YOSHUA 12:2 - Biblía Axweesantá Hhohho' ar Mungú 2004

² Waawutmoó geera a Sihoni kuduú múk Amori, kudaádá' baraá gixsár Heshboni gaa hoot. Inós ina waawuti'ín iimír gixsár Aroerír wa alé, tidár baraá xatstá Arnoni, ay amór yaaér Yaboki, tidá' digmuú yaamaá Amoni, waawuti'iimarós iri hardát ay tla/auhuú yaamaá Gileadi.

YOSHUA 12:2 Iomraidhean Croise

IIMU/UUNGW 32:22

Xweeradaá kilae Yakobo iri daarkiít, tlaawaywós tsaraawo gurir tláy, sagadiyuuseerós tsaraawo nee na/iiwós kudá' mibaá nee wak, yaae gari waaraáhh dír dahhsantá ta babay Yaboki.

1 QOM'I 5:8

Bela garmoó Asasi garmoó Shema, garmoó Yoeli. Inooín Aroeri ngina hootiyé' tay hardáh ay Nebo nee Ba'al-meoni.

NEHEMIA 9:22

«Ina pa/aángwí hanís oo waawuti'iima nee xoorduwo kiwa arba/i, umuúqo bihhiiwo ina muruú yaariír i tléhh. Yaamaá Heshboni ngina arba/iyé' kudaá waawutmo Sihoni aa sawaawuti'ín. Sleeme yaamaá Bashani ngina arba/iyé' kudaá waawutmo Ogu aa sawaawuti'ín.

WARA'AMI 135:11

Sihoni, waawutmoó yaamaá Amori, nee Ogu, waawutmoó yaamaá Bashani, nee waawitá sleémeero oo baraá yaamaá Kana'ani.

YEREMIA 48:19

Kuungá' yaamuloouusér Aroeri, sihhiité', afaá loohi sihhiitaak, xumiisé', umuú hhawaatuú naa ta'aain /ameenír naa kotsqot, yaahasaak ku beera', «Gár naa /awuur?»

DABE 1:4

Adoorí gana tleéhh alaá AAKOÓ MUNGÚ waawutmo Sihoni oo xoorór Amori nguwa baál, kudá' gixsár Heshboni gaa hoot, nee waawutmo Ogu oo Bashani, kudá' gixsár Ashtaroti gaa hoot nee Edrei.

HAR'OHUUSE 11:13

Waawutmoó múk Amoni, mukdá' taa ya/aáw guri báy, «Asma múk Israeli yaamuueé' aáng gina hayóh qoomár niwa Misrír dahhiya', iimír Arnonír wa tleemu ay Yaboki, tam ay Yordani, gimáy daxta yaamuuká' ki/isang ar wayda.»

HAR'OHUUSE 11:22

Yaamaá múk Amori sleémeero ngina alqaatiyé' iimír yaaér Arnoni bihhaá basko, ay yaaér Yaboki bihhaá /iiko, iimír xaanxaay bihhaá da/aawe ay Yordani bihhaá /uwaawo.