YOSHUA 11:6 - Biblía Axweesantá Hhohho' ar Mungú 2004

⁶ AAKOÓ MUNGÚ Yoshua guri báy, «Ma baloó da'ayumiitaar as inooín. Matlo qoomár adór tihe aníng inooín in qaás gawaá dabaá múk Israeli, sleémeero kin hhaamiis. Alaá slaqwaraaro farasuuín kun kane tlaaq, nee gaarduuín kudá' slaqwara ki daa/ ar asla.»

YOSHUA 11:6 Iomraidhean Croise

2 SAMUELI 8:4

Daudi múk kumuú wák nee tsiire faanqw guna loohír wa hayóh, nee múk slaqwara oo ya'ár hi'iít kume mibeeri tsár. Daudi kanér ya'aá alu gana tlaáq ar farsuudá' sleémeero oo gaardaá koóm, ala farsuú gaardaá tsiiruwo bu'uút guna geexáy.

2 WAAWITÁ 6:16

Elisha iri oó', «Kuúng ma da'ayumiitaar, asma slaqwaruusér atén ta koomaan ka ur ta tiqá' nee inooín ti alkooma'a.»

2 QOM'I 20:16

Matlo kuungá' i haraatlawaak, qoomár bir gáwtí tsa/a/aná' baraá xatstá Sisír wa alé. Kuungá' i aleesleerá' dír alhhe'eesoó xatsa, dír nira hardihi'iiká dír xaanxoó Yerueli.

WARA'AMI 46:10

«Haay xasliité', tsaahhaak adór aníng tar Mungú! Aníng taa iia tleereés baraá xoorduwo, ti iia tleér baraá yaamuwo!»

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

WARA'AMI 46:9

Slaqwara gan har'ohín baraá yaamu sleémeerowo. Ga/aldu nee lawlu gin giqáy, nee gaardaá slaqwara gin da/a/án.

AXWEESANOÓ SAGALOOA 20:7

Heé hota ganaá' nee oo tsaeemár hotaatiím, Na/iiwós ki tsuuq aluuwose.

ISAYA 30:16

Kitangose kuungá' tari oé', «Aasla'áy! Atén an /akumitaán ar farasuú ti'ii'íngw baál.» Kuungá' aqo ta'aaiindá', tari malé oé', «Atén makaá ti'íingw baalá' tinar tiaainá'.» Gawaá adoorihe mukdá' kuungá' nu gusisiím, ti'iingo kuungá' nu baa/.

ISAYA 31:1

Tsaxwaaín mukdá' Misrirí alee/isoó firór aa'áw nee kudá' farasuú harahhifafiít. Mukdá' gaardaá slaqwara ngi harahhifá' as kiwa yaariír, kudá' múk farsuú i tsa/a/ám gu harahhiíf as tawa múk /uureemaá koóm. Ala Kudá' Hhoohhoó' oo Israeli ngu i qaytsimiitiaaká, tam sleeme AAKOÓ MUNGÚ ngu yaahamiisiaaká.

ESEKIELI 39:9

Qoomaarihe, mukdá' hoót baraá gixsadaá Israeli tindin ti'iit, xoosladár slaqwara taa geexáy kari burumbuur nee kari daa/ ar asla. Ga/aldu, nee maheeri, nee lawlu nee guhhli'i kiri baraá ásltí qaas adór migír ay kureeri faanqw.

HOSEA 14:3

Múk Ashuru atén ti ba/amisiiká. Atén sleeme farsuú slaqwara u malé harahhifanaaká, nee gadiyér dabaarén a male bawanaaká, ‹Kuungá' a munguúrén.› Asma diroge panaay gurtleemu gu sláy.»

NAHUMU 2:13

Ga/aaweek, AAKOÓ MUNGÚ Aleesleemusmo i kaahi, «Án a slaáqw nee kuúng, gaarduwók kudaá slaqwara i hhamiís ar asla, slaqwaruuseerók tidár adór direeri ngari tsuú/ ar paánga. Sluqoorók tidá' sleémeero an amór saáwí kwaáhh baraá yaamuwo, nee afór ya/abuuseerók kay malé axasiiká baloó alé.»

DABE 7:16

Xooro tam gaalá ar AAKOÓ MUNGÚ, Munguúhúng naa gawaá dabaahúng i haniís hhaamiisaak, ma baloó gurtlawaara'. Mungui'ín mi sluufmiisara', asma gár adór tí dirhunge a tsaaxweelír kuungá' nu ohiim.

YOSHUA 10:8

AAKOÓ MUNGÚ Yoshua guri báy, «Ma baloó da'ayutaar as inooín. Asma aníng inooín ngaa qaroó gawaá dabaawók i qaás. Heé kuúng u harasihhiít i kaahh tumu wák.»

YOSHUA 11:5

Waawituú Kana'ani sleémeero tay dinkwárí burumburiít nee xafay'ín nguri tleehhiyé' dír afaá yaaér Meromu. Diirí an didaádá' slaqwaruuse tiwa haragás as tawa slaqwi nee xoorór Israeli.

YOSHUA 11:7

Yoshua nee slaqwaruuseerós xafoó wakuuser'ín kuna gaanslár i haratláy dír yaaér Meromu wa alé.

YOSHUA 11:9

Yoshua tidá' kwa báy nee AAKOÓ MUNGÚ gana dir'íní tleéhh. Inós faras guna kane tlaáq nee gaarduudá' faras i uuruxun gina daá/.

YOSHUA 3:5

Yoshua muu guri báy, «Gimsé' ti kiloohúng hhoohhoese', asma matlo AAKOÓ MUNGÚ muruú waa/oo/amo gu tleehh baraá tla/angwhúng wa ale.»

HAR'OHUUSE 20:28

Finehasi garmoó Eleasari garmoó Aroni a heé sihhimiít dír geeraá sandakmoodá' wa alé deeloodae. AAKOÓ MUNGÚ kuri yaahaás tari oó', «A malé tlawaána as tawa slaqwaan nee hhaeerén awa Benyamini, laqaá i mawaán.» AAKOÓ MUNGÚ giri báy, «Tlawsé', tsa/amé', asma matlo aníng ngi gawaá dabaahúng i qaás.»

HAR'OHUUSE 7:9

Xweeradaá kilae AAKOÓ MUNGÚ Gideoni guna báy, «Ti amohhe'es, xafoó múk Midiani kuwa i haratleer, asma aníng arba/ati ngaa dirógí haniís.

1 SAMUELI 11:9

Inooín ya/abuuseedá' naa hardat kari báy, «Múk Yabeshi-gileadi ku beera', ‹Matlo qoomár tsee/amá bira uú', ba/ama a sleerá'.› » Naagáy ya/abuuseedá' iri tleér, múk Yabeshi kuri ádbáy, inooín tari qwalaá/.