisi, nee xoorór Hifi nee xoorór Yebusi.

DABE 9:1

«Aá xoorór Israeli, kuungá' iia qaasaak, laarí kuungá' aga naka/é' yaaér Yordani kawa waarahha', as yaamaá xoorduudá' uren nee awa /uureemaá koomá' ta kuungae kiwa ala'. Kudá' gixsaduuín ló'wa uren, nee koo/ír gixsaduuín ka tlet ay gawaá doori.

YOSHUA 10:40

Gawaá adoorihe Yoshua yaamu sleémeero giri hayóh, yaamaá tlom'i, nee awa Negebu, nee awa xatsoowo, nee geetawér tlom'iiwo. Waawitaáín sleémeero guna baál, tam oo wák gwaa meetisiiká. Muruú slaáf sleémeero guna hhaamiís ar adoodá' AAKOÓ MUNGÚ, Munguú Israeli ngira oó'.

YOSHUA 11:16

Yoshua nee slaqwaruuseerós yaamu ngina hayoohiyé' iimír bihhá /iikú wa tleemu ay basa. Yaamaá naa hayoohiyé' a kuká': Yaamaá gongoama', nee yaamaá Negebu, nee baraá tlapuudaá yaamu sleémeero awa Gosheni, nee yaamaá xatso awa Shefela, nee yaamaá Araba, yaamaá tlom'aá Israeli nee xatsooine,

YOSHUA 3:10

Yoshua iri oó', «Daxta a tsahhá' adór Munguú slaáf ir baraá tla/angwhúng i dirií', nee mukwí gu baloó mayká hingeesaro dír geerahunge: Múk Kana'ani, nee múk Hiti, nee múk Hifi, nee múk Perisi, nee múk Girgashi, nee múk Amori, nee múk Yebusi.

YOSHUA 9:1

Baalír xoorór Israeli kawa axaás, waawitá sleémeero oo yaaér Yordaniro gayuú /uwí dirií', nee oo yaamaá gongoama', nee oo baraá xatsoowo, nee kuduú afaá tlawtá Mediteraneárí tseewá' amór yaamaá Lebanoni, oo múk Hiti, nee oo múk Amori nee oo Kana'ani, nee oo Perisi, nee oo Hifi nee oo Yebusiro,

HAR'OHUUSE 1:9

Múk Yuda iri kumiít as nee múk Kana'ani tawa slaqwi, kudá' baraá yaamaá tlom'ií wa hoót, nee oo baraá yaamaá Negebu, nee oo yaamaá xatso.