YOSHUA 11:8 - Biblía Axweesantá Hhohho' ar Mungú 2004

⁸ AAKOÓ MUNGÚ slaqwaruusér waawutmoó Kana'ani gari haniís gawaá dabaá slaqwaruusér Israeli. Slaqwaruusér Kana'ani kari guús kay puruúts ay gixsár ur ar Sidoni nee Misrefot-maimu, bihhaá da/aawe tari puruúts ay xatstá Mispe. Slaqwaruusér Israeli muu sleémeero guri tsú/, tam heé aa meet i kaahh.

YOSHUA 11:8 Iomraidhean Croise

IIMU/UUNGW 10:15

Kana'ani iri laqwaál Sidoni, garmaawós oo baris. Aluudae iri laqwaál Heti.

IIMU/UUNGW 49:13

«Sebuluni hotaangós a baraá afaá tlawi, yaamuuwós tari wa/amér miringér uren ki sihhtimiisi. Harki/isoó yaamuuwós tari Sidoni.»

2 SAMUELI 24:6

Tari hardáh ay Gileadi, aluuwo ay Kadeshi baraá yaamaá múk Hiti, aluuwo tari hardáh ay Dani, didár Daniro tawa tláy tari harweerín ay Sidoni.

ISAYA 23:4

Muruuté' kuungaásá Sidoni, múk gixsar'ín taa harweér ar koo/ír gawit, asma tlawi sleeme kaangwí gu alki/ít i kat, «Aníng asltá xwayla aga baloó tsaqiiká, sleeme aga baloó laqwaaliiká, daaqoó naa umiím i kaahh, tam dasuú naa ureemiís i kaahh.»

SEKARIA 9:2

Nee gixsár Hamati sleeme tidár baraá digmií dirii', nee Tiro nee Sidoni tam inooín ki sageeloene.

DABE 7:2

Slám qoomár AAKOÓ MUNGÚ, Munguúhúng birnga haniís gawaá dabaahúng mukdá' kway balé', ku hhaamisá', al'axweesani tam ar niiná ma qaasara', nee inooín mi baloó gurtlawaara'.

DABE 9:3

Xuaak, AAKOÓ MUNGÚ, Munguúhúng, inós laarí yaaér Yordani gan geeraahúng wa waaraahh adór asltá xaa'aá /aay. Inós mukdá' gun hhaamiis, guri geerahúng wa baal. Gawaá adoorihe, in gusá', kiri wa'aá wák ar hhaamisá', adoodá' AAKOÓ MUNGÚ ngira al'axweés.

YOSHUA 10:20

Yoshua nee múk Israeli múk yaariír oo Amori kuna ló'wa tsuú/, ala kudá' niiná aa /uy iri /akumiít, iri dáh baraá gixsaduuín kudá' koo/i gawden.

YOSHUA 11:3

Inós sleeme afo gari ya/aáw amór waawituú Kana'ani, kuduú bihhe tsaraawo, da/aáw nee /uwaawo, oo Amori, nee oo amór múk Hiti, nee oo múk Perisi nee oo múk Yebusi kudaá gawaá gongoama', nee amór múk Hifi, kudá' hoót bihhaá baraay awa tloomár Hermoni amór yaamaá Mispa.

YOSHUA 11:7

Yoshua nee slaqwaruuseerós xafoó wakuuser'ín kuna gaanslár i haratláy dír yaaér Meromu wa alé.

YOSHUA 13:6

Yaamuudá' sleémeero awa tlom'idaá baraá tla/ángw Lebanoni ay Misrefot-maimu awa xoorór Sidoni. Mukwí sleémeero aníng u guús tawa ti'iiti ar adoodá' xoorór Israeli ir doogigiinda. Kuúng yaamu ki qasmís dír xoorór Israeli ar loohír tsawdo as ngiwa aaliya' ar adoodá' án kuúng ugwa báw.

YOSHUA 19:28

ay Ebroni ay Rehobu ay Hamoni ay Kana, iri hardáh ay gixsadá' ur ar Sidoni.

YOSHUA 21:44

AAKOÓ MUNGÚ inooín giri waydií haniís umuú diiro baraá yaamuudae ar adoodá' ngira al'axweés dír baabi'ii'ín. Hoomtuú gaa qiitl kwatiitaro i kaahh, asma AAKOÓ MUNGÚ hoomaadá' gana qaás baraá dabaá xoorór Israelírí ale.