YOSHUA 11:23 - Biblía Axweesantá Hhohho' ar Mungú 2004

²³ Yoshua yaamu sleémeero gina hayóh, ar adoodá' AAKOÓ MUNGÚ aa oó' dír Mose. Inós yaamu gay qasiís dír tlahh'aá Israeli, nee umuúqo tlahhaywo guna dirósí sláy. Múk Israeli iri hoót ar wayda.

YOSHUA 11:23 Iomraidhean Croise

NEHEMIA 9:24

Naagáy xwaylarí nay hardát yaamu ngiwa aaliya', múk yaamuudá' kuri arbaá/. Múk Kana'ani kway gawaá dabaaín i qás dinkwa nee waawitaáine nee múk yaamudae, as adoodá' i slaiya' ngiwa dir'ín i tleehhiya'.

WARA'AMI 46:9

Slaqwara gan har'ohín baraá yaamu sleémeerowo. Ga/aldu nee lawlu gin giqáy, nee gaardaá slaqwara gin da/a/án.

TI'INAANGW 34:11

Hara'ayaarí laarí ni kuúng babaw harmagahheek! Ga/aaweek aníng xoorór Amori nee ar Kana'ani, nee ar Hiti, nee ar Perisi, nee ar Hifi, nee ar Yebusi an geerahúng wa tlatlahhaás.

ESEKIELI 45:8

Gaarí an dír aalír geeraharusmoó Israeli. Gawaá adoorihe geeraharusmo muk'eé' gu /aytárí tleehhiiká, ala masók inós muu aqo gu máy kuwa yaamií qasiisi adoodá' xoorór Israeli kawa hariím.»

DABE 1:38

Ala alee/isusmoowók Yoshua garmoó Nuni in dah baraá yaamuudá'. Gimáy, inós i axweeseek miwa mune sií', asma inós múk Israeli gun baraá yaamuudá' i hardahaas as ngiwa aaliya'.›

DABE 25:19

Gawaá adoorihe qoomár AAKOÓ MUNGÚ, Munguúhúng burna amohhooárí haniís dír wakuuserhúng sleémeero, nee burna dahaás baraá yaamuudá' naa dirhúng i haniís tawa aalirhúng, daqaní múk Amaleki sleémeero ku suquurá' baraá yaamuwo. Gaarí ma baloó gunqaareesara'.»

YOSHUA 11:18

Yoshua nee waawitaáwí sleémeero tana slaqwaaqún ar har afiqoomár tleer.

YOSHUA 12:7

Yoshua nee múk Israeli waawitá sleémeero kuduú bihhaá /uwa Yordaniro kuri baál, iimír Ba'al-gadi wa tleemu, tidár baraá xatstá Lebanoni, ay tloomár Halaki, tidár bihhaá basa awa iisaapoó Seiri. Yoshua yaamu giri qasiís dír múk Israeli, umuúqo tlahhaywo nee yaamuuwós.

YOSHUA 18:10

Yoshua AAKOÓ MUNGÚ guri yaahaás daanduú tsawdoorihe, yaamu giri ka'amiís dír xoorór Israelírí ale, umuúqo tlahhaywo yaamuuwós gina sláy.

YOSHUA 22:4

Nee hamí AAKOÓ MUNGÚ, Munguúhúng hhaeehúng gaa waydií haniís ar adoodá' ngira al'axweés. Gimsé' daxta kuungá', ki/é' baraá yaamuuhúng kudá' Mose sagadiyusmoó AAKOÓ MUNGÚ naa haniís kiwa ala', kudaá gayuú da/aáw yaaér Yordaniro.

YOSHUA 23:1

Alaá qoomár tleere AAKOÓ MUNGÚ xoorór Israeli gari waydií haniís, slaqwarár nee wakuuser'ín iri fák badu sleémeero, qoomaarihe Yoshua a aakoó kureeraá yaariir gaa /aay.